حاسه ان بابايه مش بيحبني ومش بقدر استحمل اي كلامه منه بالرد عليه بسرعه وانا متعصبه ممكن عشان شايفاه انه مهتم بي بناته الي من مراته الاولى بس انا بغير منهم وبكرهم جدا مكدبش اني كنت بحبهم بس من مده حسيت انهم مش بيحبوني لدرجه انهم بيتمنو الشر لي خلاص حالتي النفسيه تعبانه اناببكي كل يوم قبل النوم بس انا بحب بابيه جدا وخايفه من المستقبل جدا لاني شايفه مامتي و بابيه المشاكل معاهم كترت اخاف بتفرقو بفكر دايما في الهجره بره المملكه عشان حالتي النفسيه معا بابيه مش قدره استحمل اكتر من كده .!!!؟
بصي يا اختي هو ده بيكون كتير نتيجة الضغوط بيتحسس الواحد زيادة عن الطبيعي من اي حاجة وبيفهم اي حاجة بأسلوب يمسه بس اقولك حاجة ادركتها قريب وانا مش بعيدة عن حالتك في وقت من الاوقات ان حب الوالدين لاولادهم فطري يعني متأصل فيهم وحب الوالدين مكتسب عند الابناء عشان كده ربنا اكد في القرآن الكريم على حقوق الوالدين اكتر من ما اكد على حقوق الابناء مع ان ليهم حقوق
يعني تخيلي ناس خلفوكي وصبرو على تعبك وانتي صغيرة وبعدين كبرتي بيصرفو عليكي وتعبتي اول ناس بيقلقو وبيخافو عليكي وغيره كتير … كل ده عمرو ما كان يحصل لو ما كانش ربنا زرع في فطرة و قلب الوالدين الحب المتأصل لولادهم .
بس مش كل شخص بيكون كويس في اسلوب تعبيره عن محبته مش بيكون عنده المهاره لكده خاصة الرجال ممكن يكون محتاج تلطف والبشاشة البشاشة والابتسامة مهمة جدا وبتخفف كتير من تعب الواحد وضغوطه لو تعبان وهتلاقي تعبيره عن محبته ليكي اوضح . ومش بعيد يكون هو اللي حاسس انك مش بتحبيه وبتبعدي عنه
وفي النهايه الوالدين تأكدي انهم زيك بشر مش كاملين عندهم الضغوط اكبر كتير اكيد هتأثر فيهم عندهم الهموم كتير وواضح انك اتحسستي من كون ليه اولاد تانين من مراته التانية مع انهم (اخواااااتك) الفكرة بدأت في راسك وبعدين بدأتي تتحسسي من اقل حاجة وتنسبيها للفكرة
عايزاكي تفكري تنسبي الافعال اللي والدينك بيعملوها لصديق وبعدين فكري لو سألتي ايه حقه عليا الناس هيرودو بإيه
مثلا:عندي صديق من ايام طفولتي كان بيخرجني معاه وكان بيشتريلي حاجات حلوه ونخرج معاه في العيد وبيصرف علينا وانا اول ما امرض هو اول واحد جنبي بيصرف عليا علطول عشان انا مش عندي فلوس وكمان سكني معاه في البيت وده مستمر من 10 سنين وكمان عندي اخوات وهو بيصرف عليهم وهو بيحبني ووو بس …واذكري اللي متضايقة منه….ايه حق صديق زي ده لو وجد ؟؟ اكيد العفو عن هفواته واسائته وتذكر جميله طول العمر والقرب منه ومحبته والتلطف ليه وحسن الخلق معاه … بس احنا للأسف اعتدنا النعم فأنكرناها ونسينا فضلهم وفي النهايه عايزين نسيبهم … ربنا لما امرنا بالبر علمنا ازاي حفظ المعروف والوفاء وشكر صاحب الفضل وعدم كفران الجميل .
واخر حاجة اقولهالك رفع الصوت على ابوكي مش حاجة سهله كلمة اف لوحدها و العبوس في وجههم عقوق ليهم … واسائة الولدين لا يجوز ردها بمثلها لو حصل لكن انتي في حال سببت لك حساسيه زائدة لأمور تافهه ولو كنت في حال اخرى لرأيتي الامور بصورة اخرى
نصيحتي لي ولك اختي العزيزة ودمتي بود
والسلام عليكم ورحمة الله وبركاته