خايف حد يتقدملها و يخطفها مني

بسم الله الرحمن الرحيم ،،، انا عندى مشكلة تعبانى جدا جدا مش عارف اعيش حياتى طبيعى تعبان جدا تفكيرى علطول مشغول بقيت تاية فى الدنيا حتى لما بكون مع اصحابى بكون فى وادى و هما فى وادى تانى ،،،، نفسى حد يقولى حل لمشكلتى كفاية كدة و ندخل فى موضوع المشكلة احسن عشان مش اتعب و اتوه تانى ،،،،، الموضوع دة بداء من يوم ما عرفت يعنى اية (( حب )) …. و عرفتة اول لما شوفت ملكة جمال العالم و اجمل واحدة قبالتها فى حياتى مش شكل بس لا فى كل حاجة جمال و اداب و ثقافة الخ الخ الخ …. المهم انها جارتى و مش جارتى من زمان يعنى لا هى لسة جاية من حوالى سنة لانها هى اصلا من الاسكندرية و انا من بورسعيد بس هى جت ساكنت عندنا فى المنطة من سنة …. طول السنة دى و انا فى فرح و حزن … بفرح لانى شوفتها و بزعل لانى لسة مش كلمتها و صرحتها بحبى و هى دى المشكلة انى مش قادر اصارحها بحبى … لانها اول حب لية فى حياتى و خايف اتصدم من الحب و تبقى حياتى كلها تعاسة فى تعاسة بعد يوم مصارحتى ليها …. و كمان فى مشكلة اكبر من انى خايف اصارحها لمجرد الخوف من الامر و كدة و بس لا  فى مشكلة تانية ان البنت دى تبقى قريبت صاحبى …. و اخاف لما اروح اصرحها يحصل اى مشكلة مع صاحبى بسبب الحوار دة و ابقى خسرت صحبى و كمان ابقى خسرت الحب …. و للعلم انا طالب فى جامعة بورسعيد و عندى 20 سنة و كمان عشان محدش يقولى اتقدملها انا مش جاهز انى اروح اخطب الوقتى قدامى شواية كدة و عمرى ما فكرت فى حد تانى يكون لية غيرها …. و مش هقدر اصبر و اسكت لحد ما اقدر اتقدملها لاني خايف حد يتقدملها و يخطفها مني و كمان عايز اطلب طلب منكم نفسى تكون الاجابات مفصلة لانى خلاص قرارت انى اخد الحل من هنا ….. تحياتى لكم و ارجو النشر للاهمية القصوة .

مشاكل وحلول ذات صلة

• مش جاهز اتقدملها وخايف تضيع مني
• لو حبيبى مجاش هل اقبل العريس التانى
• خايف لتكون اتغيرت من ناحيتي
• بحبها وخايف اظلمها او اغلط فيها
• طلب مني اقول لامي انه عايز يتقدملي
• نفسي اتجوز حبيبي
• رفضت ثلاثه عرسان عشانه ومش عارفة اخرتها