السلام عليكم ورحمة الله وبركاته
مشكلتي مع خطيبي التجاوزات خطيبي بيقربني منه واحده واحدة لحد ما مكنش قادرة امنعه عني وهو بيبوسني او يحضني دا اذا موصلنيش لاني انا اللي ابقى عايزاه يعمل كدا … سامحوني عالوصف وطرح مشكلتي بالتفصيل
انا تعبت اوي في الاساس مش هقول اني متدينه بس انا بحب ربنا اوي وبحب سيدنا محمد وبحاول اخلاقي تبقى زيه
مش بتكلم على حد بسوء .. بسامح الناس اللي بيغلطوا في حقي .. وبعمل الخير على قد ما بقدر بفلوسي وجهدي .. بكظم غيظي وانا بشي على قد ما اقدر .. اذا اتكلمت عن حاجة بتكلم بالخير او بسكت.. يعني بحاول اخلي اخلاقي على سنة سيدنا محمد
بس من ساعت ما اتخطبت وحاجات كتير اتغيرت بقيت واحدة بشخصيتين
منين اكون كدا ومنين ابقى انا وخطيبي بينا التجاوزات دي
انا حاسة اني هموت لاني مبقتش عارفة نفسي حاسة اني بضيع وايماني كمان بيضيع مني
كل مرة يحصل تجاوز بيني انا وخطيبي اعد استغفر ربنا واعمل اي عمل خير يرضي ربنا اتبرع بفلوس اشارك في جمعية خيرية وافضل قاعدة كذا يوم ببكي وبتالم بسبب اللي حصل ومارقش الا لما احس اني رجعت لربنا تاني واقول لخطيبي اني ببقى مخنوقة وتعبانة من اللي حصل لانه حرام وحاجة تغضب ربنا يقولي مش هيحصل كدا تاني …
بس المشكلة انو بيحصل تاني وولا مرة حسيت انه ندمان بالعكس بيبقى مبسوط انه حصل كدا وكان عايز يتكلم في اللي حصل ولولا عارف اني هانبه بالدين مبقاش يتكلم
المرة اللي قبل قبل الاخيرة اتبرعت بكل فلوسي بتاعة الشهر عشان احسس نفسي بكبر اللي عملته ومنها تعبير بكبر بندمي على اللي حصل لدرجة اني والله مش عارفة هكمل الشهر ازاي وممكن انام جعانة لان مش هيبقى معايا فلوس اجيب اكل لبقيت الشهر
المرة القبل الاخيرة دي وبعد ندمي واللي عملته اتكرر تاني الموضوع وومقدرتش امسك نفسي من العياط معاه وقلتله اللي عملته عشان يحس بكبر الذنب شوية ويحس بوجعي من اللي حصل وبعدها مبقتش عارفة استغفر ربنا تاني ازاي غير بالاستغفار وتانيب نفسي واني اصوم
بس بعدها وبعد ما عرف خنقتي واللي ببقى فيه بعد كدا ومع انه قالي مش هيكرر الموضوع دا عاد الموضوع تاني …
بيبدأ بلمسه ايد وكلمة حلوة ويقربني منه ويخليني على كتفه وبعدين يحصل كدا
انا زهقت وتعبت ومش عارفة اعمل ايه .. بفكر اسيبه او ابعد عنه بس حاجة موقفاني مع اني قربت اكون كرهته ومش عايزاه
مش عارفه ليه انا متمسكة بيه ليه .. يمكن عشان محتاجة الجواز اوي ومحتاجة اعف نفسي بالحلال انا كمان وفكرة اني اسيبه وابقى فاضية تاني متعبة اكتر لاني حايفة من الحرام !
والخطوبة بتساعد الواحدة على العفة في الاول وفي حاجات .. زي انها عفت قلبها مش ممكن تتمنى حد انه يتقدملها وبستقر نفسها وتغض بصرها وتبدأ تحلم ببيت يرضي ربنا بس لما تكون الخطوبة بالشكل دا وخطيبي كدا اعمل ايه هو كدا قرار الجواز صح ولا غلط اصلا ..هو احسن ولا من غيره احسن ..
علما باني بالعقل ولو هاخده عشان تدينه واخلاقه وربنا اعلم باللي جوا قلب كل واحد بس لو هاخد باللي ظاهر عندي من اللي بيعمله وعايزاكوا تساعدوني فيه :
الوحش :
انه بيصلي .. بس صلاته مش منعاه يتكلم على الناس وحش ..
مش بيندم على الغلط زي التجاوزات دي
عصبي وممكن يتخانق مع حد في في الشارع لما يكون معصب من شغله
بيشرب سجاير “علما بان كدا ربنا هداه لانه زمان مكنش بيصلي وكان بيشرب حشيش ودلوقتي بيصلي وبطل اللي كان بيشربه دا ”
في اختلافات بين شخصياتنا مش متاكدة هرتاح بعد كدا مع الاختلافات دي ولا لا زي اني بحب انطلق واسافر والعب والطبيعة .. وهو مش كدا هو جامد اكتر بيحب الحاجات التقليدية
الحلو اللي فيه وخلاني اقبله في الاول واستبشر فيه خير :
ان باباه مؤذن في الجامع
ان شغله كويس وحلو وهو خريج لغات يعني مستقبله حلو باذن الله
انه بيتحمل المسؤولية مش بيرضى اني اركب تاكسي واحنا عندنا سيارة وهو كمان فيقول بدام هو واخويا موجودين اولى بانهم يودوني مكان مانا عايزة ومركبش مع حد غريب وطبعا مواصلات ممنوع نهائي ولا اقدر اقوله كدا ودي حاجة كانت مدايقاني في اهلي شخصيا لانهم كانوا سايبيني عادي وفي ناس مبتبقاش كويسة فيهم
اني لاقيته سلم على حارس العمارة بايده وساله على اخباره مع انه حارس جديد فحسيته متواضع ومش متكبر من المووقف دا
فقولولي بقى اعمل ايه .. انا قولتلكم كل حاجة في بالي ومديقاني وادتكم صورة عنه عشان تعرفوا تنصحوني صح لان يمكن نصيحتكم تغير حالي تماما
وادعولي ربنا يقدرني على اني اعمل الصح وربنا يككتبلي الخير ويرضيني بيه
حصل تجاوزات جامدة بيني انا وخطيبي وكل مرة بكون مخنوقة بعدها واعيط واقوله المفروض مايحصلش بيننا كده يقوللي انتي مراتي قدام ربنا وعمري ماهسيبك ودلوقت فى اختلافات بين ي وبينه على تجهيزات ااجواز وبدأت اكتشف فيه صفات مضايقاني ومش متقبلاها ..زى انه بخيل وعنده قسوة وجمود ف مشاعره ..وعايزة افسخ الخطوبة وخايفة جدااا ومش عارفة اعمل ايه وقلبي واجعنى ومش عارفة اخد قرار خصوصا ان سني مش صغير
انا كمان بيحصل معايه كده خطيبي بيحضني و يبسني في العربيه و كل مره بناخد وعد اننا مش هنعمل كده و بنرجع تاني كان مفيش اي وعد علي اني كنت بمنعه كتير احنا مكناش بنحب بعض الاول بس بعد كده حبني و اخد عليه مكنشي بيمسك ايدي اعد كده 3 شهور و بعد كده اخد عليه و بقي يعمل تجوزات و مل مره اروح معيطه و اهلي لاحظو المرضوع كل ما اخرج ارجع البيت مكشره من الخروجه و مكلمشي حد لحد تاني يوم المشكله اني بعد اكلمه مبيكنشي زعلان زيه و بيعض يقولي انا هريكي بوس معلش علي الكلمه بس بدايقني منه جدا و بعد ما اخدنا وعد اخر مره كنت في البيت عنده و اخويا معايه واخد اخته خطبها شافني و هو بيعمل كده معايه و عمل مشكله كبيره ساعدوني ازاي ابعد عنه لما يعمل معايه كده اتصرف ازاي
انا كمان صار معي هيك وتركنا وما في امل ترجع وصار هل شي اكتر من 5 مرات وانا ندمان وهم اطلب التوبة والله يغفر ذنبي كل البلدان وكل العالم هيك صارت استغفرالله شو اعمل عم اتمنى الموت
يا أختي كل ابن آدم خطاء ويروى ان رجلا سأل الله العصمة بإلحاح شديد عند الكعبة ثم نام فرأى في المنام أن مناد يقول إذا عصمتكم جميعا من الذنوب فعلى من أتوب؟ ولمن أغفر؟ وفي الحديث (لو لم تذنبوا لذهب الله بكم ولأتى بقوم يذنبون فيستغفرون فيفر الله لهم)؛ هذا لتقرير أن الإنسان يذنب ولكن عليه أن يستغفر ولا أقصد من ذلك إباحة الذنب أو قبوله، ومادام الحال ذلك فليس هناك داع إطلاقا لرفضه تماما لهذا الذنب وفقط، فربما تتركين هذا وتتزوجي من يفعل أكثر من هذا بكثير ولكن بدون علمك،الخلاصة أنه معيار فاشل للحكم عليه بالرفض او القبول فربما تجدين من لا يتجاوز أي نعم، ولكن نفسك لا تقبل اصلا أن تتجاوزي معه وعندها ستندمين، أكتر الناس اللي رافضة الموضوع هي ناس تنكر الفطرة فالذكر منجذب للأنثى وليس الحل انهاء الخطبة بل التعجيل بالزواج أو على الأقل كتب الكتاب والاحتراز من الخلوة،
نحن بشر.
يااختي العزيزة عايز الخص لك مشكلتك الطويلة دي باختصار وارجوك ماتزعلي من صراحتي ووصفي لك وللشاب كلاكما شخصيتان متناقضة تماما عن اي دين واخلاق وتربية تتحدثين هل هاذي هي اخلاق الفتاة المسلمة الشريفة الطاهرة انها تخلى الشاب خطيبها يبوسها ويحضنها وماحدش عارف الى اين وصلتم في هذة التجاوزات المحرمة واللااخلاقية هل مارستم الجنس معا او حصل بينكما اتصال جنسي وليس بضرورة تكن علاقة كاملة هذا كله مرفوض شرعا قبل الزواج وكتب الكتاب ولايمكن التساهل فيه ابدا وقولك ان الشاب بيصلي ومحافظ على صلاته وبطل حشيش وابوه موذن في جامع كلدا لاقيمة له اذا كانت صلاته لم تمنعه عن الفواحش والمعاصي والمحرمات ليس له منها الا التعب والانسان بدينه وعمله هو وليس بكون ابوه موذن اوحتى شيخ ازهري انت فاهمة الدين غلط ومش عارفة الحلال من الحرام ولا الطيب من الوحش دي الحقيقة اللي لازم تعرفيها وتقال لك ولاتنخدعي بكل مايقوله اويفعله من غيرته عليك وخوفه انك تركب التاكسي لوحدك اوانه يسلم على حارس العمارة ويتكلم معه فدي تصرفات يقوم بها لتحسين صورته المزيفة امامك ارى انك لم تحسنى الاختيار الجيد للعريس وفترة الخطوبة بينت لك حقيقته وكل الشواهد توكد انه شخص غير مناسب لك انت فتاة كويسة وباين عليك من عيلة محترمة تستاهل احسن منه بكثير واتمنى انك تلغي تلك الخطوبة معه لانك لواستمريت معه لن تكوني سعيدة وضميرك يونبك على كل ماحصل بينكما من تجاوزات اثناء الخطوبة
السلام عليكم اجمعين
بداية احب اقول ان مفيش حاجة اسمها عادي انه يحضنك او يقبلك دي حدود الخطيب اختلاس النظر ولا يصح ابدا عمل خلوة غير شرعية معه لانه رجل اجنبي عنك ، رجل اجنبي يعني لا يوجد مانع شرعي انك تتزوجيه، انكم تحبوا بعض دي حاجة وانه ينفرد بيكي دة موضوع تاني خالص
ما يحكم بيننا وبين الاخرين هو الحلال والحرام ورضاء الله وغضبه
وليس لدينا مقاييس اخرى
وربنا يهدينا جميعا
انا برضو للأسف عندي نفس المشكله ومش بعرف أهرب منه وبحبه جداا ولما ببيتاخرعليا بتعب نفسيا اووي وبحس اني مش عايشه ودايما بيقولي انا يبقا عاوز كده عشان بحبك احنا فرحنا بعد سنتين وهو من بلد بعيده عني وكمان ف الجيش يعني مش بنشوف بعض كتير وهو دايما بيبرر ليا ده هو اول مره حاول يمسك ايدي ف انا منعته تمسكها غصب عني كان عندي احساسين متناقضين هما اني فرحانه والتاني اني خايفه من ربنا قولتله بعدها ف الفون اني بدايف وقالي خلاص معدته هنعمل كده والله وبعدها معرفش ايه حصل بقا بيتفق معايا ع أنه يحضني وانا مبقتش ارفض لأني محتاجه لحنانه لانه اقرب حد ليا وبيحبني ويشوف نفسي فيه بس قولتله مره واحده بس وقالي حاضر مش عارفه انا صح ولا غلط مع العلم ان احنا بنحب بعض بجنون ياريت يا بنات تساعدوني وادعولتا الهدايه مش عارفه اعمل ايه والله بجد
انا اعمل ايه انا مخطوبه عن بعد حب سنه بنحب بعض جدا الحمد لله وخطيبى سافر قبل مايسافر كانت بتحصل بينا تجاوزات لما سافر كنت مسابقه اوى أنه بعد عندى وفى نفس،الوقت حمدت ربنا اننا مش هنعمل كده تانى بعد مسافر بدأنا نشتاق لبعض اكتر وحصلت تجاوزات اكتر خاايفه ومش عارفه اعمل ايه وخايفه عليه هو ف غربه خايفه من عقاب ربنا ومش هينفع نكتب كتاب لأنه مش هنا انا تعبانه ونفسيتى وحشه وع طول خايفه ومرعوبه تنصحونى بايه
والله هى فعلا مشكله رخمه،،،، انا نفسى كنت بشعر ان مستحيل حاجه زى دى تحصل وخصوصا انى كنت متدينه ربنا يردنى للهدايه يارب ،،،، واتخطبت لشخص بعد حب سنتين و المفروض نتجوز بعد الخطوبه ب3 سنين ،،،، طبعا للاسف طول المده والتعود بيوصل لبعض التجاوزات،،،، و الفتره دى بانب نفسى وانبه بس للاسف مبنقدرش نعمل كنترول ،،،، قلتله لازم نكتب الكتاب وهو اقتنع وماشيين فالحوار دا رغم انه مش فمخططنا و رغم انه مش فصالحى بس كل دا خوف من الذنب الواحد مش ناقص وشايل بلاوى ربنا يستر علينا ويهدينا ويعجلنا الخير يارب و يعف كل الشباب والبنات يارب،،،،، الحل انو لو شخص كويس تعجلى بكتب الكتاب لانه للاسف صعب الواحد يتحكم فيه مع الوقت
الموضوع دا انا عملته من زماان وبالصدفة لقيته دلوقتي وانا بدور على حل لمشكلتي بصو انا سبت خطيبي وكنت بموت وهو كمان كنت حاساه بيتقطع بس لحقني وصالحني وسافرت وسبته يجي شهر وضوية عشان بعد عن بعض شويه ولما رجعت رجعنا زي الاول! لحد ما حد شافنا وساعتها اتمنيت الارض تبلعني والله واتخانقنا اوي واتخنقنا وسبنا بعض. .
بس كنت متخيلة ان بعده هرجع زي الاول اتاريني كنت انتهيت وكان واحشني اوي ونش قادرة اتخيل نفسي مع غيره وهو من كتر تانيبي فيه بعد ما سابني اتعرف على بنت مش كويسه حسيته عايز واحدة متانبهوش زيي ولا تحسسه انه ناقص في اخلاقه ولا تدينه ولا حاجة زي الموجوع اللي بياخد مخدر عشان ميحسش بالمه
وانا اتوجعت اويي وكنت فعلا من غيره اسوء من الاول لانه وهو معايا كنت بحس بتانيب الضمير لكن من غيره كنت بشتاقله وبفكر فيه وكانه جوزي غير وجع اني اتخيله مع غيري والله كنت بموت ومكنش ادامي غير ذنب بعمله بيحسسني انه معايا استغفر الله العظيم
بعدها حاول يرجعلي ورفضته اربع مرات مع اني بحبه وكنت مش قادرة اعيش من غيره
وفي الخامسة وافقت عليه بس مبقتش اقدر اعاتبه تاني او ابعده عني او ابعد عنه وامنعه عني لاني جربت الوجع وبقيت في تفكيري اوحش مما كنت معاه
كتبتلكم حكايتي عشان تدعولي ربنا يهدينا ويتمملنا على خير ويسعدنا ويغفر لنا ويمكن تكون حكايتي عبرة لغيري او عشان تعرفوا موضوع ان حد يسيب حد بيحبه قد ايه متعب فاللي عاوز يسيب يتاكد الاول انه ممكن نفسيا يرتبط بغيره عشان ميتعبش والنصيحه فحد مش قادر يتخلى عن ذنبه تبقى بطريقه بسيطه عشان ميتعقدش ويكرر ذنبه بشكل اكبر لانه حاسس بالفشل في انه يبطل
ياريت اللي عنده نصيحة يقولهالي او يقولي اعمل ايه لاني لسه بندم على كل اللي بيحصل دا
دة طبيعى وبيحصل بين اغلبية المخطوبين بس حاولوا متقعدوش مع بعض فى مكان لواحدكم ولما يجى عندك فى البيت تجنبى انك تقعدى معاه لواحدك .ربنا يسترها عليكى وعلى بنات المسلمين .
بصى احسن حل انكم تعجلوا الجواز
ومتسبهوش مانتى مش كل مرة هتتخطبى لواحد ويتجاوز معاكى وتسبيه مينفعش
اللى غلطتى معاه تتجوزيه وبسرعه
وياريت تجمدى بقى ومتسبهوش يلمسك تانى
اولا اقولك من يتق الله يجعل له مخرجا ويرزقه من حيث لا يحتسب النفس ثلاث نفس مطمئنه ونفس لوامه ونفس اماره بالسوء اعوذ بالله منها وانت نفسك لوامه لانهابتلومك على المعاصى اللى بتعمليهاونفسك دى كويسه لانها بتذكرك بوجود ربنا وانا بقولك ماتندميش على الحل ده لانه الصح لانه بعدك عن المعصية لانك لو رجعتى تانى الشيظان هيوقعكم فى المعصية تانى والا لو رجعتى ليه شرظك انه يكتب عليكى على طول مايستناش وما تكونوش لوحدكم قبل كده مهما قالك وخليكىفاكرة ربنا على طول فى اى موقف خير اوشر
اسمعي الكلام دا كويس جدا…
عن تجارب لناس اعرفهم
فتره الخطوبه هي فتره التعارف
ولما بيخش فيها الشهوه … بتشل الدماغ عن التفكير في السلبيات و الايجابيات
وبيبقي القرار خطأ…
واكبر دليل انك قاعده دلوقتي توزني بين المميزت و العيوب
مش عارف انا ايه دخل ان ابو مؤذن باختيارك ليه
حلو اوي و كل حاجه… بس ابوه مش هيفيدك بحاجه.. من ظهر العالم فاسد.. دا مش مقياس
اعتقد انك كنتي محتاجه حد يقربك من ربنا .. وشوفتي الظاهر منه كدا.. وبابه و …
لكن في الحقيقه دا ما حصلتش….
كمان….
دا بيقلل بركه الزواج… ومن استعجل شئ قبل اوانه ,,, عوقب بحرمانه
يا حبيبتي ده عادي لانو خطيبك و نصيحتي لك تجوزي بسرعه
على فكرة انا خاطب والى انتى بنقولى علية بيحصل بينى وبين خطيبتى بس دة والله بيحصل غصب عن الواحد لانى بحبها بجد وللو انا عاوز الحاجة دى فى الحرام مكنتش هفكر اخطب واتجوز كنت سبت نفسى من غير جواز وكنت ادور على اى بنت ليل بس انا فى الاخر هتجوزها ومتمسك بيها بس بدون تجاوز طبعا وبكون مبسوط معاها وبرده بندم بعدها زيك بظبط بس ا شاء الله كلها كام شهر وهنكون مع بعض على طول فكرى كويس وارجعيله
يا صاحبة المشكلة معظم المخطوبين دلوقت بيعملوا كدة و مش معني كدة ان دة صح لكن دة شهوة و اللة يكون في عون الشباب و البنات من اللي الحرمان و الكبت اللي همة فية
المفروض اللي بيحصل دة يخليك تضغطي على خطيبك انة يعجل من الزواج مش أنك تسبية و خصوصاً ن شكلك بتحبية
فوقي لنفسك قبل ما تخسري خطيبك لأنة شكلة شاري مش بايع و اللة كلنا فينا العبر و اوعي تصدقي التعليق اللي بيقولك ان خطيبك شيطان لأن و اللة كلنا فينا العبر و ربنا يسامحنا كلنا ……..
عفي نفسك و عفي خطيبك و سرعي بالزواج عسي اللةأن يتم عليكم فرحتكم و يجمع بينكم في خيرو مودة و يرزقكم الذرية الصالحة
نسالكم الدعاء اللهم اهديني ووفقني لما تحب وترضي
حبيبتى اولا كل البشر خطائين وربنا ممكن يخليكى سبب فى هدايته فى حاجتين مهمتين على اساسهم يكون اى كلام اولا انتى احساسك بيه ايه بغض النظر عن اللى بيحصل بنكو ايه لانه ممكن تكون دى شهوة طاغيه عنده زى اى حد فينا عايش بشهوة طاغيه عليه وكويس انه جه للعفاف الشى التانى انه فى ناس فطرتهم طيبه بلاش بيكونوا فى حياتهم فترة من التمرد على الفطرة الطيبه دى بس بيرجعوا تانى وصدقنى اللى اتربى على الخير بيرجع ليه تانى انتى الوحيده اللى تقدرى تحددى الاتنين دول وعلى فكرة ممكن تستخدمى دا لراحتك بدل هو بيحب دا وممكن بشطرتك بعد فترة هو اللى بيطل دا او يسرع لكتب الكتاب اشترطى حاجه قصد حاجه زى صلاة معينه يداوم عليها او صيام وبعديها تعملى اللى عايزه ساعتها صدقنى هو كدا هيشعر بلذة القرب من ربنا اللى بتتعبك انتى وبعدها هيسرع فى الجواز بس حاول تحفظى على نفسك اكتر
ربنا يحميك
فهميه بالراحة و قوليلو انت لو بتحبني و بتحافظ عليه مش هتعمل كده حتي لو علي رقبتك اللي بعد الجواز
مفيهاش حاجه ان ده يحصل بينك وبين خطيبك وتاخدوا على بعض وراي انكوا تكتبوا كتب الكتاب
او تتجوزيه امام الله بس المهم في الحالتين ميتعداش الامر البوس والاحضان وخلاص ودي حاجه طبيعيه وحلوه انوا في تفاهم بينك وبينه ومدام هو متمسك بيكي يبقى بيحبك وضميره خير ارجعيله بدل متخدي واحد تحسي ان حياتك برده معاه واعرفي ان اغلب الزيجات الفشله بسبب الموضوع ده ان الزوجه بتحس زوجها غريب عنها وانها بتعمل ده روتين او العكس
اسمعي مني الزوج لازم يحافظ علي زوجته المستقبلية ويحترمها -ويحافظ عليها
هو بيعمل كده عشان ما تشوفيش عيوبه الاخري -بيلهيك يعني
شكرا لكل واح وواحدة ردوا عليا
احب اطمنكم على اخر اخباري فعلا كلمته وشديت معاه في التلفون لحد ما ااقسملي انه مش هيقرب مني تاني …
وفعلا خرجنا ومحصلش حاجة بس المرة اللي بعدها حصل تاني للي حصل قبل كدا + جرئه ومن غير كسوف من الناس “وربنا في اللحظة دي كان هيرفع ستره من علينا ” يااا احساس صعب اوي
ربنا ما يبتلي حد بنفس ضعيفة زي نفسي وذنب زي ابدا ويترها علينا جميعا
المهم اني سبتله حاجته وفسخت الخطوبة وقلتله يقول لاهلي اللي عاوزه لاني مش هقولهم حاجة ولحد دلوقتي بيحلفلي انه ندم وانها اخر مرة ودي غلطة مش هتتكرر بس خلاص بعد ايه
ادعولي ربنا يثبتني على قراري دا ويسامحني ويسامحه ويهدينا حتى لو كل واحد بقى في حاله
وانا مبقتش عايزة حاجة الا ستر ربنا وغفرانه فادعولي الله يخليكم
السلام عليكم ورحمة الله وبركاتة انا قريت الموضووع اللى انتى محتاجاة انو حد ينصحك فى وبجد انا عايزة اقولك انك من كلامك بتقولى انك مش عايزة تسبى وانكو شخص مناسب جدااا وانتى مقتنعة انو كويس بس طلامة انت خايفة من مسالة انو يقرب منك وانك بتضعفى حولى تتجوزى ف اقرب وقت والله المستعااااان وشكرا
يعنى اية هية ملاك وهوة شيطان انا عاوز اقولك على حاجة معظم البنات والولاد الى محطوبين بيعملو نفس الى خطبيك بيعملوا معاكى ونفس الى انتى بتعملية مع حطيبك 90فى 100 من المحطوبين بيعملوا كدة
اختى في الله ………..
لا طاعه لمخلوق في معصيه الخالق والخطوبة دى هى وعد بالجواز وليست جواز كامل يعنى مش من حقه انة يقبلك او يحضنك نهاااااااااااائي لايجوز شرعا فاتقي الله في نفسك وفي اهلك عشان ربنا يباركلكم ومن الواضح انة مش بيخاف عليكى ولا بيحبك لان اللي بيحب حد ميعرضهوش لحاجة غلط ودايما كلميه في الدين وطبعا انتى مترضيش ان ربنا يشوفك وانتى بتعصيه وتغضبيه اسال الله ان يهديكى ويهدى خطيبك وشباب المسلمين
حاولوا تتجوزوا ف اقرب وقت وربنا يوفقكم
خديها نصيحة منى ولن تندمى.
هذا الشخص غير مناسب ليك اطلاقا _ انت ملاك وهو شيطان
باختصار — فوقى لنفسك قبل فوات الاوان – وبكرة قولى علىّ كذاااااااب .
انصحك انك لاتعاشرى مرة ثانية وحاولى انك تتزوجى بسرعة تانى حاجة صلى صلوات استخارة وقربى من ربنا اكتر وقولى لخطيبك انو مايزعلش منك علشان رفضى انك تعاشرية علشان ما ربنا بس من فهمى من دينى ان ربنا يحب التوابين يعنى لو غلطى واستغفرتى غلطى واستغفرتى ربنا يسامحك لو كان مش قاصدك بس عايزاكى تعيشى عادى وربنا اكيد سامحك علشان طول ما انتى طلعتى زكاة وبتستغفرية وبتصليلة اكيد سامحك اهم حاجة ما يتكررش الموضوع دة تانى
اول شئ كويس ان نتى بتندمى وتحسى بالذنب لان دى بداية كويسة قال الشيخ الشعراوى رحمه الله اعظم من الذنب ان يشعرك الله ان ما تفعله ليس ذنب وقال امام اهل السنة الامام احمد بن حنبل واعظم من الذنب ان يفرح العبد بالذنب وانه يغضب الله وقال رسول الله صل الله عليه وسلم كل امتى معافة الا المجاهرين وان من المجاهرة ان يفعل العبد بالليل ذنب وقد بات يستره ربه ثم يصبح ويقول يا فلان لقد فعلت البارحة كذا وكذا يبيت يستره ربه ويصبح يهتك ستر الله عليه نصيحة كاخ وياريت تتقبليها الشخص اللى معاكى دلوقتى لا يصلح زوج مناسب لازم يكون شخص بيخاف من ربنا عشان يعاملك كويس ويتقى فيكى ربنا وطول ماهو بيعمل معاكى كدا فى الخطوبة ممكن يغير فكرته ويسيبك لما يلاقيكى سهلة ابعدى عنه عشان ربنا لو مش عايزة تغضبى ربنا وشوفى بقا لما واحد يسيب حاجة عشان خاطر يرضى ربنا ربنا هيعوضه ازاى ؟؟!! اتخيلى بقا ومهما اتخيلتى مش هتقدرى تتصورى كرم ربنا يا اما فى حل تانى بردوا تحاولى تغيرى شخصيته ودى هتبقى سهلة ان شاء الله حاولى تشغليه بحاجات مفيدة خليه يقرب من ربنا ويتوب حاولى تخليه يحس بعظمة الذنب كلميه عن الجنة والنار وربنا يقدم اللى فيه الخير
اولا قبل اى حاجة عايز اقولك ان فى منك امل غير بنات كتير تانيين واضح ان ضميرك لسا صاحى رغم كل اللى حصل دا ودا شى كويس بس تعرفى انا كنت بعمل ذنب معين زمان وكل شوية ارجع اندم عليه بس دعيت ربنا انى اسيبه وفى الاخر من كتر الاكتئاب اللى جالى زهقت ومرة وحدة فار دمى ومقدرش واقسمت انى مش هبطل وقلت مستعد اضحى باى حاجة عشان ابطل واريح ضميرى ودا اللى لازم تعمليه لازم تبقى مستعدة انك تضحى (باى حاجة) عشان ربنا متفكريش انك حتى لو سبتيه مش هتلاقى جواز بالعكس انا متاكد ان ربنا هيكرمك وهيقف جمبك وبعدين معلش محدش ضربك على ايدك انك تعملى كدا مش هقولك سيبيه لكن يا يبطل يا يسيبك ((خلصت)) مفيش حل تانى ولو تماديتى فى الموضوع اكتر من كدا ضميرك (هيموت) ولو مات مش هتلاقى اللى يرجعه تانى وهتخسرى نفسك وهتخسرى الجواز وهتخسرى ربك … يريت تراجعى نفسك تانى