حبيتها وصونتها بس اتخطبت لغيري

انا *** عندي 21سنه شوفت بنت في فرح وعجبتني رحت دورت علا اميلها ع الفيس وكلمتها وقولتلها اني معجب بيها وهتقدملها لما ينصلح حالي اديتها وعد و بعد كده مكلمتهاش عشان مشغلهاش وعشان ميحصلهاش مشكله بعد كده والدي توفي والموضوع ده بقاله سنه واتفاجئت انها قرت فاتحه امبارح وانا دلوقتي انا زعلان ومش عارف اعمل ايه هو انا غلط في حاجه هو انا كان لازم افضل اكلمها ع الفيس عشان تحبني وتصبر عليا ولا ايه والمشكله ان كان في شاب جاري هو الي كان عازمها علا الفرح الي شفتها فيه ولما عرف منها قالي متكلمهاش تاني دي بنت محترمه ..هل هو السبب وهل كان لازم اتكلم معاها فتره عشان تحبني وتعجب بيا زي منا اعجبت بيها ولا الي عملته انا صح ؟؟ هيا مش كده غلطانه مش كان المفروض تقولي انها مش عيزاني وانها حبت حد تاني دي مقالتش حاجه ولا الشاب الوسيط بنا قالي حاجه وبعت طلب صداقه للشاب الي خطبها مقبلش الطلب وهيا عملتلي بلوك قبل متنشر انها اتخطبت انا عايز اعرف مين الي غلط يعني انا اتقي ربنا فيها ومعملتش زي ما الشباب التانيه بتعمل ولا اتسليت بيها تقوم تعمل فيا كده وفي التعليقات فرحانه ومبسوطه وعادي جدا كاني مش موجود في الدنيا دنا حبيتها وكل فتره تجيلي فرصه اني اتعرف علا بنت وانا اقول لا انا محبش حد غيرها والوعد الي وعدتهولها مستحيل اخلفه ولازم اوفيه وفي الاخر راحت لغيري والمصيبه انها كانت بتخش تشوف البوستات بتاعتي الي كنت بتكلم عنها بصوره غير مباشره وكنت بعرف انها بتخش عشان كانت بتدوس لايك وبتشيله انا عايزكو تقولولي هل انا غلطان في حاجه

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه