حب عن بعد هل في امل نبقى لبعض

كنت بحب واحد من وانا صغيره فاعدادي وكان من نفس بلدي بس حصلت ظروف وبعدنا عن بعض ومش عدت عرفت عنه اي حاجه وفضلنا بعيد عن بعض  ٤ سنين لحد ما عرفت انه اتنقل بلد تانيه ولما عرف اني لسه بحبه لانه يبقي ابن خاله صاحبتي ولما قالتله طلب منها اننا نرجع ورجعنا تاني ومكناش بنعرف نشوف بعض غير كل فين وفين بس انابقيت احبه اكتر من الاول وكلم مامتي وعرفها انه بيحبني بس مستني يخلص الجامعه ويجي يخطبني بس دايما كان بيحصل مشاكل بنا هي تافهه بس اناكنت اي حاجه بزعل عليها بس برده بتراضي بسرعه يعني لومكلمنيش كنت بزعل لواتأخر فالرد عليا برده كنت بزعل لو لعب وسابني ومكلمنيش كنت بزعل عشان كان بيوحشني لحد فالاخر ماتغير معايا وحسيته زهق وسألته انت عايز تبعد قالي اه عايز فتره راحه عشان تعبت من المشاكل ومن كل يوم خناق وبقالنا داخلين فشهرين منفصلين بس فالشهرين دول كل اسبوع او اسبوعين يكلمني لمايعرف انه حصل عندي حاجه واني محتجاله كذا مره طلبت منه نرجع بس هو مش عايز يرجع وبيقولي انا عايزك بس مش هعرف اكون معاكي وبيعاملني معامله صعبه مع انه عارف اني بتعذب فبعده وعارف اني بحبه واني ماليش غيره وقولتيله اني هتغير ومش عدت هزعل وكنت بزعل عشان بحبه وبيوحشني ومش بعرف اشوفه ومع ذلك مفيش فايده المشكله دلوقتي اني حتي لما بحاول انساه بلاقيه بيكلمني يسأل عليا وانامش عارفه هو كده يبقي عايز ايه وفي امل اننا نرجع ولالا واعمل ايه معاه وهو كده يبقي بيحبني ولالا وانااسفه اني طولت بس انابجد محتاره اعمل ايه ياريت تساعدوني

مشاكل وحلول ذات صلة

• بعد ما اتعلقت بيه اتغير عليا
• انا مريضة وممكن المرض يوقف بطريق حبي ليه
• لو حبيبى مجاش هل اقبل العريس التانى
• مقدرش اعيش من غيره وهو بيحاول يثبت انه مش بيحبني
• هل البنت فعلا بتحبني ولا هي مش محترمة
• الغربه بعدتني عن حبيبي
• بحب شاب اقل منى فى المستوى المادى