انا متزوجه منذ اكثر من 5 سنوات زواج تقليدي عادي وزوجي كان خاطب بنت قبلي استمرت هذه الخطوبه سنتان وقد حبها جدا بس حصلت مشاكل منهعتهم لنهم يكملو رغما عنه المهم كان بيغلط في ويناديني بأسمها وقد تحملت ذلك قلت مع الايام هينسي ونحب بعض حتي العفش كان جايبه وهي معاه وبردو معلقتش وتساهلت وللعلم اني كنت مخطوبه قبله لكني لا احبه ولا تعلقت بيه لان الخطوبه استمرت شهر تقريبا وبردو تقليديه مكنش فيه قصة حب ليه قبل جوزي المهم انه بخيل جدا ولاحظت الموضوع ده بعد الزواج لان خطوبتنا كانت اربعين يوم فقط فطبعا تزوجته من غير ما احس بناحيته بأي شعور وقلت لنفسي كله هاييجي قبل الجواز المهم حملت علي طول ومكنش عامل حسابه ماديا انه يولدني في مكان نظيف زي اخواتي ووداني مستشفي حكومه وحشه جدا واتبهدلت جدا وفي الاخر ولدوني قيصري والولد اتوفي وكان بخل منه انه يوديني مكان انظف من كده المهم ربنا عوضني بولدين بعده وجبت واسطه وولدت في المرتين في مكان نظيف واهلي ساعدوني في كل حاجه عشان مايحصلش اللي حصللي اول مره المهم انه بخيل جدا معايا ومع الاولاد مش بيديني مصروف ايدي زي الناس اما اكون راحه مشوار او عند امي يديني خمسه جنيه او عشره اما اكون عايزه اشتري حاجه بيديني علي قد الطلب بالضبط وغير كده في كل حاجه حتي في تعب الاولاد ممكن كتيير بيستخسر انه يكشف ويسال الصيدلي ونجيب علاج كتيير وفي الاخر بنكشف بردو وموقف تاني الولد وقع وحصله جرح غي فمه وكان لازم يتخيط وصرفت 200جنيه من فلوسه جه فضح الدنيا ومهمهوش الواد وحلف عليه طلاق اني لازم امشي من الشقه وابات بره وفعلا بت بره البيت لحد اما والدي جه اعطاله الفلوس هو رجعها تاني بس بعد شويه وغير كده عصبي جدا ومفيش بينا تفاهم خالص كل اما تكلم معاه بيفهمني غلط ويزعق واما يفهم الصح يعتذر ويقولي مكنتش فاهم بس علي قد كده قلبه ابيض وبيهدي بسرعه ارجوكم عايزه نصائح عشان بخله وعصبيته ملحوظه هو خريج دبلوم وانا جامعيه مش بحسسه بفرق التعليم بس هو اللي بيطرني اما مبيفهمنيسش بسهوله اسفه للأطاله وجزاكم الله خيرااا
شوفي يااختي البخل عادة قبيحةومكروه من جميع الناس والانسان البخيل مش ممكن يتخلا عن طبعه مهماكان والافضل لك اذامش قادره على العيش معه الطلاق ابرك لك وارحم من الحالة التي انت فيها وربنابيكرمك برجل كريم يقدرعلى اسعادك في الحياة
بصى انا عندى مشكله شبهها ان جوزى برضه بيحاسبنى بالمليم وهو يصرف مش مشكله خالص المهم شكله قدام الناس انه جايب اغلى حاجه ولابس احسن حاجه وبرضه مش بيرضى يروح يكشف بصى مش فرق التعليم هوه اللى عامل كده احنا الاتنين دكاتره هوه على حسب ما اتربى هتلاقى اهله كده بصى اقعدى معاه فى وقت يكون رايق وفهميه انك ليكى طلبات واولاده ليهم طلبات غير اللى فى دماغه غير اللى هوه بيجبها وحاولى تقنعيه انه يديك فلوس مش مصروف فلوس تصرفى منها ولما تخلص هتقوليله يديكى غيرها جربى يمكن تنفع بلاش طلاق علشان الاولاد على فكره اهلى بيجبولى اللى نفسى فيه برضه انا كنت فاكره فى الاول علشان كنا احنا مستريحين وهما لا بس برضه بيحب يصرف على نفسه واحنا لا اصبرى يمكن يتغير شوى
والله حبيبتي الا البخل مالوش علاج لانو هيك تربى زي ما ما تعود في صغرو رح يظل ومستحيل بعد ماصار رجل رح يغير طباعه ..مابدي لومك واقولك انك غلطانة لانك تزوجتي هيك زواج تقليدي من غير ما تعرفيه حتى في فترة خطوبة وتقولي خطوبة 40يوم ليش كل العجلة مثل ما يقولو في التاني السلامة وانتي استعجلتي كثير مش مهم انك تتزوجي المهم زواجك رح ينجح ولالا ..الزواج تفاهم من الاول قال انت تعمل كذا وانا كذا اذا اتفقنا مبروك واذا لا كل واحد في حاله ..هاد غلطت كل النساء والرجال ما يتفقو من الاول يفكرو الزواج لعبة بس الي فات فات في ايديك حلين لا ثالث لهما يا تصبري وتتحملي من شان ولادك يا تطلقي وربنا يعوضك ما احسن منو ..بس لا تفكري انو لو اطلقتي ولادك رح يتشردو بالعكس احيانا الطلاق يكون اريح من المشاكل الي يشوفو الولاد من صغرهم ويتعقدو احيانا الانفصال يكون احترام ..انتي تكلمي معاه حاولي وحاولي بس لا تضيعي عمرك ع الفاضي والسلام عليكم ورحمة الله تعالى وبركاته
انتى غلطانة من الاول انك اتجوزتى واحد فى فرق بينكوا فى التعليم
بس خلاص اللى حصل حصل
حاولى تواجهيه باللى بيضايقك منه و تتكلمى معاه و ادعى ربنا يهديه يارب و يوفقك