تفسير حلم لبس فستان احمر

السلام عليكم …
بدي اكتبلكم منامي وارجوكم ازا بتعرفوا تفسير المنام ومتأكدين ياريت تكتبوا بسرعة ..
شفت بالمنام اني جالسة ببيت عمتي ، وعيلة ابي كلون موجودين (( يعني عماتي وعمومي ورجالهون ونسوانهن وولادهن وطبعا امي وابي واخواتي )) وغيرت ملابسي بالبلكون بس ماحدا شافني لأنو كانت الكهرباء مطفية (وانا بصراحة كتيير مستغربة لأني غيرت ملابسي )) المهم  بالبلكون كانت عمتي ناشرة بيجامات لإلي ،آم انا اخدت كم قطعة وغطيت حالي فيهون مشان ازا حدا طلع عالبلكون مايشوفني (( وفهمكم كفاية )) وبالفعل بعد ماغطيت حالي بكم قطعة طلع ابن عمتي عالبلكون وعمرو 23 سنة ، بس حس انو في شي غريب ، آم رد فات وانا تطمنت انو ماشافني وغيرت مكاني بحيث انو ماحدا يشوفني ازا طلع عالبلكون ، وعالسريع خترت كم قطعة من الملابس المنشورة وصرت إلبسهم، بس لئيتهن مو مناسبين لئلي لأنو انا محجبة والملابس ظهرتلي اقدامي من تحت وصرت إلبس وبدل إلبس وبدل وبالآخير وفجأة صرت بغرفة عمتي ولبست فستان بطيييييير العقل طويل ولونه احمر ونصف الظهر من الخلف لونه ازرق نيلي وأنا كنت كتيير حابة الفستان وطاير عقلي …
بس في شي مافهمتو بالمنام انو انا متحجبة بالحقيقة وكمان بالمنام متحجبة بس بالأخير لبست فستان غطى اقدامي بس كشفلي رقبتي وإديي )) هه هه هه يعني شي كتيير غريب
ارجوكم ازا بتعرفوا شو تفسير المنام كتبولي ، ولو كان جزء منو المهم انو اعرف اي شي وبدي ياكون تعرفوا انو ماحدا شافني بدون ملابس ، بس بالأخير شافوني كلون بالفستان ..

مشاكل وحلول ذات صلة

• حلمت باهلي عاملين فرح بدون علمي
• حلمت بارتدائي فستان وانقطع وفي ميت
• تفسير حلم رؤية العزباء ترتدي فستان زفاف
• حلم انى ارتدى فستان زفاف قصير وقبيح
• حلم فستان زواج وعمل تعديلات عليه
• الزواج من اخي بالرضاعه في الحلم
• حلمت اتزوج من طليقي والبس فستان ابيض