حلمت اني نزلت ورحت سوق للملابس المستعمله وانا فى الحقيقة بروح السوق دا فعلا بس فى الحلم انا نزلت فى وقت متاخر وانا وقفة اتفرج على الملابس المستعمله فعجبنى ملابس داخلية بس كانت ملابس مش متخيطة كانت لسه هتتفصل يعني فانا عجبني واحد بس لقيته متفصل فمسكته واشتريت واحد منها ولقيت الراجل بيكلم واحده وبيقولها انا عندى فستانى سهرة بس سعره رخيص اوى تحبي اورهولك قالتله ماشي اشوفه فلما انا شفته عجبني وقولتله انا هخده ليا الفستان دا كان فستان سوارية اسود اللون وطويل بس انا فى الحقيقة مش بلبس سواريهات خالص ولا اسود خالص مش بحبه لكن فى الحلم عجبنى فدخلت علشان اقيسه فلقيته مقاسي وعجبني اوى وكانت معايا ابنة خالتى ودى فى الحقيقة مكنش بيعجبها الملابس المستعمله خالص بس لما شافت الفستان عجبها اوى ولقيتها رايحة تتفرج على باقي الفسانين المهم الراجل لما لقاني عجبني الفستان قالى انا عندى فساتين تانية حلوه برضو فقولتله ماشي هاتها اتفرج عليها فجبهوملى بس لما شفتهم لقيتهم كلهم ملونين وقصيرين اوى قولتله لا انا هاخد الفستان الاسود دا علشان طويل وانا بحب الطويل المهم انا جيت اقلع الفستان وانا كنت لبساه على الهدوم بتاعتى لقيت السوسته بتاعته اتقطعت وجسمي ظهر فجريت فى وسط الناس استخبيت علشان جسمي محدش يشوفه ولقيت البيت اللى كانت عايزه تشترى الفستان عماله تبص عليا هى وامها كانت جنبها انا قلقانه من الحلم دا اوى وياريت حد يقدر يفسرهولى لانه شكله مش خير خالص مع الشكر وارجو الرد سريعا .
اختي تفسيرحلمك يدل على تعلقك بالذهاب الى الاسواق والوقوع في الفتن والشبهات وقد تحصلك مصيبة عظيمة امافي دينك اوفي عرضك والفستان الاسود يدل على الهم والحزن وعلى الهموم والغموم والمشاكل في الحياة ووتعريت جسمك يدل على حدوث مصيبة لك اما بطلاق او موت او هدم بيت ان كنتي متزوجة ويدل على مصيبة لك في نفسك اودينك اوعرضك ان كنت غيرمتزوجة فاحذري من التساهل في الذهاب الى الاسواق وتغير الملابس داخل محلات حتى لا تهتك سترك ويفتضح امرك والله اعلم