حلم غريب متقطع عن يوم القيامة

السلام عليكم ورحمة الله وبركاته ياريت تدونى فرصة أوصف حلمى لانه طويل وغريب ومحتاج تفسيره
انا حلمت بيوم القيامة قبل كدة والناس وهيه بتهرب من النار والعذاب والصراخ وماكنتش اهتميت بتفسير الحلم دة لكن أنا حلمت امبارح بحلم غريب جدا
حلمت ان عند بيت جدتى وان القيامة هتقوم بس الناس كلها عارفة انها هتقوم لان المياة كانت بتحاصر البيوت من غير ما تغرقها والناس كلها كانت بتصلى وتدعى ربنا وفى رعب ورياح واعاصير … ثم الحلم اتقطع على كدة وفجأة ظهرت انا وابن خالتى راكبين عربية وبنهرب فى طريق من القيامة بس انا ماشوفتوش فى الحلم كل اللى عرفته صوتى وانا بنادى عليه وعلشان راكبين عربيته بس الغريب ان كل العربيات ماكنش فيها اضاءة والناس بتجرى بعربياتها لكن احنا الوحيدين اللى كان معانا نور فى العربية ومنورين الطريق وماشيين ووصلنا لحد سفينة كدة ودخلنا جواها ودخلنا اوضة واول اما ابن خالتى قفل علينا قال لأ ايه اللى انا عملته دة القيامة كدة قامت … عرفنا ان فى بعض الناس جنبنا فى الاوضة بس كنا خايفين منهم اوى … ثم الحلم اتقطع وفجأة لقتنى فى اوضة فى السفينة كبيرة اوى ومعايا اتنين راجل وبنت وماعرفش اشكالهم بس الغريب انى شوفت انسان عملاق اوى اوى تخليت انه سيدنا أدم بس استغفر الله العظيم كان بيجامع فيل وشوفت اتنين فيلة حوامل بس مش متأكد ان دة سيدنا أدم ولا لأ انا اتخيلت انه هوة علشان حجمة والوصف اللى اعرفه عنه لكن اول اما حس بينا فى الاوضة جة يقوم الراجل اللى كان معانا قال ماحدش يبصله لانه هيقتل اللى يبصله فانا ماحاولتش ابصله لكن البنت بصتله فطلع يجرى عليها واظافره كانت كبيرة اوى وفضل يخربشها بأظافره وتجيب دم بس ماكنتش بشوف الدم وماكنش موجود فى الحلم بس كنت متأكد ان فيه دم وصراخ والبنت حاولت تمسك وتستنجد بيا وتمسك ايدى وانا ابعدها عنى لحد اما وقف صراخها فعرفت انه قتلها وطلع يجرى ورايا علشان اما مسكتنى افتكر انى معاها لكنى جيت اهرب بس خربشنى فى ظهرى وبعدها قلقت وصحيت ولقيت فات على الفجر بالظبط تلت ساعة …. فياترى هوة فى تفسير للحلم الغريب دة ؟

مشاكل وحلول ذات صلة

• رؤية ثعابين كثيرة قبل صلاة الفجر
• صلاة الاستخارة بنية الزواج على ولد احبه
• منام للموبايل
• حلمت بكلب اسود وتوقف القرآن
• حلم مسألة شرف بدأ يظهر على الحقيقه
• تفسير حلمي بالبحر البرزخ مذكور في القران
• قطة بعد صلاة الاستخارة لأجل الطلاق