تفسير الاحلام

رؤيا اسد ومشايخ صوفية

انا حلمت اني كنت ماشي مع زميل اسمه مسعود وكنا ماشيين ورايحين مشوار بس مش عارف فين المشوار ده المهم لما وصلنا للمكان اللي هنركب منه المواصلات وهو كوبري فوق ترعة لقينا العربيات اللي بنركبها اتغيرت واتطورت واصبحت ميكروباصات واتوبيسات واحنا منتظرين فجأة طلع من الطريق حجر كبير ازرق وطار في السماء ونزل تاني في الترعة جنب الكوبري تمام انا قولت لزميلي ان ده حجر اثري بيطلع كل سنة في نفس الموعد وبعدين الحجر ده لما وقع في الترعة طلع من الترعة احجار كتير بيضاء وفضلت تطير في السماء وتقع على الارض تاني احنا خوفنا وجرينا لاحسن توقع على دماغنا لكن عرفنا ان الاحجار دي هي مشايخ صوفيين وطلع حجر انا عرفت انه الشيخ عبدالرحيم القنائي رحت قولت لازم اخد منه جزء وفعلا جريت وراه واما وقع على الارض اخدت جزء منه وانا راجع لزميلي لقيت حجر تاني طاير وزميلي بيقول ده الشيخ العقبي وانا اصلا معرفش حد اسمه كده المهم اخدت منه جزء بردو وفجأة لقيت أسد جاي عليا بس الاسد كان عجوز وشكله تعبان انا في الاول خوفت منه واستخبيت ورا نخلة وبعدين حسيت اني مش خايف وطلعت من ورا النخلة ومشيت ناحية الاسد وشيلته هو والحجرين ورحت على الكوبري عند زميلي وجات عربية ميكروباص ركبنا انا وزميلي وانا شايل الاسد والحجرين وقعدت وهما على رجلي لقيت زمياي بيقولي بعد الاسد ده عشان شكله يقرف ولعابه نازل منه انا بصيت للاسد لقيته فعلا كده بس منزلتهوش … بعد كده صحيت على صوت المنبه عشان اصلي الفجر

مشاكل وحلول ذات صلة

اضيف بتاريخ: Friday, April 27th, 2018 في 14:59

كلمات مشاكل وحلول: ,

ردود to “رؤيا اسد ومشايخ صوفية”

  1. ابوالبتول
    29/04/2018 at 13:35

    لاخ العزيز السائل تفسير تلك الرؤيا لها دلالات كثيرة فرؤية الحجر او الصخور في المنام دلت على الجهل والقسوة والغفلة وعلى الفسق والفجور وقولك انها طارت في السماء وتناثرت دل على مصيبة تقع في هذة المنطقة وان هذة المصيبة سوف تدخل لكل بيت واما قولك ان تلك الحجارة تحولات لاشخاص من الناس معروفين دلت على ان هولاء الناس عصاة لله عزوجل وقست قلوبهم عن طاعة الله ومن راى ذلك وكان مريض فانه يموت ورؤية الحجارة تنزل بكثافة من السماء دلت على عذاب الله عزوجل وعلى المرض الذي سوف يستشري في هذة المنطقة امارؤية الاسد في المنام فدلت على سلطان ظالم وجبار ودل على الموت ومن راى اسد دخل القرية او المدينة فانه يدل على طاعون يفتك بهذة القرية اوشدة تحل بهم او سلطان جبار اوعدوا يدخل عليهم وكلها امور لاتبشر بالخير لكم هذا والله اعلم

اترك رداً أو حلاً لهذه المشكلة