انا متجوزه من فتره طويله جدا وصادفتني الكتير من المشاكل والعقبات في حياتي مع جوزي والحمد لله ربنا صبرني على ظلم جوزي واهله ,اللي كان مصبرني هم اولادي وكنت بقول ربنا مش بيضيع حق حد مظلوم,بعد سنين من المعاناه ربنا هدى جوزي ليا والحمد لله,الفتره دي ومن حوالي 3 شهور حاسه انه جوزي متغير اوي بقى عصبي جدا اكلمه بالذوق والابتسامه يجاوبني بشتيمه ويزعق وممكن يمد ايده في بعض الاوقات وما فيش عنده غيره الشتيمه وهتطلقي وهتجني على نفسك وتطلقي وهرميكي وبقى بخيل جدا مع العلم انه بقاله فتره ربنا مهديه وكان بيديني مصروف للعيال,انا واولادي ليا فلوس قلتله وانا ببتسم انت هتاخدها كلها انا محتاجه شويه منها علشان عاوزه اشتري شويه حجات للعيال لاني مسافره ازور اهلي,بص ليا بشكل مرعب وقعد يزعق ويشتم ويشتم اهلي ويقولي انتي بترسمي على ايه بتخططي لايه,هوا انتي ليكي حاجه,دي فلوسي ,قلتله انا كل مره مره بديك فلوسي وفلوس عيالي لكن انا محتاجه شويه فلوس اجهز العيال ومصاريف للسفر قالي مش هتاخدي حاجه,هوا مش بخيل على اهله وعنده جشع وحب للمال بخاف على القرش اكتر من خوفه على عياله ومش عارفه ايه حكايه التهديد بالطلاق دي,كل ما اناقشه بحاجه يهددني بالطلاق انا اللي مصبرني عليه هم عيالي,داخلين في سن مراهقه ,بقالي 20 سنه مجوزه وجوزي عنده فلوس كتير اوي ومش راضي يشتري بيت ملك وكل حاجه بكتبها باسم امه,يا ريت حد يساعدني انا بقالي 20 سنه مستحمله الغلب ,دلوقتي انا كبرت في العمر والصحه ما بقتش تستحمل ,وهو مش احترم العشره اللي بينا ولا احترم اني بقيت كبيره في العمر مش كبيره اوي يعني ولا احترم وجود الاولاد انا امبارح كنت اعيط وفجاه حسيت بوجع نصفي في جسمي والحمد لله اتحسنت شويه بعد 12 ساعه
الطلاق عندك مثل اكل تفاحة يا ابو اميرة ، طلقت جميع المتزوجين واللي اتى بمشكلة رجع بمشكلتين وخراب بيته كمان ، الطلاق لا يحل اي مشكلة ، هي تصبح بلا زوج وهو بلا زوجة واولادهم بلا اب او بلا ام او مع رجل اخر او زوجة اب ، والمطلقين معرظين للفتن والشهوات المحرمة ، دائما الطلاق لا يحل اي مشكلة الا ان يكون زوج مجرم وظالم او انحرف ويتعاطى ما يدفعه لارتكاب جريمة او عقله يخيل له أمور غير حقيقية ، انا اعرف حالتين مثل هذه احدهم بعد مشاكل اغلق على اولاده وزوجته منزله بعد ان رجع للبيت في غير وعيه وكان يريد الانتقام وهربو لاحدى الغرف واتصلو باقاربهم وانقذوهم ثم طلبت زوجته الطلاق لحماية اولادها ، وواحد اخر ترك زوجته واواده في منتزه وراح لبيت اهله ،واهل زوجته طلقوها منه خوف من ان يعمل شي اسوء مما قام پفعله ، لكن زوج بخيل او عصبي او عنده اي مشكله يمكن حلها او ايچاد مخرج لها او تحملها ، لا يمكن حلها بمشكلة اكبر منها ، الطلاق هو اكبر مشكلة تواجه المرأة ،تخيل امرأة بلا زوج ولا بيت ومسئولة عن اطفال كم مشكلة تقابلها او اطفالها مع زوجة أب ، حدثت عندنا جريمة من فترة زوجة اب قتلت طفل لزوجها وهي تنظفه في الحمام ظربت برأسه الجدران حتى توفى لم تظن انه قد يموت بسهولة بتلك الضربة ،كم جرائم لا احد يعلم بها ، الاطفال الله جعل رحمهم ورحمتهم في امهم ،لن يجدو عند غيرها مثل قلبها ورحمتها بهم
ياعزيزتي مع احترامي لكلام الأخ رجل بسيط الا اني اخالفه الراي في كل ماقال لك وعايزكي تعرفي ان الرجل اللي مايحترم مراته وام عياله ويضربها ويهينها مش راجل ولاعنده ذرة من الرجولة ابدا ولن يحسن المعاملة لك الشخص اللي مايقدر الحياة الزوجية ولايصونها يبقى لايستاهل العيش معه الى متى وانت راضية بالوضع دا اولادك اصبحوا كبار وفاهمين الوضع تماما لاتخافي عليهم ابدا وفوق كلدا بخيل جدا ولايصرف عليك وعلى أولاده وحب المال مسيطر عليه تماما ربنا عزوجل قال – وعاشروهن بالمعروف – وقال أيضا- امساك بمعروف او تسريح باحسانا- وارى ان الطلاق خير لك من العيشة مع شخص هكذا وفيه صون لك ولكرامتك ولاحد يلومك ان طلبت الطلاق منه والقرار يعود لك فانت الوحيدة المتضررة من العيش والبقاء مع شخص لايقيم للحياة الزوجية قدرا ولايراعي الله فيك وفي أولاده
يا ست الكل يا بنت بلدي اكيد ليكي حق علي جوزك حق الانفاق وحق حسن العشرة والتعامل لكن فيما يبدو ان جوزك صعب شوية ودا طبيعي لان صعب نلاقي حد كامل …كويس انك صابره ومستحملة وزي ما تفضلتي ان ربنا مش بيضيع حق حد … لكن كون ان جوزك بيكتب كل حاجة باسمه فا ده غلط وغلط كبير لن اي راجل فينا لما يموت هتتوزع تركته بما يرضي ربنا تقسيم شرعي لكن في حالة جوزك لو ماتت امه هيورس هو في ماله زي اخواته وده في ضياع لحقوق اولاده واكيد ده ميرضيش ربنا شوفي حد يكون قريب منه يفهمه غلطه من الناحية الدينية في حق اولاده وفي حقك وحق نفسه … نقطة اخيرة حاولي تتفاهمي معاه في وقت يكون هو راضي فهميه ان شكل ولاده ولبسهم ده بيعكس صورة البيت بره
تحياتي ليكي