اتعرفت على شاب اصغر منى بسنه ونص وطلب منى التقدم لخطبتى ولكن بعد سنه لظروفه الماديه وانها هتتحسن فى خلال السنه ولكنى لا اخرج معه وبشوفه بس فى المواصلات ومش عارفه اتكلم معاه خالص فاطلب منى الخروج انا بصراحه قولت فرصه علشان افهم شخصيته لانه اقل منى فى المستوى الدراسى والمستوى الاجتماعى وقولت لازم اخرج واتكلم معاه واشوف دماغه بس هو عايز يتقرب منى وبيقولى انه عايز يحس بالانسانه اللى حبها وعايز يحس باحاسيس الحب معاها يعنى مش هيضر لو مسك ايدى ولو بوسه وانا قوللتهان كده حرام وغلط ولكنه مقتنعش ومصر بردوه وغير كده مش بيتصل غير لما انا بتصل بيه بحس انه بيتقل عليا اوى ولو متكلمتش يقولى الله يحنن عليكى خلاص نسيتنا وكلام من دا انا بجد مش عارفه هو كده بيحبنى والمفروض اعمل ايه لو هو تقل كده عليا ولو طلب منى الحاجات دى تانى ومش عارفه ارفض لانى بشر ونفسى احس بالحب بس بخاف جدا ايــــــــــه رايكـــــم وشكرا
السلام عليكم اختي نصيحة من اخت لآخت لا تسلمي نفسك اليه لآنه يريد ان يضحك عليك لا غير و يسيبك بدو جسمك هذا ليس حب هذا استغلال حافضي على نفسك و استني الزوج المناسب لا تبحتي عنه بل خلي هو لي يبحت عليكي انا انصحك لا تعطيه جسمك فهو يريد ان يفتض بكرتك يريد ان يمارس الجنس لا غير انا ابهت عن مصلحتك لآني بنت مثلك اختك سهام من المغرب
اولا فى مثل بيقولك ابعد حبه تزيد محبه .شوفى جربى لو دا ما اطبقشى عليكى ابعدى عنه لانه اكيد ما بيحبكيش لانه لو بيحبك هيحافظ عليكى وهيخاف عليكى حتى من نفسه الحب دا شىء ارقى واطهر من اغراضه الدنيئه . فالاحسن انك تبعدى عنه وياستى يروح كلب ويجى سبع. اوكيه
مع احترامي ليكي إنتي وهو
لكن شخصيته تعبانة خالص ومعندوش أدنى احترام
وكونك بتفكري توافقيه على أفعاله فأنا شايف إنك غلطانة جدا
يا أختي اعقلي وابعدي عن الشخص ده، ده بيتسلى وحتى لو مش بيتسلى فهو غير كفء لك نهائيا، جوازك به مش هيطول.
لحب احترام وهو مابيحبك لوكان بيحبك كان احترم قرارتك
اوعي ثم اوعي ثم اوعي تعملي كده
سيبيه كده فتره كبيره ما تتصليش بيه خليكي قويه مع نفسك
وشوفيه هيسأل عليكي ولا كان بيتسلى معاكي
اسألى نفسك انتى الاول ..وحللى كميه المواقف والكلام اللى قالهولك
هتلاقي ان ده مش حب ده لامؤاخذه ( لعب عيال ) مع احترامي ليكي ..كلنيا حبينا ومحصلش نصيب وكنا بنحاول نسعد اللى بنحبهم باى طريقه ونبعد عن اى طريقه تدايقهم
عموما .. خلينا فيكي .. بتقولى انو مش بيتصل غير لما تتصلى معنى كدا انك مش ع بالو وده عايز يتسلى بيكي ..ويخليكي تتشحططي وراه عشان يبدأ هو نسبيا ياخد منك اللى عايزه
انا كشاب زيه اقدر اوؤكدلك انو لما قالك مش هيضر لو مسكت ايدك او بوستك
الشخص ده عايز يستغل انسانه تتلخص شخصيتها في انها طيبه وغلبانه ..وبعيده عن ربنا !!
قربي من ربنا ..افتحي المصحف واقري سوره (الملك) لسبب واحد انها امنية الرسول الامين لاخوانه الذين اشتاق اليهم ابناء امته كي تشفع لهم
انا معتقدتش انك هتكونى مبسوطه لما تخرجي معاه وترجعي بيتكم وتقولى لنفسك انا ازاى سمحت لنفسي انى اخرج مع شخص معرفوش ..هتستحقرى نفسك لانك خنتى ربك ..خنتى اهلك .. خنتى نفسك
فكري تاني
اقفي عند موقفك
الحب بيجي مره عمره ما يتعوض ابدا واسالي مجرب
لو بتحبيه ها تستنيه عمرك كله علي امل جوازك منه
يابنتي انت تعملي الصح وخليك ثابتة ومتمسكة بموقفك هذامع الشاب ده ولويحبك بجد يتقدم لاهلك حسب الاصول غيركدا ماينفعش بس اوعك تتنازلي اوتضعف امام رغباته الشيطانية تكوني خسرت كل حاجة
ابعدي عنه لانه الشاب بدة اياك لهدف جنسي وعند ما ينام معك بحكيلك مع السلامه
التنازل الاول يتبعه تنازلات عده فلو تنازلتى له مرة لن تستطيعى مقاومته بعد ذلك يبدو أنه غير جاد فى العلاقه أخبريه انك لن تعطية شيئا الا من خلال الاطار الشرعى للعلاقه وإن كان يحبك سيظل على مبدأه معك أما اذا ثبت العكس فلا بد من فراقه
فكك من التفاهة لا علاقة بالحب
خليكي يا بنت ثابته علي موقفك واوعي تسمعي كلامه بعدين يفك ويطير والحكايه عباره عن دبله ومحبس لكن انتي اللي هتبكي طول عمرك
انا هقول شي احسن من كدة الراجل الي بيحب وحدة لازم يحافظ عليها زي ضلو تمام والي مش عايز يحافظ علي حبيبتو اعتبروة دة مش بتاع حب دة بتاع مشي بس انا كنت بحب واحدة جدا بس محصلش نصيب كنا هنموت يوم محصل الكلام دة وانا دلوقتي كنا بنحب بعض محدش حب زينه ابدا ولا هيحب وشكرا دة اقتراحي
بصى ياماما انا شاب اهو وبقولهالك مفيش حد بيحب حد ويطلب منه كده انه يبوسك ويلمسك والكلام دا كله المفروض ال بيحب يخاف عليكى من اى حاجه حتى من نفسه ودلوتقى سهل ان حد يتحجج باى حجه وكلمه انا وبقولهالك وبكره تقولى انا قولت انه مش هيجى ويتقدملك هوا قالك كده انه هيقدملك ويدى معاد وبعدين يقولك حصل ظروف وبتاع هوا بيمهدها خطوه هطوه لحد ميقرب منك ويضحك عليكى اوعى اوعى اوعى بقبولهالك تانى اوعى تفكرى حتى انك تعملى اى حاجه بيقولك عليها يمسك ايدك او يبوسك انا عارف انك بتحبيه وكده ومش عايزه ترفضى طلبه بس رضى ربنا اعلى من كل شئ ولو قالك خلاص ومكلمتيس او زعل منك فطره وبطل يكلمك زى الاول اعرفى انه كان بيضحك عليكى …. شبح المرج
اختى الصغيرة ………. من الواضح انك عايزة تحسي بالحب وخلاص وهو عايز يتسلي وخلاص لانة لسه صغير ومش مستعد للزواج دلوقتى يعنى من الاخر انتوا الاتنين عايزين تضيعوا وقتكم مع بعض وكل واحد بالطريقه اللي تعجبه وتريحة , شوفي انا هقولك حاجة اعرفيها كويس (لاطاعه لمخلوق في معصيه الخالق) اظن كدة فهمتى قصدى وفوقي قبل فوات الاوان
راجعي حساباتك ونفسك .. اجرام بحق دينك و اهلك ذاتك ان تلبي رغباته ،، لو كان يريد ان يمارس هذا الحب معك فليمارسه بالحلال ويشتغل ويجتهد ليحسن من ظروفه واوضاعه لاترخصي بنفسك من ارادك فليتقدم لك ويقدم لك وليس ياخذ .. انا اتوسم فيك خيرا لكن انتبهي من مشاعرك ووعواطفك لانها قد تجرفك بعيدا وقد لاتعود بك الا بعد فوات الاوان حيث لايصاحبها الا الندم والحسره ،، اللهم ان كان فؤ هذا الشخص خير لك معه فليوفق بينكمها ويسهل اموركما واما اذا كان فيه شر فليبعده عنك ويعوضك باخير منه .. تحياتي
نصيحة انتي في بداية الطريق ياريت تقطعي علاقتك لانها علاقة فاشلة جدا جدا مفهاش اى تناسب في اي شئ لا عمر ولا علم ولا مستوي اجتماعي ولا مادي … انتظري الين يرسلك الله واحد يفهمك وتفهمية ويكون متقارب من مستواكي
الف الف الف مبروك
اشمعنى سنة يعنى؟؟؟
علشان يكون شبع منك و ياخد اى حاجة و يهرب او يتحجج باى حاجة
ياما عملنا افلام
اه و بالمناسبة اتحداكى لو اتقدملك
ابعدى عنه احسن لك
الفشل طريق هذه العلاقه معتقدش انه بيحبك ممكن يكون مراهق وانتي مش لاقيه الحب فبتحاولي تقنعي نفسك انك بتحبيه