حلمت انى فى مدرسة وجالسة فى الفصل والمدرس المفروض انه هيعمل لنا املاء وانا مش معايا قلم وبسأل اذا حد معاه قلم زيادة اكتب به ولكن محدش كان معاه من زملائى وبعدين جاء شخص وقالى لو سمحت خذى التقيم بتاعك وانزلى لميس ابتهال فأخذت الورق ونزلت واول ما نزلت الفناء بتاع المدرسة لاقيت اقلام رصاص كتيرة فى الارض مرميه طويلة ورفيعة ومبرية بالقطر وليست بالبرايه ولونهم اخضر وبنى ساده قولت ايده دا فيه كتير انا هاخد منهم بس اروح الاول عند ميس ابتهال وفعلا روحت اسأل عليها فى الفصل الذى امام مكتبها وهى سمعت ندهت عليه وخدت الورق علمت فيه وبعدين رجعتهولى وانا قولت اخذ اقلام معايا بس لازم انقى الاقلام النظيفة والجديدة والتى ليست وسخه او مخربشة وفعلا لميت شوية لونهم اخضر وشوية لونهم بنى وانا طالعة على السلم خلاص لقيت قلم رصاص مرمى امام السلم مبرى بالبرايه وفيه استيكه من فوق متغلف علييها بالون الذهبى ولونه اسود وفيه الوان تانية كتير فقولت الله حلو القلم ده انا هخده بس جيت اشيله لاقيته تقيل فشيلته وطلعت بيه وعماله افكر انهم زمانهم اخذوا الاملاء فى الفصل والمدرس هيزعل منى واقول له عذر ايه وجيت اجرى عشان الحق لاقيتنى مش قادرة اجرى لان القلم تقيل شوية قولت معقولة يكون عشان القلم ودخلت الفصل ووضعت الاقلام على الديسك ولقيتنى ربطه الاقلام الرصاص الخضراء مع بعض والبنى مع بعض من النصف وكانوا كتير ،، انا مش متجوزة ، فما هو التفسير؟
