شفت في المنام..
كنت مع بنت بتتعلم الماني وجديدة، اجت عندنا مرأة و رجل كبير شوي بالسن. الرجل كان بده يغصب البنت تروح معه (على اساس هو بيعلمها وهي ما بتتعلم بسرعة وبده يرجعها لبلدها) والمراة حاولت تحكي معه (بالقوانين) بس هو ما رضي ومسكها من ايدها وبدي يجرها ، البنت بتصرخ وتبكي وما بدها، رحت مسكتها من ايدها التانية وشديتها وسبحان الله انا كنت اقوى من الرجل. مسكت البنت وركضنا وهو ورانا.تبعنا الرجل وضله يركض لحد ما وصل لنا، مسكني، ضربته ضربة وحدة ووقع عالارض.
ركضنا وفجأة كنا بشارع كبير متل الجبل(نازل لتحت)، البنت تركتني وشكرتني وضليت لحالي، كملت ركض وعجبتني النزلة، مريت بباب قدامه عربة أطفال وفيه طفل جميل جدا ما شاء الله، انا كنت لسا بركض ولما نزلت شوي قررت ارجع للطفل بس ما لقيته. نزلت..لما وصلت اخر الشارع وصلت مكان شكله متل الحظيرة، فيو دجاج، كانو هناك دجاجتين غريبتين، نحاف، لونه بني غامق، بروح لجهة بتتبعني وحدة، بندار للجهة التانية بلاقيه الدجاجة التانية بوجهي.
أنا خفت وكان بدي ارجع اطلع الشارع لفوق. فجأة وركضت دجاجة منهم وراي، انا بركض وهي بتركض، لأن وصلت باب، حاولت ادخل بس ما قدرت، لانه الدجاجة نطت وتمسكت بلبسي(فستان ) قلت طيب ودخلتها معي. دخلنا لقينا حظيرة صغيرة، فيها كلب حارس اسود نايم. الدجاجة نطت وصارت بتركض بالحظيرة. كان بدي ارجع اطلعها. دخلت باب بالحظيرة، دخلت وراها، كان مكان مظلم . اختفى الباب.
بالحيط الي كان فيو الباب صارو بيبان صغيرة، والجهة التانية كان فيها شباك صغير عليه قضبان حديد. تمسكت الدجاجة فيني، طلعتها من الباب الصغير. انا عشان اطلع كان لازم ازحف عالأرض..وطلعت.
طلعت انا والدجاجة من الحظيرة..
لما نزلت الشارع لقيت الدجاجة التانية بتركض وراي..فرجعت للحظيرة الي فوق والدجاجة التانية عملت نفس الشي متل الدجاجة الاولى..تمسكت فيني ودخلت الحظيرة ودخلت الغرفة. رجعت دخلت وراها..واختفى الباب، متل المرة الأولى.
هاي الدجاجة خافت وتمسكت فيني..كانت ثقيلة..رحت اخدها، تحولت فراشة كبيرة جميلة بنية ، اخدتها وكان بدي اطلعها من الشباك، لقيت الشباك مليان عناكب،(انا بخاف من العنكبوت) ومع ذلك فتحت للفراشة فتحة وخليتها تطلع..الفراشة طلعت ورجعت دخلت ولفت لفة بالغرفة ورجعت طلعت.
رحت اطلع لقيت حتى البيبان الصغيرة عالارض مليانة عناكب. خفت. فجأة كانت ستي معي، وانا كنت لابسة فستان مغربي (بيلبسوه بالحفلات) ذهبي،
قالت لي لو كنا بعرف كنا جبنا عيلتها كلها(تبع الفراشة) هلأ اكيد بدها تجيبهم وترجع، تعي نطلع.
قلتلها ما بقدر اطلع.
شافت العناكب وضحكت.
راحت لآخر باب جنب الحيط وشالت العناكب و “زحفت” . قالت لي يلا تعي..
ستنيت شوي وغمضت عيوني و “زحفت”.
بس شوي من لبسي تعلق يمكن بمسمار او هيك شي. لما كنت بالجهة التانية قطعت ستي الخيط المفكوك وقالت عادي منصلحه..
رحنا دخلنا بيت كان فيو جدي..قعدنا وفرجينا له شو صار بالفستان، قال عادي هلأ بخيطه.
ستي جابت حجاب كان الها ، انفك وتحول لخيط ابيض لامع.
قالتلي شوفي لما خرب الحجاب ما زعلت(وضحكت) قالت كنت عارفة اني رح احتاجه.
اخد جدي الخيط وبدأ يخيط.
قاللي شفتي الجاكيت هاد(جاكيت معلق، اخضر، لشخص كان عسكري او شرطة او هيك)..قاللي صديقي من زماااان قاللي اوديه لمكان وما وديته، وهلأ قبل فترة احتجته، شفتي، كل شي اله وقته، ما تخافي.
وضحك
تفسير الاحلام
حلم غريب وانقاذي لبنت معي
اضيف بتاريخ: Monday, December 28th, 2015 في 02:24
كلمات مشاكل وحلول: احلام, بنت, حلم, رجل
تفسيره انك فتاة متساهلة كثيرا في امور دينك وفي اخلاقك وتربيتك وقد تتورطين في مشاكل كثيرة تجلب لك العاروالفضيحة في الشرف والاخلاق وتصري على ارتكاب المعاصي والذنوب في حياتك ولايتقذك من كلهذا الا التوبة لله عزوجل والاستغفار والاقلاع عنها فورا الفتاة هي انت والرجل الكبير شيطان يريد اغواكي والنيل من شرفك وكرامتك والهروب هو الخلاص منه والفرار والدجاجةفي المنام امراة حمقاءذات جمال وتعبر عن نساء مهينات ذليلات ورؤياالاطفال تبشر بخير ورزق لصاحبها فان لم يكن متزوج فانه يتزوج ويحصل على الذرية الصالحة نشاءالله ورؤيةالعنكبوت في المنام تدل على اعداء يتربصون بك ولكنك تظفر عليهم وتقضى عليهم وايضا تدل على ثروة كبيرة لصاحبها والسعادة في الحياة ورؤيةالفراشة تدل على الخوف والقلق والجزع وتدل ايضاعلى النساء الفاسقات السئيات واللباس الابيض دليل طهارة والصفا وايضا تدل على قرب الزواج لمن ارتداه وقد تتزوجي من عسكري اوشرطي اواحداقاربك والله اعلم