السلام عليكم،
أولا أحنا بابا متوفي من فتره قريبة وبابا الله يرحمه قبل ما يموت كان نفسه أختى تدخل ثانوي عام معايا😥، وربنا يعلم أننا محتاجين حد يرد علي السؤالين دول ويكون ليه جزيل الشكر.
أحنا من الإسكندرية وكان تنسيق ثانوي مرحله أولى 250 ونزلت مرحلة ثانية وبقت 240 وأختى عايزنها تروح ثانوي لكنها نقصت 3 درجات عن مجموع ثانوى، وأنا أكبر من أختى بسنة يعنى رايحه ثانيه ثانوي وأحنا قولنا لمديرة المدرسة أنها ينفع تدخل عن طريق جمع أخوة لكنها رفضت.
وأحنا دلوقتى مستنيين تنزل مرحلة ثالثة ففى حاله أنها نزلت مرحلة ثالثه ولكن إذا منزلتش ل3 درجات فما هو الحد الأدنى لدخولها جمع أخوة؟ ولا نظام جمع أخوة أنها لازم تكون جايبه مجموع الثانوي علشان تدخل؟
أما في حاله أنها مانزلتش مرحلة ثالثة فهنضطر نقدملها منازل، لكن ينفع لو دخلت منازل سنة أولى وجابت مجموع عالي ينفع تحول سنه ثانيه عام صباحى مش منازل؟
مع العلم أننا رافضين منازل السنة ديه خصوصا علشان كورونا، وأنه مش هيكون في دروس بسبب إغلاق السناتر، ورافضين خدمات علشان مصاريفها، بالإضافه إننا على المعاش وربنا أعلم بالظروف، ومش عايزنها تدخل ثانوي صنايع.
أرجو الرد على السؤالين دول لمن عنده أدنى فكرة وأنا أسفة أنى طولت عليكم. وشكرا
