السلام عليكم ورحمه الله وبركاته
حلمت ان انا كنت بحب واحد اي واحده غيري هتحبه هتتكسف تقول انها على علاقه بيه عشان هو بيسقط وبيشرب سجاير وحاجات زي كده يعني وانا كنت مؤمنه اني هغير شخصيته انا لما الناس واجهتني بكده زعقت وكان معني كلامي ان مش مكسوفه من اني بحبه ولا اني اكون معاه بعدها مسكت ايده ومشينا في شارع كان زحمه وفي ناس وعربيات في طريقنا وعربيه منهم خبطتني فوقعت على الارض وانا متوجعه وكان في كذا واحد اتلم عليا وهو كان جنبي فحطيت دماغي على صدره وكملت عياط ففي واحد سال هو احنا متجوزين فقاله اه هيا بتعيط عشان هيا حامل فالخبطه وجعتها شويه وبعدها قمت معاه برضه ومشيت زي ماكنا في الاول ماسكه ايده عادي وسالته انت ليه قلتله كده مادام احنا مش متجوزين اصلا .. وبس خلص الحلم على كده
ملاحظه : انا في الحقيقه مبحبش حد
وجزاكم الله كل خير
