انا ست متزوجه من 15 سنه عنيت كتير مع زوجى لانه عصبى واطباعه لا تعجب حد ودايما فيه مشاكل بنا ودايما انا الا بسامح وبنسى بس فيه حاجات غريبه بتحصله من فتره دايما عايزنى اتنازل حتى لو اهاننى بشتيمه وبالكلام عايزنى مردش متكلمش معبرش على مشاعرى والظلم الا انا حاسه بيه والغريبه انوا بيطلب منى اكون رقيقه ورومانسيه وعاطفيه مع العلم اننى رومانسيه جدا وكنت دايما بشتكى منه من عدم الرومانسيه والحب من ساعه ماعرف طريق النت وهو اتغير معايه فى كلامه دايما يقولى اوى تفكرى نفسك ست والحمد لله انا مش وحشه وجمالى طبيعى بحس انو مش بيطيق كلام دايما يتلكك على اى حاجه عايز يعمل مشاكل وخلاصولو زعلت منه عايز اتحمل مع العلم انى بتحمل كتير بس تعبت من الهم وباجى على نفسى وصحتى اقل شى يشتم ويجرح ويقولى انتى مش بيتعرفى تتكلمى انتى حلوفه ومش بيحس بنفسه حاسس انوا ملاك وهو فى نظرى مش انسان انا بشوفه غبى بمعاملته معايه لانه بيستقل بيه وبكلامى ودايما مفيش احترام ليه ولا لمشاعرى افيدونى افادكم الله
اختي الفاضلة عايزك تعرفي ان النت هو السبب في كل مايحدث بينكما واغلب المشاكل الزوجية تكون منه مع الأسف الشديد كثيرا من الأزواج لايحسنون التعامل مع زوجاتهم من كثر ادمانهم علىالجلوس على النت الاحترام مطلوب بين الزوجبن وصون الكرامة لاحد يفرط
فيه ابدا عايزك تصبري وتسعين لارضا جوزك وتتقربي منه اكثر وتشغليه عن النت ولاتخليه يفكر في شيء غيرك انت وصدقيني سوف يفوق لرشده ويرجع لك ويحسن معاملته لك وربنا يهديه ويصلح حالكم ويسعدكم طوال هذه الحياة
السلام عليكم اختي … الله يكون في عونك بعض الرجالة بتلاقي نفسها في عالم النت ومش فاهمين انه عالم افتراضي مش حقيقي وللاسف بيصدقو كل حاجة عليه .. مش من حق اي راجل يهين مراته او يقلل منها لانه لو قال لها انتي حلوفه هي كمان هتشوفه حلوف
اي راجل يهين بنات الناس او يقلل منهم يبقي مش كويس … لكن نصيحتي ليكي اصبري عليه لانه هيرجع لك بس لما يفهم ان النت دا مجرد وهم والناس بتضحك فيه علي بعض اصبري عشان ولادك