حلمت إني واقفة قدام بوابة كبيرة وفي جنينة فا غالباً كان شكلن بيت، كنت لابسة فستان فرم وماسكة في إيدي ورد، لقيت بنت خالي جاية تسلم عليا وتباركلي، قلتلها ان انا فرحانه بس الورد شكله مش عاجبني ولا الفستان شكله عاجبني.
قالتلي تعالي ندخل جوا بس، دخلنا لقيتنا جوه مكان شبه كنيسة كده من جوا وشفت اللي المفروض يبقى العريس او الشخص اللي هتجوزه (بس الشخص ده انا معرفوش خالص في الحقيقة) كان شكله وسيم وانا كنت حاساني مبسوطة بس وهما قاعدين بيكتبوا الكتاب لاقيت ملامحه بتتغير للأسوأ وشكله مبقاش زي الاول وتحديداً سنانه كان شكلها بيتغير وابتدى يظهرله سنان اكنها فيها صدأ كده.
وفجأة لقيته قام وقرر انه مش هيكمل في الجواز ده وانا فرحت لقيته مشي وباباه فضل يشتم فين بس مش فاكره كان بيقول إيه.. أرجو اللي بيعرف يفسر أحلام يفهمني ده معناه ايه.. أنا عندي عشرين سنه ومش مرتبطة..
