مشاكل العمل

ايهما افضل العمل في الصيدلية ام مهنة النقاشة

اضيف بتاريخ: Monday, September 13th, 2010 في 20:30

كلمات مشاكل وحلول: صيدلية, عمل, مهنة, نقاشة

14 رد to “ايهما افضل العمل في الصيدلية ام مهنة النقاشة”

1. عمر حسين

   

   20/02/2011 at 20:24

   نصيحة متبصش للشغلانة من ناحية المنظر لأه بصلها من ناحية المصلحة أنا مثلاً بدرس في مجال الجرافيك والمنتاج وبدرس لغات ده غير أني علي واجبات تجاه أسرتي فكان واجب عليا أني اشتغل شغلانه مكسبه حتى لو هتطلع عيني بس ماشي أستحمل المهم تــــوصــل لهدفك حتى لو اشتغلت حمال !!!!
2. مخنوقه اوى

   

   03/10/2010 at 06:17

   خلي بالك انا ابويا نقاش وانا كليه محترمه وبابا كان دبلوم يعنى متعلم كرهنى في شغلته وده لانه كان جيله حاجات كتير ورفضها وحاجه زي دي مخليانى اكره العمل الحر لانه كل اما بيجيلي عريس بنكسف اقله ان ابويا نقاش وبقول مقاول واختى هتعمله مكتب عشان شكله قدام الناس مع العلم اننا سكنين في حي راقي واختى تعمل عمل محترم وعندنا عربيه بس عقده حياتنا انه نقاش
3. مربوششه

   

   20/09/2010 at 15:20

   اشتغل الصبح نقاش وبعد الضهر صيدلي وبكده تكون ضمنت الشغلانتين ومرتب مغري كمان *_* حد يلاقي شغل وميشتغلش فالايام المهببه دي *_*
4. الديشه

   

   17/09/2010 at 14:30

   اللى قبلنا قالو اللى يطلع من داره يتقل مقدارة معاك صيدلة و عاوز تشتغل نقاش فى زمن النصب خليك فى الصيدلة وجد واجتهد حتنجح
5. المهندس المصري

   

   15/09/2010 at 02:06

   في واحد صاحبي بنفس مشكلتك بس الفرق إنه عنده بكالوريوس تجاره ,,, بس النقاشه دخلها أفضل بس في ناس بياخدوا الموضوع مركز اجتماعي لكن إنت هاتأكل بالمركز الاجتماعي إيه اشتغل نقاش وهاتكسب وهاتقدر تعمل بيت وتصرف عليه والشهاده حطها للزواج زي مابيقولوا علقها على الحيط… المهم تأكل بيتك وتكسيهم وده رأيي
6. الحل الامثل

   

   15/09/2010 at 01:29

   انا من رايى انك تتعلم صنعة النقاشة ويبقى اتعلمتلك صنعة .. والصيدلية باردو جميلة ولو هتستمر فى الصيدلية خليك فيها
7. د. زوزو

   

   14/09/2010 at 21:37

   والله يأخ الصيدلة جميلة وممتعة وكفاية عليك إنك تتعلم كيف التعامل مع الأدوية وأي حد عندك في البيت مريض هيحتاج لمساعدتك وهذه المهنة شريفة ومفيدة جدا للمجتمع ..
   أخي الفاضل مش مهم أوي الراتب طالما إنك بتنفع أمتك الإسلامية وتتعلم صرف الأدوية .. والصيدلة مش أدوية وبس بل هي فرع من فروع الطب .. ومعنى كدة إنك هتعرف كنز من المعلومات عن الأمراض وعن كيفية حدوثها.. ومسار علاجها.. وهينادوك إن شاء الله.. يا دكتور..
8. الملك

   

   14/09/2010 at 16:45

   طبعا نصحتى ليك انك تشتغل نقاش صنعه هتفضل معاك طول عمرك لو انتى حاصل علي كلية صيدله كنت قولتلك طبعا افتح صيدليه لكن انتى حاصل علي دبلوم لو اشتغلت في صيدليه هتحصل علي كام 250 300 400 في الشهر دا اخرك وكداب لو قلت اكتر من كده لانى اشتغلت فيها مدة سنتين لاكن لو تعلمت النقاشه هتاخد بالمتر ياعم والاخ الا بيقولك انا نقاش مش عايزك تزاحمه في رزقه مانا عارفهم الجماعه النقاشين دول جماعه حقوديه وربنا يرزقك رزق حلال ويوفقك لما تحبه وترضاه
9. سعيد محمود محمد

   

   14/09/2010 at 12:12

   انا نقاش توب ونصحتي ليك سيب النقاشة اما انت معاك صيدلة اية الي جبرك علي المرمطة بص انا من الجيزة هرم
10. سعيد محمود محمد

    

    14/09/2010 at 12:10

    بص بقا انا نقاش بس صنيعي توب وعايز اقولك اية الي عجبك في النقاشة المرمطة والبهدلة وحد يا كل عليك فلوس دا انا ليسا بدريس وبحلم بصيدلة وانت معاك صيدلة ونقاشة وعايز تشتغلل في النقاشة يا عم حرام عليك
11. بسكوته

    

    14/09/2010 at 00:13

    مهنه الصيدله دي تحفي وبتكسبك خبرات كتيرررررررررررررر وربحها حلو علي فكره انا بشتغل في صيدليه
12. كلام من قلبى

    

    13/09/2010 at 23:19

    الصيدلية طبعا على الاقل على الاقل يكون معك خبرة وممكن تتشغل فى اى مكان عادى وكمان انت بتجيد الغة يعنى حلو اوى
13. توتو

    

    13/09/2010 at 23:06

    اعتقد انك تشتغل في صيدليه احسن
    انا مبقللش من قيمه النقاشين بس مادام قدامك فرصه كويسه متضيعهاش
14. الملاك الحائر

    

    13/09/2010 at 22:55

    من وجهه نظرى صلى صلاه استخاره واختار الشغل فى الصيدليه وشوف ايه اللى هيحصل
    ربنا يوفقك