حلمت انى شغال محاسب في شركة ، والمفروض إنى بدى مستحقات مالية لأهل متوفي لما يجيبوا نتيجة تحليل للمتوفي بنتيجة معينة ، وفجأه جة المتوفي نفسة ومعاه اتنين وقابلونى علشان يستلموا المستحقات دى وانا بتعامل عادى مع المتوفي دة وبكمل الاوراق من غير استغراب ازاى هو المتوفي وجاى ياخد مستحقاتة ، الغريب انى بعد مخلصت معاه وقلتله ثوانى وتستلم الشيك استنونى بره ، جالى احساس ان نتيجة التحليل دى تخص واحدة متوفية وموجودة جوة معمل موجود في الشركة ” المعمل دة علشان الشركة تعمل التحليل بنفسها وتتأكد من صحتة ” وانا طول الحلم عمال ادور للست دى على حقها إن المستحقات دى لازم تقف وتروح لأهلها هية مش للمتوفي اللى جالى ” وطول الحلم عندى هاتف فى قلبي انها بتتواصل معايا وبتستعطفنى انجدها ” وبالفعل اللى فاكرة من الحلم إنى قدرت اقف قصاد المتوفي اللى جايلى ونبهت وحصل إجراء من الاداره إن المستحقات تقف من غير منعرف المتوفي لحد منتأكد ، والمفترض التنبية دة مهمنيش فية المتوفي ووجودة وكنت بحاول اوصل للإدارة من غير ميعرف لإن كان جو الحلم إن في خوف لو عرف باللى بيتم بس انا في مرحله من المراحل اتكلمت رغم علمى إنة مستخبى ومفرقش معايا وبعدها اتعاملت معاه عادى إنة ينتظر الاجراءات لسة بتطول شوية ، فياريت تفسير للحلم دة بعد إذنكم
