انا نينتى متوفيه من حوالى سنه ونص حلمت بيها قبل كده كذا مره بس المره دى حلمت انها جت ونايمه على السرير مكان ما كانت بتنام قبل ماتموت وهيه فى الحلم عارفه انها ميته وانا فى الحلم برضه عارفه انها ميته وبعدين بتقولى انتى كتر خيرك انتى اللى فى اولاد ولادى انتى اللى لما مت جيتى حضرتى جنازتى وصليتى عليا وقريتى ليا قران
معا العلم ان عادى انا وباقى احفادها صلينا عليها واعتقد ان كلهم عادى بيدعوا ليها او بفتكروها ان اه كل ما افتكرها بقرا ليها الفاتحه وبدعى ليها
وكان حلم تانى كانت برضه هيه بس كانت فى مستشفى بس كانت كويسه مش تعبانه وواحنا فى المستشفى كانت اعطتنى تورته قالتلى متنسيش تخديها وانتى مروحه لممامتك
وعايزه بعد اذنكم برضه اعرف حلم تانى
كنت حلمت ان خالى هوه متوفى برضه حلمت انه رجع بيته ومكناش مصدقين انه رجع لانه كان غايب بقاله كتير وبعدين قولنا احنا هنتاكد لو طلعنا ولقيناه فى بيته ولا لاء وطلعنا بيته وفعلا لقيناه وبعدين قعدنا نساله انته مش مت جيت ازاى طب لو مكنتش مت كنت فين الفتره دى كلها ومجيتش ليه
مش عارفه ده بقى معناه ايه
وهل فعلا اما الميت بيجى فى المنام ويقول حاجه بيبقى فعلا بجد هوه عايز يوصل الرساله دى او بيبقى فعلا روحه بتزورنى مش مجرد حلم عادى
واسفه جدا انى طولت عليكم
ومستنيه الرد
ولكم جزيل الشكر والتقدير
