السلام عليكم انا شاب من مصر 17 سنة يراودنى حلم منذ اكتر من 10 سنوات تقريبا وهو حلم الطيران او القفز من مكان لاخر والحلم دة بيجى كل يومين . اسبوعين.شهرين مش بيزيد عن كدة ولازم احلم بية المشكلة ان لما ابتديت احلم ب الحلم دة كنت صغير وعادى ومش فاهم حاجة واول مرة جربت اطير فى الحلم على قد ما بفتكر من زكريات دايما كنت بقع او مش بقدر اتحكم فى درجة الطيران ف بطلع لحد عنان السماء فبصحى من النوم وكل ما اكبر بقدر اتحكم فى درجة الطيران لحد ما فى كام مرة كنت عارف انى بحلم واستغليت كدة واتمرنت فى الحلم على الطيران كتير و بقيت اقدر اتحكم بكل حاجة والحلم كل مرة يجى فى مكان مختلف اشهر مكان جالى فية كان عند الاهرامات قريب ما بين الهرم وابو الهول بس فى المرة دى طلعت للسماء وحسيت انى خلاص بموت فصحيت من الحلم انا قرأت بعض التفسيرات بتقول ان دة قريب من الموت والباقى بيقول انى داخل على عز ودنيا واسعة هقدر اتحكم فى حياتى بشكل كويس كل ما ارجوة منكم المساعدة فى تفسيرات افضل او اخرى لآنى بجد محتار ..اسف انى طولت عليكم
ملحوظة مهمة : انا كل ما بحلم بالحلم دة لازم يجينى خير او ربنا ينجينى من مشكلة ^_^
تفسير الاحلام
حلم يتكرر منذ عشر سنوات
اضيف بتاريخ: Friday, December 29th, 2017 في 00:11
كلمات مشاكل وحلول: احلام, حلم, شاب, مصر
وعليكم السلام ورحمة الله وبركاته ، الأخ الفاضل تحية : إن صدقت رؤياك هذه فهي خير لك منذ الصغر وأنت ترى أنك تطير وأستمرت هذه الرؤى معك وبدأ الطيران يتحسن معك أكثر فأكثر ، هناك إحتمال كبير أن تُصبح طيَّارا في المستقبل ، وإن كان غير ذلك فهو أيضاً خير ، فهو يعني أنك تُكثر الأماني ويتحقق منها أشياء ويكون لك علّو شأن عند الناس وهذا مرّ به أناس قبلك ، أسأل الله أن يحقق لك ما تتمنى ، والسلام