انا فتاة مخطوبة وعندى عيب خلقى فى اصابع قدمى بشكل واضح ولحد دلوقتى خطيبى لسه معرفش بالعيب دة وانا خايفه اعرفه يزعل انى خبيت كل الفترة دى او يسيينى او يستهزىء بالعيب دة ويعايرنى بييييييييه مع انه بيحبنى اوىىىىى بس خايفه من رد فعله هو واهله
مشاكل الخطوبة
خايفة من ردة فعل خطيبي
اضيف بتاريخ: Wednesday, February 2nd, 2011 في 20:04
كلمات مشاكل وحلول: فتاة, فترة الخطوبة, مخطوبة, مشاكل الخطوبة
السلام عليكم حبيبتى دا خطيبك وهيبقى جوزك بعد كدة يعنى لازم تصارحيه قبل الجواز احسن وربنا يوفقك
السلام عليكم حبيبتى دا خطيبك وهيبقى جوزك بعد كدة ان شاءالله يعنى الافضل انك تقولى قبل الجواز وخطيبك بيحبك اوى زى ما بتقولى فعادى جدا مش هيقول حاجة انا متاكدة من كدة ان شاءالله وربنا يوفقك ويكرمك
انا دخلت النهارده عشان اشكر كل واحد قاللى رايه وشجعنى بجد ربنا يحميكم انا كنت بقالى كتييييييير شايله الهم ومترددة جدا وانتم اللى شجعتونى وفعلا مفيش احسن من الصراحه انا قلت لخطيبى والحمد لله الموضوع عدى ع خير وزعل منى جدا انى فكرت انه ممكن يسيينى وحتى رفض انه يشوف الحاجه دة وقاللى انه بيحبنى زى ماانا ربنا يحميكم ويفك كرب كل واحد يااااااااااارب بجد متشكرة
المفروض انك تعرفيه طبعا
وبعدين دي حاجه من عند ربنا
ولو بيحبك مهما فيكي ايه عمره ميفكر يزعلك
وخليلها ع الله
حبيبتي لازم تصارحيه والمفروض انك قلتي له قبل الزواج انا عندي اعاقه برجلي ولما تخطبت لشخص حبني كان شيفها بس كمان قلت له انا عاوزك تشوفها عشان بكره ما تعايرني او تسالني وطبعا دا كان بعد ما سالت رجل دين وقال لي انه حلال ولازم يشوفه قبل الزواج وفعلا الحمدلله غضب مني لما فرجيته اياه وقالي انا بحبك ودا مش ممكن اتخلى عنك عشان كدا احمدي ربك ان العيب والتشوه باصابع رجلك مش بايدك او اعاقه ظاهره امام الجميع ضروري تحكي له الان افضل ما تعملي مشكله طويله بعد الزواج انت هلا على البر واادا ما بحبك وبده يتخلى عنك تبقى دلوقتي افضل من بعد الزواج
ههههههههه
لا بس المفروض تقولي ليه وخصوصا انه عيب خلقي ولو بيحك هايقبل بيكي حتي لو عارجه انا مركبه اسنان كنت بشلها وبحطها وكنت اول مايتقدم ليا حد بعرفه وبخلعهم ادامه وكان عادي بيقبله واسنان انما انتي صابع
انا اصلا بالنسبه لى الموضوع دة بيتعبنى نفسيا انا راضيه بقضاء الله بس انا حساسه جدا وخايفه من طريقته معايا ممكن حتى لو بهزار اخدها بحساسيه واتعب اانا نفسى اقوله اووووووووى لانه كدا كدا لازم هيعرف لاننا بنجهز يعنى فاضل حوالى سنه او اقل وكل مالوقت يقرب بحس بهم كبيييييييييير وحاسه انى هموت وانا بقوله بجد تعبانه جدا يارب قوينى ياااااارب
اختى العزيزة من الدين انكى لابد ان تخبرية بهذا الامر وتتأسفى له على عدم اخبارك له من قبل واذا كان بيحبك بجد سوف يتغادا عن هذا العيب لانة من كلامك معرفش يعنى هذا العيب ليس ظاهر بسور مؤثرة على مظهرك العام وتأكدى ان نصيبك فى الزواج سوف يأتيكى سواء به او بغيرة لان الزواج قسمه ونصيب وذلك حتى لا يعرف يوم الدخلة وتكون المشكله اكبر ويحدث طلاق وتذداد المشكله تعقيدآ انتى لسة على البر ولو انكى لم تعجبية بهذا العيب فهناك الكثير من سوف يعجب بكى على هذا العيب وتأكدى ان الجمال هوا جمال الخلق وليس الخلقة فاذا كانت الاخلاق عالية فهى من اهم شروط الاختيار لدى الشباب فى الزواج اتمنى لكى السعادة
انا ياقمرمع كل الاراء دى والصح انك توجهيه بالحقيقه دلوقتى احسن من بعدالجوازواكيدلوبيحبك هيقبل بيكى مهما كان وده اختبار لحبه فمش تخافى وتوكلى على الله ربنا معاكى
اعتقد انك لازم توقيلله لانه خطيبك ولو سابك عادى مفيش مشاكل المهم انك تخلصى ضميرك وتعملى اللى عليكى
بصى هو لازم يعرف قبل الجواز ولو هو بيحبك بجد مش هيفرق معاه العيب دا خالص وبعدين ما كلنا محدش فينا كامل توكلى على الله وقوليله او البسى شبشب او اى حاجة تبين صوابعك
السلام عليكم ورحمة الله وبركاته
عزيزتى صاحبة المشكله
مفيش حاجه اسمها عيب خلقى واللفظ ده حرام اعزنا واياكى
اما عن الحل فالامر بسيط جدا صارحيه بكل شجاعه فان تقبل كان بها وان لم يتقبل فهذه مشكلته هو
انا لما اختار انسانه لغرض الارتباط الشكل مهم نعم لكن هناك الاهم
كما قال سيدنا عمر رضوان الله عليه
تنكح المراه لاربع لمالها وجمالها ونسبها ودينها فاظفر بذت الدين تربت يداك
اى رجحت
اما عن حالتك النفسيه فلابد ان ترضى بحالك وانظرى الى من لا يملك النعم التى تملكيها وقولى الحمد لله الذى عافانى ما ابتلى به غيرى
اكيد ياماما خطيبك هوكمان فيه عيب لانه مافيش حد خالى من العيوب وانت الللى فى صوابعك مهما ان كان دا مش عيب واهله مالهمش دعوه عشان هو اللى هايتتجوز
لو بجد بيحبك اوي زي ما بتقولي عمرة ما يفكر في اي عيوب خلقية او حتى عيوب نتجة عن حادث اللي بيحب بجد وبصدق مش بيحب لا الشكل ولا المنظر ولا الجمال ولا صوابع القديمن ولا اي حاجة اللي بيحب بيحب الروح والشخصية تقبلي تحياتي بكل الحب أخيكي في الله
عرفية يا حبيبتى دى خلقة ربنا ملناش يد فيها ولو هو سابك عشان العيب دة يبقة مكنش بيحبك وطبعا متزعليش علية وممكن يطلع ابن حلال وميهموش حاجة زى دى يا حبيبتى كلنا معرضين لاى اعاقة اوى اى عاة الحمد للة على كل شئ عارفية وتوكلى على اللة
السلام عليكم اولا ده عيب خلقي يعني ملكيش يد فيه ولو عايزة تقولي لخطيبك قوليله ولو مش عايزة فهو مش هيزعل منك وافتكر مستحيل يسيبك عشان حاجة زي دي ومن ناحية اهله فمش لازم يعني يعرفو بالعيب دة وبعدين هو خطيبك اللي هيجوزك ولا اهله وفكري بعقلك شوية لان دي حاجة بتاعة ربنا ولو خطيبك سابك يبقا اساسا ميعرفش ربنا وربنا يوفقك
لازم يعرف وسبيها علي ربنا ولو استهزق بيكي سبيه اللي خلقه خلق غيره
بأمكانك عزيزتى أن تخبريه بذكاء بحيث أن تجعليه يشارككى فى الحل . فتبدأى الحديث معه هكذا ( تتظاهرى أمامه بأن قدمك تألمكى بالطبع سيسأل من ايه بتشتكى سلامتك هذه الخطوه الأولى لأستعطافه ثم تقولى له أنه من أيام الطفوله وأنا أعانى من ألم بقدمى وكشفت عند الطبيب زمان وقال لى محتاجه عمليه بسيطه بس أنا مكسله شويه وهذا فى اعتقادى والله أعلم لا يعد من الكذب لأنكى تحاولى أن تخففى الخبر الذى أخفيتيه عليه فقط. المهم ربما يطلب منكى على استحياء أن يرى فاذا أمكن فلا بأس أن يرى قدمك وقتها تكونى خففتى عليه الخبر وأنتى كما ذكرتى أنه يحبك فمن المستحيل أن يغير رأيه فيكى ان كان يحبك بل سيساعدك فى وجود حل وهناك عمليات تجميل تعطى نتائج مذهله لعلها تكون أحد الحلول أعتقد أن هذا الأقتراح سيساعدكى شرح الحقيقه ببساطه قبل أن تكون كذبه عليه بعد زواجكما