السلام عليكم ورحمة الله وبركاته
انا حلمت اني كنت رايحه فرح وكنت في بيت والبيت ده المفروض بيت اللي كان خطيبي
فشفته هناك وكان معاه ابنه وانا كان معايا بنتين
وكنت في الحلم متجوزه وواحده من البنتين دول بنت جوزي من مراته الاولى
والبنت التانيه بنتي انا من جوزي ده
المهم لما شفت اللي كان خطيبي مكنتش عارفه هقوله إيه والمفروض اني هقعد في الشقه بتاعته عشان اغير لبسي عشان الفرح
المهم لقيته عرفني وانا فرحت قلت احسن بدل ما اقعد اكلمه
وسألني على البنات اللي كانوا معايا
قلتله البنت الكبيره اللي هى بنت جوزي اسمها تقى
والبنت الصغيره اللي هى بنتي اسمها مريم
وبعد كده انا نيمت البنت الكبيره على السرير وكان سرير ماما وبابا في الحقيقه
ورحت سألته على ابنه قاللي اسمه انس
المهم لبست دهبي عشان اروح الفرح بس كان في خاتم ضايع مني ورحت الفرح وقعدت فيه وكنت قاعده قدام مراته وشفتها وهى بتسقف وبتبصلي
وفي نهاية الحلم لقيت الخاتم بتاعي تحت الكوميدينو اللي جنب السرير اللي البنت الكبيره كانت نايمه عليه ولقيت معاهم كمان غويشتين وخاتم بتوع ماما كانت شايلاهم في الحلم عشان محدش يسرقهم
وبس خلص الحلم
انا على فكره انسه
واللي كان خطيبي فعلا متجوز دلوقتي بس مش عارفه عنده اولاد ولا لا
وعلى فكره انا مش بفكر فيه نهائي حاليا لان الموضوع عدى عليه فتره كبيره وشيلته الحمد لله من دماغي
الغريبه ان اسماء الاطفال اللي كانوا في الحلم هما اسماء ولاد اخواتي في الحقيقه
يعني اسم مريم وتقى اسماء بنات اخواتي البنات
واسم انس اسم ابن اخويا
