قمرين بالسماء في الحلم

السلام عليكم
رايت قبل كم يوم اني رحت اشتري حلويات شعبية بالعسل عادة نستهلكها برمضان خاصة, المهم البائعة قالت انها بتجهزها شوي و اشوف نفسي جالسة على طاولة براس الشارع بحارتنا و ان معي كم شخص جالس على نفس الطاولة و كاننا صايمين و قرب الاذان, المهم حصلت الحلويات هذيك جنبي و التمر و كان فيه شخص اشقر جالس جنبي و كاني اعرفه بالحلم, بعد الاذان فطرنا و البائعة عطتني جبن في ملعقة اكلت اول ملعقة, و الثانية اخذها مني الشخص و الثالثة اكلتها انا, و بعدها عطتني كوب لبن و طبعا انا اكل من التمر و الحلويات اعتقد اكلت عدد ثلاث حبات من كل صنف, وضعت كوب اللبن على جنب علشان اشربه الا و الشخص يشرب منه, و قال ابدئي باللبن, قلت له و انا امازحه ما تقدر تفرض رايك على الناس كل واحد و له خياراته و قرارته, و شربت من نفس الكاس, شوي اشوف بالسماء قمرين بيتحركوا, بداية قلت لهم هذي شمس لكني اشوف انها طالعة من المغرب, لكن بعدين تاكدت انه بدر و كان جنبه بدر ثاني و يتحركون بالسماء و صار ظلام كانه الليل, و نصحتهم يروحوا بيوتهم, قلت لهم شكله بيكون زلزال او ما شابه, شوي اشوف الحرمة البائعة دخلت الطاولة لمحل تجاري هناك و قفلت عليها , كان الطاولة صارت بسطة بعجلات و هي شكل سفرة يعني, و انا بقول لسة ما دفعت الحساب للحرمة, و قلت في نفسي راح ادفع لها الحساب بعد ما يمر هالشي بسلام, و كان الحرمة تحولت لجدتي, هي على قيد الحياة لكنها مريضة, المهم اشوف كل الناس راحت و بسمع بالمسجد الي جنبنا السديس يقرا اية ربنا لا تعذبنا, قلت المشاييخ يفهمون في هالامور شكله عذاب او قيامة او زلزال, و شفت غزال و ارنب بيركضون خايفين مع اني عايشة بمدينة و ما عندنا حيوانات يعني, قلت ان الحيوانات تحس بقدوم الزلزال قبل حدوثه, المهم شفت جدتي كان الكل تخلى عنها و راح و كان جدي راح بعد و تركها, جدي متوفي الله يرحمه له سنتين, شوي شفت انها راحت تنام على عتبة بنك قريب من البيت, بالحي و الجو ظلام و هي شايلة شنطة فيها فلوس الاشياء الي باعتها, شنطة بسيطة و صغيرة فيها اعتقد فكة بسيطة بس, فصعب علي منظرها و هي حاطة راسها على سلم البنك بتنام هناك, قلت لها تعالي معي البيت, و قبل رحت اخذت بنتي من بنت كانت شايلتها و كانها صارت اصغر بالسن, بنتي عمر 3 سنين لكن بالحلم كانها بعمر الشهور و سمينة ما شاء الله مع انه بالواقع نحيفة و كانها ولد بالشكل, لكن انا في قرارة نفسي عارفة انها بنتي, شلتها و رحت لجدتي قلت لها تعالي معي البيت, اخذتها و انا افتح باب العمارة بالمفتاح افكر كيف اتعامل معها لانها عندها مثل الزهايمر بالاضافة لحصص غسل الكلي, قلت المهم انقذها من الشارع و ربك كريم وقتها, و راح اطلب منها ما تصرخ علشان ما تزعج بنتي اثناء نومها, و احنا طالعين بالسلم اشوف ان فيه بعض الاغراض مثل شباشب البيت محطوطة بالسلم مع ان العمارة فيها سكان ثانيين و احنا باول دور, و لما جيت افتح باب الشقة حصلته مفتوح و زعلت, قلت ماما عطت المفتاح لخالاتي و تركوا باب الشقة مفتوح, البيت حاليا عايشة فيه انا و بنتي فقط, ممكن يكون حد دخل, حطيت بنتي بغرفة و رحت ادور بالشقة لانه واضح جدا ان فيه حد دخلها, يوم دخلت الغرفة الي حاليا انام فيها انا و بنتي, و هي الي كنت ناوية انيم فيها جدتي, حصلت فيه رجل مختبئ تحت ركام من الاغراض, طلبت منه يطلع رفض, قلت له صعب تجلس معنا بالبيت, تضاربت معه و طلعته و قفلت الباب بالقفل, كسر القفل و حاول يدخل و رجعت تضاربت معها و وقع من السلم على قفاه, لاحظت كاني انا اقوى منه, لما وقع حاول انه يقوم ثاني لكني دفيته ثاني برجلي و سقط لتحت, الا و اشوف دم طالع من راسه و عرفت اني تسببت في موته, رحت اتصلت على الشرطة و بيطلعلي على شاشة التلفون مكتوب كانه اسعاف او طوارئ, و حاولت اتصل ثاني و لاواحد رد, قلت اكيد الكل مشغول بالوضع الحالي لكن راح اتصل عليهم بعدين و اخبرهم اني تسببت في وفاة شخص, رحت اجهز مكان آمن لبنتي و افرش لجدتي علشان تنام, دخلت معي غرفة النوم الي فيها كل الفراش و اخذت بطانية مني, قلت لها حاضر بس اصبري بس اجهز مكان لبنتي و اجهزلك مكان, شوي لما طليت من شق بالباب تسبب فيه الرجال الا و احصل رجلين, واحد سمين شوي و الثاني نحيف كانهم اصحب الرجل المتوفي و كانوا خايفين و لاحظت ان فيه بينهم شبه كبير في الوجه, قفلت الباب بالقفل العلوي و كانوا ناويين الدخول و طردتهم بالصوت بس, خافوا و نزلوا, و انتهى
انا تقريبا شبه مطلقة لي 4 سنين, يعني معلقة, عندي بنت عمرها 3 سنين و 4 شهور, عايشة انا و هي بس, جدتي بمدينة ثانية بعيدة عني, امر بظروف صعبة جدا و الحمد لله, اعيش بشقة ايجار و ما يزورني حد الا نادرا جدا و انا حاليا ماشية على رقية
و جزاكم الله خيرا

مشاكل وحلول ذات صلة

• حلمت انو امي لبستني فساتين افراح بنات منهم المطلقة
• مطلقة وارتبطت لكن احلم بطليقي الاول
• محتارة انو تضل المشاكل لبعد الزواج فاستخرت
• رؤية صديقتي المطلقة تشكي لي في الحلم
• تفسير حلم اهدائي الساعة لمطلقة
• حلمت بابنة جارتنا المطلقه
• رؤية ثعابين كثيرة قبل صلاة الفجر