انا جميلة الحمدلله بس مش اجتماعية اوي. طول عمري في مدرسة و كلية فيها ولاد و بنات و بتكلم مع الولاد عادي و بهزر في حدود الادب بس عندي مشكلة غريبة اني لما اكون معجبة بواحد معرفش اتعامل معاه زي كل الناس , و ممكن متعاملش اصلا بسبب كسوفي و خوفي يعني اتعامل مع كل الناس عادي الا مع الشخص الي انا معجبة بيه اتكسف منه و اتجنبه فيفتكر اني كارهاه و يبعد و دة حصلي قبل كدة و انا صغيرة و في الشغل حتي كان فيه واحد معجب بيا و بيحاول يقربلي و انا كني معجبة بيه برده بس كنت بتجنبه و بتكسف اتعامل معاه حتي معرفتش شخصيته غير سطحي اوي لحد ما بعد و خطب حد تاني , انا ماقصدش اني اصاحبه انا اقصد اني مش بقدر حتي اتعامل عادي كزمايل فا مش بعرف الشخص الكويس و دي حاجة بتخوفني لاني نفسي اتجوز حد اكون بحبه بس خايفة كسوفي دة يضيعني . ساعدوني
الناس يعرفو يفرقو بين من يتجنبهم لأي سبب ومن يهتم لأمرك يتبين بنفسه
باختصار – اعتبري الكل اخواتك – تجاهلي الاهتمام باي حد – اللي عاوز يحبك يدخل البيت من بابه – يعني يزورك في بيتك ويطلب ايدك – بصراحة مفيش حاجة اسمها حب – اللي بيحصل البنت لو متساهلة هي في الاخر اللي خسرانة – كتير من البنات بتتساهل لغاية لما تخسر سمعتها وشرفها وترجع تندم وتقول دا بسبب الحب – خليكي طبيبعية – واللي عاوزك هيجري وراكي ويطلب ايدك وانتي معززة مكرمة – شعورك طبيعي متقلقيش ورنا يوفقك لما فيه الخير .