مشكلتى غريبة جدا كان معايا زميلة فى درس الأحياء الثانوية العامة وكنت معجب بيها اعجاب عادى لا يرقى حتى لدرجة الحب وسبت المدرس ووحت لمدرس تانى ولما رحت الجامعة لقيتها معايا فى نفس الجامعة بس فى كلية تانية ولقيتها هية اللى راحت موقفانى وبتسلم عليا وبتقولى انت فينك ماحدش بيشوفك وعايزة ابقى اشوفك وخدت نمرتها وبعديها بأسبوع كلمتها وقولتلها عايز أبقى اشوفك لقيتها بتقولى أنا واقفة ادامك ولما قابلتها قالتلى تعالى معايا الحفلة وصممت وقعدت معاها وروحت معاها وبعدين باسبوع رحت معاها رحلة وياريتنى ما رحت ومشيت معاها كل الولاد كانوا عايزين يكلموها وبالذات الأكبر منها كمان لجمالها الفائق وشخصيتها القوية الجذابة وبعدين بقت تعاملنى باهمال وعدم اهتمام ولما تفابلنى ماتسلمش وحتى لما أسلم تعاملنى بعدم اهتمام ونخاول توزعنى وتروح تكلم شباب تانيين وتوزعنى وتروخ تقعد معاهم اعمل اييييييييييييييييييييييييهالمشكلة انى بخبها وكل يوم يزيد حبى ليها أكتر
مشاكل الشباب مع البنات
حبيبتي تخلت عني
اضيف بتاريخ: Sunday, November 6th, 2011 في 23:54
كلمات مشاكل وحلول: مشاكل الشباب
عيش حياتك وبعد عنها ومتدهاش اي اهتمام وحتشوف كيف حترجع احسن من الاول في بنات مبيجوش الا بكدا .
بس هى لما لقيت الشباب عايزين يكلموها بقت مغروره وفكك منها متستهلشى حتى انك تفكر فيها مجرد تفيكير بسيط عارف انا لو مكانك اصحاب بنات كتير واصحاب اصحابها هى واخليهم صاحبى جدا ولما تشوفنى معامعهم حعملها بمعملتها ولا عبره خالص وهى حتتقرس لما انت تصاحب صاحبها
انا بنت زيها وبقولك سيبك منها واللى يبيعك بيعو هى حبت تتمشى بيك شويه وانت اديتها الفرصه دى كبر دماغك وعيش حياتك صح
ومالو يا عمنا فكك منهااااااااااااا خالص وصحاب بنات كتير علي قد متقدر وهي اكيد حتعرف انها خسرتك وهزر مع اي بت تعرفها او متعرفهاش قدمها مش معنا كدة انك متديهاش وش عادي خالص وابقي سلم عليها بتقل شوية وحتقابل الف لا الفين بنت بعديها كمان وشد كدة الراجل ميزعلش علي حاجة راحت منه لا الراجل الي ميياسشي ابدا من موقف حصلو في حياتو بس انت لازم تحط في دماغك انك تبقي نجم عشان انت الي متعبرهاش وايه يعني جمالها فائق انت الي ممكن تظهر للناس البت الي قدامك دي جميلة ولا وحشة يعني لو انت عرفت بنت وحشة ودلعتها قدام اصحبها وحبتها حب جامد ده فرض طبعا الناس كلها حتدور علي انت بتحب فيها ايه بس لازم انت كمان تبقي موز سعاتها حتبقي موزتك ايا كان شكلها حيموت عليها الشباب وصحبتك اولهم حتموت تبقي مكنها
بص بقى يا برنس اللى يبيعك بيعة حتى لو هتدوس على قلبك انا عارف انى الكلام دة صعب لانى مجرب الكلام دة بس مش معنى كدة انة مستحيل الايام بتنسى وبعدين مين عالم يمكن لما هى تلاقيك مش مهتم وبتكلم بنات غيرها هى اللى تيجى تكلمك والله الكلام دة بيحصل من اى بنت حتى لو كانت مبتحبكش كدام كنت بتكلمها مش هتردا ان اى بنت تكلمك انا حصل معاية نفس الموقف بس وانا فى الثانوى مشتركة وفى كنت ماشى مع خطيبت اخوية هى لما شفتنى قالت تصدقوا ليقين على بعض بس هى متعرفش ان دية خطيبت اخويا المهم انا بصيت لها بقرف وماشيت المهم بعد يومين بعتتلى مع واحدة من جرانة انها عايزة ترجعلى وساعتها انا اللى قولتلها لا المهم اللى انا عايز اقوله ان هى مش هتردا انك تكلم بنات تانى وفى الاخر بردة هقولك اللى يبيعك بيعة
بص انا مش حقد اتكلم واقولك ازاي بنت تكلم شباب وكده لان اولا فيه بنات بتكلم شباب وهما محترمين والكلام في اطار الحدود وده بحكم اننافي مجتمع مختلط وجامعه او شغل يعني بس طبعا كل حاجه وليها حدود واكيد انت عارفها وعارف اخلاقها انت بقي بتحبها اوي وهيه حاليا منفضه وقللت اهتمامها بيك !ايه ده ايه اللي حصل عملت انت حاجه او تصرف خلتها تعمل كده ؟ اسال نفسك ولو طلع مفيش حاجه حصلت منك وانها اتغيرت من غير سبب سيبها وابعد عنها ولما تقابلك متكلمهاش ولا حتي تبص ليها ولا تتصل بيها ولو بعد اللي حتعمله ده كلمتك يبقي اوك هيه بتحبك وهيه عملت كده عشان سبب وانت حتفهم منها هو ايه لااااااااااااكن لو متصلتش بيك يبقي ولا كانت بتحبك ولا حاجه وكانت بتتسلي يبقي تحمد ربنا انك عرفت قبل فوات الاوان وان ربنا حيعوضك بانسانه تقدر حبك وتبقي كل حاجه بالنسبالها وبتمنالك كل خير وبالتوفيق شمس
الحياء شعبه من الايمان
م الآخر كده البت دي مبتتكسفش يعني معندهاش حياء
ماشيه توقفك وتسلم عليك وتاخد نمرتك وتروحو رحلات وحفلات وتكلم شباب تانيين
انا حاسه ان انا في نيويورك مش في مصر .. اهم حاجه الاخلااااق حب اللى هتصونك فغيابك مش من اولها قدامك بتكلم ولاد تانيين امال لو اتطورت العلاقه وخطبتها ايه هتخرج معاهم بقى ههههههههههه
(((اعتقد)))) ان حضرتك بتحب جمالها مش شخصها …و بعدين ازاي تحب بنت ادتك رقمها علطول ووافقت تقابلك و تخرج معاك من دون ما تعرفك كويس و ما كانش عندها ذرة حياء لما جت تسلم عليك و كأنها تعرفك عز المعرفة او كانها واخدة عليك ؟؟!و الاسوء ازاي تحب بنت مش عاملالك اي اعتبار يعني وجودك زي عدمو بالنسبة ليها بدليل انها بتسييبك و بتكلم شباب؟؟!!!…….. أنا بأيد رأي ( ايه)في انو البنت دي مغرورة و اخلاقها و حشة و مش معنى انها تكلمك يعني بتحبك بالعكس انت بالنسبة ليها انت ولد زي اي ولد بتكلمو ….اعتقد انها من النوع اللي بيحب يحوز على اهتمام الجميع و النوع دا لازم الواحد يهملو بدليل انها لما لقتك مش مهتم بيها و ما بتكلمهاش جتلك و كلمتك و لما حست انك مهتم بيها و بتغير عليها اهملتك ……نصيحتي انك تبعد عن النوع دا من البنات و تأكد انو اي حاجة مش مكتوبالك مش هتاخدها حتى لو على قوتك و اي حاجة مكتوبالك هتخدها حتى لو على ضعفك
حبك حب مراهق . لانة دا مش حب دة زميلة وعدت او البنت ممشاها مش كويس او هي طبيعتها كدة متل ما كلمتك بكل حرية تكلم غيرك عادي وانت اخدتها بحساسية.تابع تعليمك افضلك وكل اشي قسمة ونصيب
من الواضح انها كانت معجبه بيك ، يعني مكانتش متأكده من مشاعرها ناحيتك لكن الأمر اتغير بالنسبه ليها ، واحتمال برضه تكون بتعاملك كزميل مش اكتر
لو بتحبها روح قولها الكلام ده وش ، بس اهم حاجه متلعبش ببنات الناس 🙂
يعني تحبها اخر حبك ده يكون جواز 🙂 وربنا يوفقك
من الواضح انهامغروره انت لازم تنساها حاول قد ما تقدر انك تنساها وربنا هيعوضك بالى احسن منها وانت اتقل خالص عليه ولا حتى تبصلها وهتلاقيها هيا الى هتيجى تكلمك وانت ساعتها متعبرهاش وترد اعتبارك وانت متقبلش على نفسك انك ترتبط بواحده اخلاقها تكون كده