انا في سن المراهقة و بدأت قصة الحب بعد ما اتعرفت علي بنت عمه وهي قالتي انها بتحبه وقالتي اساليه لو كان مرتبط قولتلها مش هينفع لاني مش بكلم شباب قالتلي عشان خطري وكده وانا وفقت دخلت كلمته باميلي من غير ما اضيفه قولتله هاي ممكن نتعرف انت مرتبط فقالي انتي مين قولتله جاوب بس قالي لا انا مرتبط بربنا فقولت لصاحبتي الكلام ده قالتلي قوليله ان في بنت يتحبه قولتله كده قالي اسمها ايه قولته هسالها ممن اقولك اسمها ولا لا وهي مش كانت بتفتح وساعت ما فتحت كنت خلاص زهقت منه لانه كان بيقولي لو محترمه مكونتيش عملتي كده المهم قولتلها انا مش هكلمه تاني
طبعا اول لما اتعرفت عليها كانت بتكلمني من رقمه هو لانها مكنتش لسه واثقه فيه عشان تديني رقمها
ف ثاني يوم ف رمضان اتصل بيه وقالي ايه اسم البنت ال انتي قولتيلي انها بتحبني قولتله مش هقدر اقولك فقالي اعتبرني اخوكي قولتله مش هينفع قالي متخفيش مني وكده واكلمنه وقولتله سبني افكر سبني يومين من غير ما يرن عليه انا مسحت رقمه وقكرت انه مش هيرن عليه تاني لاقيته بعتلي رساله تهنئه بمناسبه رمضان ورن عليه بليل وقالي ايه رائيك ف الموضوع قولتله موضوع ايه قالي انتي نسيتي قولتله اه قالي ان احنا نكون اخوات قولتله موافقه لاني كنت ارتحتله خالص واكمنه وقالي ليه البنت ال انتي قولتيلي عليها مصرحتنيش بحبها ليه قولته هي صارحتك وانت وم وافقت قالي انا اعرفها قولتله اه قالي مين قولتلك بنت عمك
قالي انا مستحيل احبها لانها اختي
بعد كده كنا بنتكلم قالي انتي حبتني قولتلك لا قالي بكره هتحبيني قولتله انا مش من النوع ال بيحب من طرف واحد وكملنا كلمنا لقيته قالي بحبك انا حسيتها بجد منه قولتله اشمعنا انا قالي لانك طيبه وكمان مش خبتي عني اي حاجه من ماضيكي انا قولتله اني حبيت قبل كده
قولتله هتسبني ف يوم من الايام قالي لا قولتله بحبك لاني فعلا كنت حبيته
المهم عاوزع اعرف ايه رائيك ف العلاقه ما بينا احنا بنتكلم علي طول علي الموبايل وانا عندي 15 سنه وهو 20 وقالي هتقدملك
مشاكل حب المراهقة
بحب شاب على الموبايل ومن بلدي
اضيف بتاريخ: Saturday, August 4th, 2012 في 19:17
كلمات مشاكل وحلول: بنت, حب المراهقة
أعتبريني بمثابه أمك فأناأبلغ من العمر 35 عاما …….. ونصيحتي لك هي (كملي دراستك .. أكثر الاولاد كيذبون على البنات .. ولا تعطيه إي ثقه زايد وحذريه إذا تعدى حدوده بالكلام .. قد يكون يريد يلعب بك من ثم يرميك وقد يكون صادق ..
بيضل يفكر طولو عمره حتى لو ما قال لك(مثل ماكلمتيه حتكلمي غيره)أنتي تحبينه لكن واثقا انه يحبك او انه ما قال هاالكلام لغيرك او انك اول وحده بحياته ….
لا تكلميه قولي له لوبتحبني تقدملي وبعدها نتكلم بالتلفون أنتي أمراءه مسلمه وصوتك عوره أنتي في سن المراهقه وأي شخص يقو لك أحبك ستنجذبين إليه راجعي نفسك)
جزاكم الله خيرا
متشكره جدا علي رئيكم انا كنت حاسه اني بخون صاحبتي وقولتله بس هو قالي الكلام ده لو انا بحبها بس انا مش بحبها
وهو شاف صورتي وانا قولتله علي كل حاجه ف حياتي مش عرفه اعمل ايه هحاول مرنش عليه عشان هشوف
هقدر ابعد عنه ولا لا
بصى يا حبيبتى تقريبا اغلب الناس ال علقت كانت تعليقاتهم جميله جدااا وكلامهم محترم ومقنع بس انا عندى احساس انك ممكن متتقبليش الراى ده ال هو بيضحك عليكى وانك تسبيه وكده انا مش بقول ان كلامهم غلط اطلاقاااا هما صح بس انا عارفه ان فترة المراهقه دى بتبقى البنت فيها عنيده شوية ودى حاجه عاديه وبتبقى متمسكه برأيها وعارفه كمان ان بتنبسطى لما بتكلميه وعايشه ايام شايفاها حلوه مش عايزه اقولك رد يضايقك بس عايزاكى تخلى بالك من نفسك اووووووووى وحاولى برضه متدهوش الامان اوى ولو قدرتى تبعدى ماشى ولو مقدرتيش زى ما قولتلك خدى بالك من نفسك واوعى ترخصى نفسك خالص وبرضه فكرى وشوفى الاحسن لمصلحتك ولنفسك وعمليه بس ايه فكرى كويس اووووى يارب رأيى ده ميشفهوش حد انه ضاار بس انا براعى مشاعرك وحاسه بيكى وربنا معاكى بقى 🙂
لو انتى واثقه فيه اوى يبقى خلاص حبيه وكملى معاه بس فى معظم الحالات الشباب معظمهم كدابين بس انا بقولك خدى بالك
انا بقللك انك ما تتركيه قوليلو انك عايزة تشوفيه وخدى معاكى وحدة تكون كبيرة عشان ما يعملكش اى تصرف غير لائق
انتي كدا هتخوني صحبتك ركزي في مزاكرتك دلوقتي ولما تكبري شويه لقدام انشاء الله تلاقي الاحسن
انتبهى لدراستك ومستقبلك لان مستقبلك هو اهم من اى حاجة وهو لو عاوزك هييجى يتقدملك بس بلاش حكاية كلام موبايل وكده لانكوا هتتعلقوا ببعض اكتر وهتبقى اتحسبت عليكى انك كلمتى ولد والله اعلمى من نصيبك ولا لا او بيحبك ولا لا فما تديلوش ثقتك عشان خاطرى ياقمر
السلام عليكم يا روحي 🙂 اولا : خلينا نتكلم بصراحة كدة بما اننا الاتنين بنات و كمان انا عمري بنفس عمرك بس يا ريت تردي عشان نتطمن عليكي 🙂 .. بدايةً كدة : و قبل ما نقول العلاقة دي تنفع ولا لأ و هتستمر ولا لأ .. انتي من جوه نفسك راضية عن اللي عملتيه تجاه صاحبتك ( هو ايوووه دي مرحلة مراهقة و مشاعرها تجاه الولد يمكن متكونش ثابتة اوووي بس مهما كان دي مشاعر و بتبأ محسوسة فعلا و زي ما هي مشاعرها تجاه الولد مشاعر شبه مزيفة انتي بردووو مفس الحكاية و على فكرة هو كمان نفس الحكاية على فكرة ( 20 سنة مش كبير اووي بس بردو مش صغيرر يعني متوقع انو يكون كلم قبلك اكتر من واحدة و كلهم قالهم هيتقدملهم بس تفتكري لو بالفعل اتقدملهم و وفى بالوعد كان زمانك موجودة في حياته ؟؟!!! و بعدين حبك ازاااي كدة ( الكل سمع عن الحب من اول نظرة بس الحب من اول هاي ! لا دي مسمعناش عنها ) زمان كانت كلمة بحبك دي غالية اوووي زي ما الناس كانت غالية و كانت متتقالش غير للي بجد الواحد حاسس ناحيته حاجة كبيرة بس احنا دلوقتي للأسف في زمن الناس فيه ارخص من التراب اللي بيمشوا عليه ( دا مش الكل طبعا ) و كلمة بحبك بقت ارخص و ارخص و اي حد بيقولها لأي حد و اهي كلمة و ماشية و كم جملة محفوظة الولد بيهم يثبت البنت قدامه .. بس ركزي و فكري شووووية .. تفتكري لما الولد يشوفك .. لو كان لاقي بديل مش ممكن يتحجج بشكلك و دا مش معناه انك لا سمح الله قبيحة بس اهي حجة و السلام عشان يخرج من حوار و يبدأ في غيره .. الكلام دا مش لكل الشباب لأن في فعلا بيحبوا بصدق بس دا مش معقول يكون حبك من نبرة صوتك مثلا .. بصي : انتي لازم تحكي معه و تقوليله : ان انتي عايزة تنهي الحوار علشان ربنا اولاً و ثانياً علشان صاحبتك المسكينة اللي وثقت فيكي و ثالثاً علشان اهلك و علشان ميكونوش بيتعبوا عليكي و يصرفوا عليكي و مش معقول يا حرام الفلوس اللي يدوهالنا اهالينا نقضيها كروت شحن و مش معقول فلوس الدروش و الكتب اللي بيدفعوا دم قلبهم فيها و في الاخر نجيب مجموع اقل من واحد معتمد على المدرسة بس .. بجد حراام و رابعاً علشان دراستك و صدقيني لو بيحبك فعلا مش هيزعل منك و هيجي يتقدملك او حتى يتكلم كلام سطحي مع اهلك مقدما بما ان سنه صغير و هيعمل كدة عشان يكبر في نظرك زي مانتي كبرتي في نظره .. و عشان خاطري خليكي غالية و متستنيش تغلطي علشان تتعلمي من غلطتك .. بجد اللي بيدخل الحوارات دي مبيخرجش منها صدقيني انا بقولك كدة علشان انتي في محل اختي بدون ما اعرفك لكن مفيش حد دخل في حوار المصاحبة دا اللا و مسك فيه و مخرجش منه .. فانتي يرضيكي تتنقلي من ايد دا لي دا و من ايد دا لي داااا ؟ فكري و قوليلي 🙂
بكرة تعرفي انه بيخدعك
حبيبتي أناا بنفس عمرك
ببس رآيي بالموضوع أنو تتركيهه
للأنو حتى لو تقدم لك بيضل يذكرك
ببالماضي و بيشك فيك
ااو رآح يتركك لما يمل منك
ههذآ رآآيي و عملي اللي تشوفيه صح
هذا الشي هو الحرام بعينة اصلا انتي صغيرة على هالكلام احسنلك انتبهي لدراستك
ياحبيبة قلبي هو فعلا مش بيحبك ازاي يعني هيحبك من غير ميشوفك ولا انتي تشفيه وفعلا كلام نادر صح جدا وانا متفقه مع رايه جدا ودا غير انه ولد وفاهم الصبيان بتفكر ازاي وغير كدا دي تعتبر خيانه ل بنت عمه والخيانه اكتر حاجه توجع فحطى نفسك مكانها ونصيحة فكرى تاني ورجعى نفسك وربنا معاكي ان شاء الله
يعنى بيحبك من غير ما يشوفك انت ممكن تقولى لاهلك في واحد بحبة من الموبيل لا طبعا حرام
ههههههههههههه .. والله اكتر قصة ضحكتني ..ايه دا يا بنتي الي بتحكي عنه .. انتي كده خونتي بنت عمك الي وثقت بيكي وقالتلك على سرها .. انتي مش بس كشفتي سرها انتي كمان اخدتي حبيبها منها ..معقول هتحبو بعض من مكالمة تليفون للدرجادي احنا بقينا في عصر السرعة .. بصي يا حبيبتي انتي سيبك من البني ادم دا خالص لانو عاوز يهزر معاكي شوية .. وانتي شكلك هتسمحيله انو يهزر اووووي ..انتي لسة مراهقة ومشايفة الغلط من الصح .. بس نصيحتي مينفعش انك تسمي ان دا حب بجد .بكرة تفتكري الايام دي وتضحكي عليها ..
طيب هوا حبك بجد وين المشكلا بالضبط الا لو انتي مش عوزاه يجي يتقدملك
ههههههههههههههههه
طبعآ هيقولك هتقدملك من شان ايسكتك ومتتركهوش ياحلوه!
لان هوه لمن يعوز يتركك يتركك براحتو!
يعني انتضري الى ان يجد بنت اخرى حيزهق منك ويسيبك ويمشي
لانه لو مقلكيش كده هتسبي وهوه معندوش وحده غيرك حاليآ
بس يصير عندو بيتركك
بعدين انتي كيف اتخوني صديقتك؟
وبعدين كيف حبك!! هوه انتي صدقتي دا انتي مش متكلمه معاه غير كلمتين على بعضهم
اصلآ انتي من قولتيله في وحده بتحبك هوه فكرها انتي وقال العب عليها(يعني ياكل عقلك بكلمتبن حلوتين وبعدين يسيبك) وده الي انا شيفاه والله يسترك
ههههههههههه هو اى حد يقولك بحبك يبقى بيحبك يابنتى انا قولت بحبك دى لبنات الدنيا كلها وعمرى ما حسيت انى بحب حد اصلا كل الكلام اللى هو بيقولهلوك دا انا قولته لكتير اوى .. هو لا شافك ولا عرفك ولا انتى شوفتيه ولا تعرفيه يبقى ازاى بيحبك .. الحب يابنتى يعنى احساس صافى مفيهوش اى تزييف ولا خداع وانتوا الاتنين بتضحكوا على بعض لا انتى بتحبيه ولا هو بيحبك .. كل الموضوع انك لاقيتى حد بيهتم بيكى وبيقولك بحبك علشان كده للأسف انتى ضعفتى وعوزتى تكلميه اكتر واكتر
أختي العزيزة…..يوجد الكثير من العلاقات عبر التليفون و الانترنت و بعضها ينجح و البعض الأخر يفشل…. نصيحتي ان تركزي في دراستك فانت ما زلت صغيرة و لكني مقدر مشاعرك و احترمها…مش اي حد يقولك بحبك يبقي احساسه صادق….في سنك تكون المشاعر قوية جدا فلا تنجرفي وراء اشياء قد تكون سراب…. اذا اردت الاستمرار فالتزمي الحفاظ علي الاحترام و الابتعاد عن ما يغضب الله…واذا كان صادقا فيستقدم لك…مع الاخذ في الاعتبار انك ستتعرفي علي أشخاص كثيرة حتي تصل لسن الزواج الشرعي فاعطي نفسك فرصة والوقت الكافي لاختيار شريك حياتك