انا انسه مسلمه – عندي 26 سنه .. وفيه المفروض موضوع جواز بيني وبين ابن عمي واكان فيه مشاكل وبابا مش راضي بس هو المفروض انه حيجي يتقدم قريب الحلم ده انا حلمته بعد الفجر علي طول حلمت اني في بيتنا وانا ببيع الشوزات الكاوتش بتاعت البحر دي وماما اكسسورات وعمالين نغيظ بعد مين حيبيع اكتر بس بهزار وبعدين قرايبي بقم يشترو مني وانا كمان بقيت اخد من الشباشب دي ليا وبعد ظهر خالي وخالي في الحقيقه متوفى كان شكله شاب وجميل اووى ومتانق كده وقالي انا عايز واحد اسود اديته واحد وقاسه بس كان صغير عليه فقلي انا عايز واحد مقاس 45 اسود فانا مكنش عندي فقولتله خلاص ياخالو انا حاجبلك بكره مع العلم ان خالو كان فعلا في الحقيقه مقاسه 45 وده عرفته لما حكيت لماما وبعد الحلم ده قلب فجاه لقيت نفسي انا وامى فى الحرم المكي عند الكعبه واحنا في الحقيقه كنا لسه عاملين عمره من شهرين وكنا بندور علي مكان نصلي فيه وحتى شوفنا واحده زي ماتكون بتجعي ربنا وبتسجدله بس عاطيه ضهرها للكعبه فماما راحت قايلها لا كده غلط اسجدي قدام الكعبه والبنت شكرتنا وعدلت نفسها وبعدين قعدنا نصلي وزي مايكون بعد الصلاه كان فيه درس وحد مشهور وسطنا وبعدين وانا قاعده ببص في الاعمده بتاعت الحرم لقيت عليها صليب وبقيت مستغربه بس الناس كانت بتبصلي زى مايكون حيحصل حاجه وبعدين فجاه لقيت نفسي في المطار انا وماما وكنت لابسه لبس المدرسه وكنت لسه مخلصه امتحان ورجعين مصر المهم رجعنا وروحنا علي بيت جدتي وماما قالتلي اكوي هدومك عشان راجعين تاني السعوديه بس مكناش لاقين حاجه نروح بيها المطار انا مش فاكره روحنا المطار ازاي بس كان فيه احداث وبعدين وانا داخله المطار مع امي لقيت نفسي لابس فستان فرح ابيض وناس مستنياني من صحابي وقرايبي ارجو التفسير بسرعه ارجوكم وجزاكم الله خيرا
من رأى الكعبة فى المنام يكون فى أمان من الأعداء وهى فى المنام خليفة أو رئيس
يعنى الأمر ليس شراً إن شاء الله.
هذا والله أعلم.