بسم الله الرحمن الرحيم
بجد انا محتارة اوي اوي واتمنى انكم تفيدوني انا في سنة اولى كلية حقوق جامعة اسكندرية وبجد حقوق جامعة اسكندرية دي كلية كلها ظلم فوق مما تتصوروا و الترم الاول زاكرت مذاكرة كتير والله قولت اقلها جيد جدا لقيت مواد ضعيف وضعيف جدا ومقبول اتصدمت لقيتهم بيقولولي دا طبيعي في كلية الحقوق جامعة اسكندرية وانا لحد دلوقتي منتظرة النتيجة لسة ما طلعتش و خيفة جدا جدا احسن اسقط لان نسبة السقوط عندنا عالية اوي اوي بيسقطوا كتير و انا مخطوبة و هتجوز ظرف سنة و خطيبي بيشجعني اني اكمل طبعا بس انا محتارة احول كلية خدمة اجتماعية اسهل من الكلية دي والتعب و الظلم دا لان انا مش عيزة اخد السنة ب 2 عيزة اخلص ال 4 على طول و اتفرغ لبيتي انا قولت لخطيبي قالي هتضيعي سنة من عمرك وكدا بس قالي لو عيزة تحولي نحول ماشي حاضر
ارجوكم ساعدوني احول لكلية خدمة اجتماعية اسهل ؟ ؟ ؟
ولة استمر فالتعب والظلم دا ؟ ؟ ؟
ارجوكم ساعدوني
السلام عليكم ورحمه الله وبركاته انا خلصت تالته قانور وجالى في التنسيق كليه حقوق اسكندريه بس كلهم خوفونى منها انها صعبه ومعقدة قبيقولولى انى احول اداب اسكندريه ياريت حد يفيدنى ويقولى اعمل ايه واللى من رايه انى احول ياريت يقولى احول ازاى على الرغم انى لسه مافدمتش في
الكليه
أنا رأيى تحولى خدمة اجتماعية لاسباب بسيطة . اول سبب فيها هوا انك مرتبطة وأكيد هتكونى مشغولة فى حياتك الجديدة ودا عادى فى كلية الخدمة الاجتماعية . اما بالنسبة للناس اللى شايفين الكليات وبيبصوا عليها من نظرة الوضع الاجتماعى فدا كلة كلام فارغ وكلام عيال تعبانة والله مع احترامى للجميع . عشان كل دا بكالريوسات وليسنسات لو نزلتوا اى منشئة جديدة وشوفتوا الصنايعية اللى شغالين فيها هتلاقوهم كانوا فى حقوق وخدمة اجتماعية وكمان اداب وفى منهم فى تربية .انا كنت فى حقوق بنها وحولت خدمة اجتماعية والحمد لله . بروح وقت ما انا عاوز وكمان الامتحانات بنعرفها قبل ما ندخل الامتحان وكمان والله العظيم انا السنة اللى فاتت دى ما دخلت الخدمة الاجتماعية غير مرات بسيطة مرة دفعت فيها المصاريف ومرتين كمان فى الترم الاول والباقى فى الامتحانات . وعلى العموم ربنا يوفقك ويوفق الجميع
وانشاء الله هتعرفى بعد كدة اى نظام الكلية وحتنجحى كل السنوات
انا ايضا محتارة انى احول من الكلية دية لانى ظلمت ولكن الكل بيقولي دى اول تجربة وهى اول سنة بس لانك بعد كدة هتعرفى تعدى كل السنوات انشاء الله بس هي عايزة تركيز ودقة فى المذكرة
نصيحة شوفي كلية تانية ولو معهد أشرف من كلية الحقوق الكلية دي ليس بها حقوق ولاتعطي الحقوق لآحد من كلامك وحتي بعد ما تتخرجي من الحقوق حتعملي أية وتنصري الناس إذاي والقانون أغلبة غير مطابق لشرع الله الله هو صانع القوانين العليا للكون ووضع كتابة(القرآن الكريم ) هذا هو القانون والشرع فأين أنت دلوقتي وبعد ذلك هذة الكلية تضر بك أكثر ماتنفعك يعني معلش أنا بشوف المحامي دا أو المحامية ذي الكلاب تعطية لقمة يهوهو حتي لو ظلمة ويرمي الموضوع علي القانون الوضعي الذي هو من صنع البشر شوفي حاجة تفعك مش تعطلك بالمناسبة أنا ماجستير بجامعة الآزهر الشريف سلام
كينج لا لا لا الحمد لله بيقولوا ان كلية الخدمة الاجتماعية سهلة ومش زي كللية الحقوق خالص
الحمد لله وربنا يوفقنا اجمعين يارب
انتي حولي من حقوق وادخلي حاجه سهله في معاهد سياحه وفنادق وفي معاهد حاسب الي وفي الكينج اداب
بجد متشكرة ليكم كلكم و زي ما كنت متوقعة ظهرت النتيجة و رسبت قدر الله مشاء فعل والحمد لله على كل حال و انا قررت اني احول كلية خدمة اجتماعية و متشكرة ليكم كلكم لانكم بجد ساعدتوني اني اوصل للقرار دا
دمتم في رعاية الله
انا طالبة حقوق زيك ف اولى بردو بس بنها الظلم موجود ف كل الكليات طب منا رغم انى كن مزاكرة وعملت اللى عليا بما يرضى الله وبردو ف الترم الول كنت ضعيف وضعيف جدا ومقبول والترم التانى شيلت مادتين …….
انا من راى انك تفضلى فيها طالما انتى اختارتيها من البداية وبعدين مع احترامى الشديد لكل الكليات لازم تكملى ف حقوق ومتختاريش خدمة اجتماعية عشان مستواكى يكون على مستوى جوزك وتكون شرف لاولادك ان شاء اله فيما بعد
اسفة لو كان زعلك كلام بس دا راى تحياتى لكى
انا فى اولى حقوق اسكندريه زيك وانا من راى تكملى فى الكليه لانى الى اختار طريق لازم يكمله وبلاش تشاؤم وياس سلمى امرك لله انا ليه بنت عمتى فى كانت بتعدى كل سنه بس بتطلع بمواد بس لما فهمت الكليه صح عدت فى تالته من غير مواد والسنه دى هى فى رابعه ونتيجتهاطلعت اول امبارح ونجحت بتقدير كمان صدقينى كل حاجه صعبه فى اولها بس انتى حبيها علشان تواصلى فيها وتمنياتى لكى بالنجاح والتوفيق
انا طالب معاكي في نفس الكلية وفي نفس السنة وعلى فكرة انا سني 23 سنة وعمري ما رست لكن حول كل سنة من كلية لكلية ثانية
عامة هو الظلم موجود بس مش للدرجة اللي انتي بتقولي عليها انا ما ذكرتش خالص لأن مش فارقة معايا أنجح ولا لا ورغم كدا قبل الامتحانات جت مذكرات المراجعة من غير ما أحضر ولا محاضرة ومشترتش الكتب وطلعت ماددة واحدة تنظيم دولي هي الكلية عايزة تركيز بس مش في المذاكرة لا في الامتحانات يعني تعرفي من أين تأكل الكف المهم في النهاية نصحك بعدم التحويل خدمة اجتماعية دي مش هتطلعك متعلمة دي عاملة زي الدبلوم أنا ندمت سب التحويل من أول مرة ودا السبب إني لسة في سنة أولى لحد دلوقتي أنا كنت هندسة القاهرة عد كدا حولت تجارة مع اني ما سقطتش بعد كدا دار علوم بعد كدا حقوق عامة بلاش تغلطي غلطتي ودي نصيحتي ولو عزتي أي حاجة في الكلية أو غيرها هتلاقي عندي النصيحة أكيد وأنا اسف إني طولت عليكي
والله لوهربتي من هذه المشكلة أكيد تصادفك مشاكل أخرى في مكان آخر كوني صاحبة عزيمة والله يوفقك
انا رايى انك تحولى انا فى خدمة اجتماعية وبجد سهلة جدا وعمرك ما هاتعيدى سنة توكلى على الله وحولى
انا بقلك استخيري دائما الجاي الى الله دائما استمري بلصلاه الاستخارة والادعية وانشالله تختارين الافضل والسلام عليكم
الصراحه انا رأى تحولى هتخدى ايه منها ياعنى غير الهم ووجع الدماغ وبعدين كليه حقوق اسمع انها صعبه اوى وانتى طلاما ممشتيش فيها من اول سنه يبقى حولى … ده راىى الصراحه بس انتى اصبرى لغايه لما تظهر النتيجه وصلى استخاره وربنا يوفقك للفيه الخير ان شاء الله