مشاكل الحب الفاشل

حبيبى مرفوض من الاهل

اتعرفت على شاب من نفس سنى وفى فترة قصيرة حبينا بعض بشدة للعلم هو اول حب فى حياتى وانا اول حب حقيقى فى حياته وكان صريح معى لاقصى درجة وحكالى عن ظروفة وحياته والغلط اللى عمله وانحرفاته وعلاقاته بالحريم وحكى انه كان بيشرب خمر ايام تعليمه وتركه وانه كان بيشرب حشيش وبانجو وسجاير وترك هذا كله من ثلاث سنوات مع العلم ان انجذبت له من اول مرة شوفته فيها لاحترامه واخلاقه العالية وانا حبيته وحبيت صراحته وبعد ما كل واحد صارح التانى بحبه قرر انه يتقدم لاهلى علشان علاقتنا تكون فى العلن وبعلم اهلى وانى اكون زوجته فى الاول تم الرفض لامكانياته المحدودة ثم بعد الحاح منى قرروا يسألوا عليه الاول وعرفوا انه بيشرب وتم الرفض نهائيا ومنعونى من الاتصال به المشكله انى لسا بحبه وهو بيحبنى ولسا على اتصال ببعض ومش عارفة اعمل ايه لاقناع اهلى بيه ويتم الارتباط بينى وبينه لانى حاسة انه بيحبنى جدا وانه حيحافظ عليه ويصونى ويحمينى؟