تفسير الاحلام

شخص رأني في المنام

اولا قبل كتابة الحلم كان عندي صديق على احد مواقع الانترنت اتعرفت عليه صدفة و عرفت انه مريض و كان مر بفترة صعبة و انا كنت بكتبله كلام و نصائح عشان يتفاءل و ساعدته لوجه الله .( هو ميعرفنيش شكلا و مشافنيش قبل كده خالص و انا مبحطش صور ليا عالنت ابدا) المهم فوجئت بيه امبارح بيقولي انه كان نائم على وضوء و رأني في الحلم و ده نصه :
بصى ياستى انا حلمت ان كان فى فرح فى …… تمام وانا كنت واقف بتفرج كنت لابس قميص ابيض عادى ومشمروة وحاطط ايدى فى ايدى بردو مربعها وواقف بتفرج جه ولد ميل عليه عشان مكنتش سمعوا اوى وقالى …. جات اهى وراك هو انا تقريبآ فرحت ضحكت يعنى وببص على ورا لاقيتك بتبصيلى وضحكتى ف لاقيتك ماشيه جريت وقولتلك استنى رايحه فين ومسكت ايديك قولتيلى هتمشى حاجه زى كدا قولتلك لوحدك قولتى اها عادى بس تقريبا اتمشيت معاكى ومكنتيش واقفه لوحدك كان معاكى مامتك حاجه زى كدا او حد قريبك المهم اتمشيت معاكى تقريبآ كدا كان فى لغز بس عرفته فى الحلم انك خطيبتي او مكتوب كتابنا المهم لما رجعنا هو انتى كنتى فرحانه وكنتى بتضحكى وانا كمان و جيت اقرب منك بعدين صحيت و كنت فرحان جداا ….وصفلي البنت اللي شافها في الحلم و كانت نفس مواصفاتي بالظبط :(..الشخص ده عايش في بلد تانية اصلا و هوا ميعرفش عني حاجة خالص غير اني طالبة جامعية غير مرتبطة و بس و كنت بتكلم معاه عالاسك مش الفيس و الكلام كان ظاهر للناس كلها ( ملحوظة : الشخص ده حياته ملخبطة و نسبة نجاح العمليات ضعيفة و هوا حاسس بموته قريب ) …يااااريت تفسرولي الحلم ده في اقرب وقت ضروووري ..جزاكم الله كل خير .