تفسير الاحلام

تحول الحبيب لقطة في المنام

بمنتهي الوضوح بدون اطاله .. انا فيه واحدة زميلتي بحبها معايا في الجامعة و هي كمان علي ما اظن من التلميحات و الي خلافة الموضوع بقاله سنة بدون رد صريح منها لكنها دايما بترفض غالبا لتأجيل الموضوع .. عاما انا كالعادة بصلي و بدعي ربنا يقربلي الخير و بصلي استخارة في الموضوع نمت حلمت اغرب حلم في حياتي … حلمت كأني في البيت بالظبط و نايم احنا دور ارضي و عندنا قطط ممكن تيجي من الشباك تنده و افتحلها تدخل المهم الشباك خبط بفتح لقيت حبيبتي دي قدامي انا طبعا استغربت و لمستها بايدي عشان اتاكد بعدين قفلت الشباك لاني قلت انا بخرف كل دة جوا الحلم طبعا المهم بعدها والدتي جتلي الاوضة و قلتلي فية واحدة برا في البلكونة بتسئل عليك و رحت لقيتها قمت بكل عنف انتي مين و هكذا بدون اطاله هي اثبتتلي انها هي من كذا موقف و حاجة و قلتلي ان البيت عندهم وقع تقريبا و اهلها كلهم ماتو و هي جتلي دخلتها الاوضة و انا شاكك فيها شاكك انها مش هي لان هي تعرف منين المكان و شيء غريب حاسة المهم رحت المكان مع اني عارف بيتها بس المكان الي رحته كان مختلف تماما و مع كدة كان يبان ان هو المكان الصح في الحلم و سئلت راجل قلي حعرفلك و بعدين ركبت مع سواق قبل ما اعرف و قلي تقريبا العائلة دي ساكنة في البيت الي وقع .. و رجعت البيت و دخلتلها طبعا كانت متضايقة و كدة و قلتلي انت طول اليوم برا يا ابراهيم و سايبني و اتحولت قطة بتتحول عادي و ترجع تاني لقطة و انا اصلا عندي قطط في البيت عددهم زاد و كانت بتلعب مع القطة الي عندي (بدون استهزاء دة بجد الحلم) و انا كنت في منتهي الاستغراب مع العلم ان حصل زي اني حسيت منها انها محتاجالي و دة الي دايما نفسي احسه منها مش عارف ولا قادر افسر الحلم دة و حاسس ان دة فيه رساله معينة او لازم يتفسر فحبيت اسئل لو حد يقدر يرد انا عارف انه غريب بس انا وضحته بمنتهي بساطة بدون تفاصيل الي مش مهمة و شكرا