انا خلصت تانية تانوى عام كنت علمى علوم وكنت بزاكر كويس والله وكنت باخد من وقت نومى عشان ازاكر.
وفي الامتحانات حليت كويس جدا وبعض الامتحانات راجعت مع المدرسين وكان كويس لكن ساعة النتيجة اتصدمت جدا من المجمموع لاقيت نفسى جايبة 51 وكمان معايا ملحق رياضة.
كانت صدمة عمرى واللى عرفته ان كل المدرسة مجموعها كان بين الخمسينات والستينات معرفش ليه المهم انا كان نفسى ادخل كلية العلوم وطبعا كله ضاع.
وطبعا ان شا ءالله لازم احول ادبى بس انا مش عارفة ادخل كليه ايه كل اللى طلباه منكم انكم تفيدونى لو حد يعرف معاهد خاصة بس يقولى بتاخد كام فالسنة فى معاهد هندسة وعلوم وحاسبات ياريت تفيدونى.
وكمان فكرت فأنى احول صنايع واعمل معادلة وادخل كليه بعدها لكن بابا مرضاش بس عايزة اعرف هو ينفع ادخل صنايع تلت سنين بعد التانوية العامة ولا ماينفعش لازم افشل فيها خالص عشان ادخلها ولو دخلتها من تالتة هدخل على سنة كام والحق احول السنة دى ولا ايه ولو حولت ادخل على سنة كام برضه وايه رأيكم في موضوع التحويل ده بس انا كنت عايزة اكمل ثانوى عام الاول وبعدها صنايع بس لو هطلع على تانية متلا عشان لو ربنا موفقنيش فيها يبقى معايا شهادة ثانوية عامة اقدر ادخل بيها كلية بدل ماحتاس.
ارجو الافادة بسرعة لانى بجد محتارة اوى ونفسيتى مدمرة واسفة اذا كنت طولت شكرا
