انا متزوجه من خمس اشهر ومن اول اسبوع وزوجى يتحدث فى الهاتف والاسبوع الثانى اخزنى وذهبنا الى صديقته او حبيبته وممكن نكون اثناء الجماع الزوجي ويذهب ليجيب على الهاتف وبعدها ولا كأن شئ حصل ويطرقنى ليلا وانا جالسه فى غرفه وهو فى غرفه ثانيه يتحدث فى الهاتف وحيانا يحكى لى عن اللى بتكلمه ويرد منى ان اتحدث معها وانا لا ادرى ماذا افعل ارجوكم ساعدونى وقصة حب من حواللى 8 سنوات وانا فى حيره وانا الان حامل
لاشك انه شخص سافل وبلااخلاق ولاتربية ولايقدرالحياة الزوجية كيف انت ساكتة على هذالوضع المشين والغير اخلاقي طوال تلك المدة انت غلطانة لانك سكتي عليه وجعلتيه يتمادى في الخيانة مع حبيبته السابقة على حساب كرامتك وحقوقك كزوجة له انت الان حامل ووضعك صعب انك تتطلقي منه فلا خيار امامك سوى اشراك احد من اهلك واهله في هذة المشكلة حتى يتكلموا معه ويطلبوا منه قطع علاقته مع تلك الفتاة ويحترم حياتكم الزوجية ويصونها ويحافظ عليها فان لم يستمع لهم وظل على هذالحال فمن حقك طلب الطلاق منه وربي بيكرمك ويعوضك خيرمنه نشاء الله
اختي الفاضله فكري جيدا في الذي يجذب زوجك تجاه الاخريات وان كان هناك شئ لا يراه فيك ويراه في الاخرى فغيري من نفسك وتجملي له في احسن الصور* من كلامك اعتقد انه يفتقد معك لغه الحوار والفكر فالرجل لايحتاج الى الجنس دائما لكن يحتاج الى فكر وعقل كبير احيانا يحاوره ويناقشه في امور الحياه واموره الشخصيه* حاولي تفهميه جيدا
اختى مشكلتك حلها الموجة فى الكلام بدل ما تعرضى علينا احنا مشكلتك اعرضيها علية هو وعرفية انك انسانة وليكى احسيس ومشاعر ذيك ذية وذى الانسانة الى بيكلمها لازم هو يفصل الامور دة وجهى مشكلتك معاة ومع احترامى لسارة مينفعش تعملى ذي ويجيلك تلفون على اساس انك تعرفية ان دة بيضتيق لو عملتى كدة هتسقطى فى نظر نفسك
والراجل شئ والبنت شئ فى الامور دة
بصى ياختى انا طبعا من الصعب اقولك حسسة بنفس الاحساس الى انتى بتحسى بية يعنى خلى تلفون يجيلك زى مهوة بيعمل كدة بالظبط شوفى رد فعلة اية معاكى ولو عمل مشكلة وزعق وكدة اتكلمى معاه وقوليلو انتى بتعمل كدة لية لو متكلمش وعادى يبقى الاحسن انكو تنفصلو علشان دة مش بيحبك وهيعذبك طول عمرك وحرام البيبى الى فى بطنك دة يعيش فى نكد ربنا يوفقلك الحال
هو فى كدا اصلا انا بجد مش هقدر اقول غير انك السبب ازاى وصلتية انة مش بيخاف على مشاعرك للدرجاتى وتقولى حب من 8 سنوات وازاى انتى استحملتى لحد ما تجيبى نونو كمان ولسة يعرف عليكى واحدة وانتى ساكتة ربنا يصبرك ويهدهولك
السلام عليكم ورحمة الله وبركاته
بسم الله الرحمن الرحيم
بالطبع أختي الكريمة أود أن أقول في البداية أن الخيانة لا تُقابل بالخيانة مطلقا،،، وعذرا لكل من قال لك أنه يجب عليك أن تخبريه أنك قادرة على فعل مثل ما يفعل،،، سينقلب عليك بشكل بشع ويُقبل على ما يفعل بشكل أبشع،،، ومن الممكن أن يكون هذا الكلام ضدك في حالة الطلاق لا قدر الله،،، أما أنا فأرى أن تكوني صبورة وعاقلة كما أنتِ ولكن يجب أن تخبريه أن ما يفعله خطأ كبير ويجب عليه العدول عنه وتركه،،، وإن لم يستجب لما قلتي له فعليك بإخبار شخص له تأثير عليه مثل أبيه أو خاله أو عمه أو جده ويكون شخصا عاقلا أيضا،،، ويجب تنبيهه،،، وملحوظة مهمة جدا لا تحكي تفاصيل دقيقة ولا تكذبي مطلقا مطلقا مطلقا…. وأدعو الله أن يوفق بينكما….
أختي الحوار هو الأفضل للتفاهم و إن لم يجدي عليكي بالأشخاص الذين يحترمهم زوجكي لينصحوه قبل تفاقم المشكل لأن السكوت سينقلب عليك خصوصا أنكي حامل
معلش بقى جوزك كدة مش طبيعى نهائى يعنى مثلا انتى مش ملية عينة لازم تكلمية بصراحة وتقوليلوا انك رفضة الوضع دة وان فى طفل فى السكة جاى يعنى لازم يتقى ربنا عشان يباركلة فى ابنة ومنصحكيش انك تكملى كدة معاة يا اما يرجع عن الى بيعملة يا اما كل واحد بروح لحالة اذا كانتوا لية فى الاول امال بعد كدة اية كل ما تخرجى باقل خساير يبقى افضل بس خلى دة اخر حل عشان الطفل الى جاى
لو انتى حسستيه انك بتحبى حد او انك بتكلمى حد هايتغير صدقينى وهيهتم بيكى اكتر ولو ماهتمش بيكى اطلبى الطلاق لما انتى لسه متزوجه جديد وبيعمل كده امال لو فات على جوازكو 10 او 15 سنه هايكون بيعمل ايه ***
اختى الفاضله انا اسف بس فعلا ده مش انسان ده ؟ بس مقدرش اقول غير الله المستعان
انتي دلوقتي حامل وان شاء الله في نونو جاي في السكه .أنا بأنصحك تصبري وتحاولي تستجمعي قواكي علشان تقدري تصبري وتحاولي بكل الطرق تلفتي نظره وتكوني جميله دائما في نظره .وتوضحيله ان اللي بيعمله ده غلط وان حبه ده لازم يكون ليكي وللنونو اللي جاي موش لواحده تانيه ليس لها اي صفه .وفهميه ان الزواج استقرار ومشاعر وأحاسيس متبادله يغلفها الاحترام موش يغلفها الخيانه وقوليله ان اللي بيعمله ده حرام بس من غير ما تتنرفزي عليه .وفهميه انك عمرك ما هتخونيه زي ما هو بيخونك علنا.وفهميه ايضا ان ربنا ممكن يعاقبه بذنبك وذنب النونو اللي هيقوله يا بابا .***
تحياتي وكل سنه وانتي طيبه سلام
ازاي بيحكيلك عن صديقتة وايه مدى العلاقه واتي تعرفي العلاقه دي قبل الجواز
اختى الفاضلة
نصيحتى لك بداية جزاكم الله كل الخير على صبرك على زوجك وبحثك عن حل واتمنى من الله ان يوفقنى ان اضع امامك بعض النقاط التى قد لاتكون واضحة
السؤال ماذا يحب زوجك فيها ولا يوجد لديكي
لتعلمى اختى الفاضلة كل النساء باهتمامهم بانفسهم جميلات ولتتعلمى الحفاظ على زوجك ولتوجهى نفسك وقوتك ايجابيا فى اتجاه حفاظك على زوجك ولتعتبري حياتك عبارة عن تحدي فى ان تجدي الحل
الرجل فكره تصورى يحب ان يرى زوجته جميله ميك اب وحركات زي كده والبسي ما يحب من ثياب
واعرفى ان كان يحبها فهو اختارك انتى كزوجته واعلمى ان حب الزوجه هو الدائم بحفاظ الزوجة على الاسرة
ولا تنسي ان الجنين ليس له ذنب فى ان يولد فى بيئة لا تهتم به
ادخلى على موقع اليوتيوب وتعلمى الميك اب واعلمي ان كونك تقاتلين للحفاظ على بيتك واسرتك من الامور التى ستظهر لحياتك قيمة كبيرة جدا واعانك الله بالصبر
واستعيني بالله واصبري وربنا يعينك ويوفقك ان شاء الله
واعلمى تفويض امرك لله هو خير حل فابتلاء المؤمن اختبار له اتمنى ان تجتازى الاختبار
اختى العزيزه اولا انا احيكى على صبرك وتحملك ولاكن الغيره اوضعى فى نفسه الشك والغيره وعندما يحدثك قولى له زى ما انته بتعمل انا هاعمل وسعتها هيخاف ويرجع عن الى فى مخه لا تقلقى جربى