أهلين جميعا….انا عندي مشكلة ممكن تكون شوي تافهة بس مأثرة فيا ..انا عمري 16 سنة وبحب الاجانب كتير وبحب اتعرف على عالم من دولة تانية عشان اتعرف على لغتهم وعاداتهم وهيك شغلات…انا اول شي دخلت على تطبيق فيه تعارف للاجانب ولقيت عالم كتير وحكيت معهم وكانو كتير طيبين معي وتعلمت كتير شغلات ومرة شاب كوري اضافني مع العلم اني بموت بالكوريين….قال بدو يحكي معي ونتبادل اللغات والعادات وهيك شغلات..انا وافقت وصرنا نحكي كل يوم كل يوم يعني ما في يوم ما بنتكلم فيه تقريبا لشهرين ونحن عم نحكي…هو كان كتير منيح وحكيو حلو ودمو. خفيف ودايما بيمزح معي بيحكيلي عن همومو ومشاكلو ومللو والظغط يلي بيواجهو وكمان لما انا بواجه مشكلة بيضل يكلمني ويقلق ويواسيني ودايما يحكيلي بدو انو اجي على كورية مشان نتقابل ونمرح ويشوفني في الواقع ويتخيل شو راح نساوي وشو الاماكن يلي راح نزورها وكل شي مع العلم انو ولا مرة طلب يحكي بشي مو منيح او انو نفتح الكاميرا او اي شي وهو يلي كان يبعتلي صوروا اليومية من دون ما يطلب شي لا صور ولا شي بس مرة ارسلتلو صورتي كتعارف يعني وشي المو منيح هو انو يحب الشرب كتير ويحكيلي انو يشرب وهذا شي عادي بعاداتهم يعنبي ما دخلني الله يهديه…المهم هو سافر لتايوان للسياحة وواصلنا الحكي كالعادة ويحكيلي انو مستمتع بس تعبان لانو مافي حدا يساعدو وياريت لو كنت هناك عشان اساعدو ونطير الملل يعني لانو وحيد….المهم انو انا تعلقت فيه كتسر كتير لانو معملتو حلوة ودايما يكلمني كاني عايشة معاه لحظة بلحظة وشكلي معجبة فيه او متعلقة فيه او ما بعرف بس بحس انو بدي كلمو كل شوي وبدي احكي معو عن كل شي بالحياة…انا مو منتظرة منو شس لانو حكاية تافهة اصلا ورح تمر بمرور الزمن اذا ما تقابلنا راح بكون كل شي لعب ولاد لهيك انا ما كلمتو من اسبوع وحاولت اجرب ابعد عنو بس حسيت بفراغ كبيييير يعني انا عندي كتير شباب حولاي بس ما بستمتع معهم متل لما كلمو ومهما حاولت انساه ما بقدر بكل لحضة افكر فيه واقول لو كان معي كنت راح ساوي هيك وهيك حتى لما اطلع مع اصحابي بفكر فيه وانا خلص اخذت قرار لو ما كلمني ما راح ارسل اي رسالة من بعد اليوم مشان اعرف اذا عنجد مهتم فيني او لا ومع هيك بعرف انو القصة تافهة وما ما راح يكون في نتيجة بس غصب عني بقوم بصبح متاملة انو بعت رسالة بس مافي لا خبر ولا كلمة من اسبوع ساعدوني شو ساوي كلمو ولل طنش ولا استنى حتى يكلمني وكيف بدي طالعو من تفكيري؟؟؟ رجاء ساعدوني والله مليت بدي شوف شاب غيرو بس ما فيني….بدي حل ارجوكم….
حياة الضياع والفراغ اللي انت فيها تخليك تنزلقي للمهالك والرذيلة والانحراف وانت في هذة السن الصغيرة مرحلة المراهقة كلها عبث وطيش وتهور للفتاة والشاب في هذا العمر بدلا من تشغل اوقاتك بشي مفيد لك في حياتك وتهتم بدراستك ومستقبلك وتحصيلك العلمي حتى تدخلي الفرحة والبهجة والسرور على نفسك وعلى اهلك وتكون نافعة لهم ولمجتمعك للاسف تقضين جل اوقاتك على اللهو والتسلية على النت مع كل ساقط وفاسد ممن هو على شاكلتك بل انك تعديت الحدود وصرت مغرمة ومعجبة بالاجانب وحياتهم وتتمنين انك معهم في حياة المجون والترف والانحلال والفجور هل دي اخلاق الفتاة المسلمة وهل تظني ان ربك عزوجل راضيا عنك وعن تصرفاتك المحرمة والغير اخلاقية هذة لا والله انك تغضبين ربك عزوجل بافعالك المحرمة وكلامك مع رجل اجنبي وغريب عنك وهذا كله من عمل الشيطان ليوقعك في المحرمات والفواحش ويفسد عليك دينك اتقي الله يابنت الناس وتوبي لربك استغفريه واقطع علاقتك بهذا الشاب اوغيره من الشباب وحافظي على دينك وشرفك وسمعة اهلك وكرامتهم جيدا واحذري من التمادي في المعاصي والذنوب فان الله عزوجل يمهل ولايهمل ابدا وسوف يفضحك على رؤس الخلايق مالم تتوبي اليه وتقلع عن تلك التصرفات المحرمة والغير اخلاقية وتحرصي على استغلال وقتك في طاعة الله من اداء الصلاة في اوقاتها والصوم وقراءة القران وبرالوالدين وصلة الارحام وكثرة الاستغفار والالتزام بامور دينك من ارتداء الحجاب وغض البصر عن المحرمات وعدم الاختلاط بالرجال وعدم التبرج والسفور والهداية بيد الله عزوجل اسال الله ان يصلحك ويهديك ويسترعليك ويعصمك من كيد الشيطان ومن شر نفسك الامارة بالسوء وان يجعلك من البنات الصالحات انت وكل بنات المسلمين اجمعين