تفسير الاحلام

حلمت انو أنجبت طفل ذكر مع اني غير متزوجة

السلام عليكم
حلمت انو أنجبت طفل بغرفتي ونمت بعدها وامي أخذته لبسته ونيمته ولما صحيت جابتلي اياه اشوفه، كان طفل جداً جميل ولطيف ومكتمل الصحة ولكن وزنه حسيته خفيف، أخذته امي وحطته جنب ابن اختي وكانت فرحانة فيه ومتقبلة انه حفيدها جداً.
المشكلة انو انا بالحلم كنت مدركة اني مش متزوجة ومو عارفه من وين خلفت لأنه مو متذكره شي، والأغرب انو اهلي ما كانو زعلانين من الموضوع بالمرة، اللهم كنا محتارين كيف رح نسجله للطفل ونعمل وثائق وهو ما عنده أبو، ولا انا عندي حبيب سواء بالحلم او بالحقيقة.
وغير هيك كنت بتفقد سريري وجسمي وثيابي من آثار الولادة او حتى دم النفاس ما لقيت أي شي، ولا كنت تعبانه ولا كأني ولدت حتى، علماً انو انا بالحقيقه مش متزوجة لسا.
الله يخليكم لو الو تفسير الحلم، طمنوني والله انشغل بالي منه.