انا خطبت واحدة كان فى فرق بين المستوى الاجتماعى بين الاهلين بس بينى و بينها عادى ، انا كنت شخصية ضعيفة اوى و كل حاجة حاضر عشان بحبها فكنت بحس انها بتمشى كلامها عليا يمكن من غير قصد كنا بنتخانق كتير على حجات تافهة اوى.
انا و هى محترمين بس الشيطان دخل بيننا لحد لما غلط معاها و بقيت انام معاها بس من غير ايلاج يعنى هى لسة بنت بس اى حاجة تانية كنا بنعملها كنت بحس انها مش بتاخد برايى فى اى حاجة او مش بيبقى مقنع ليها كان عندها سوء ظن فى الناس كلها
موقف مثلا كنا فى فرح صاحبى و قلتلها عايزة تاكلى قالت لا فسبتها و قومت انا عملت اكل و كلت و انا جمبها لقيتها قامت و طلعت برة الفندق طلعت وراها لقيتها بتزعق جامد اوى و تقولى انت مش راجل و كان تبريرها انى سبتها و فضلت اكل لواحدى
مميزاتها انها طفلة اللى هو تزعل و تتخانق و تانى يوم نتصالح ، تفكيرها العملى حلو اوى دايما بحب اخد رايها فى كل حاجة و بستفيد اوى اوى من رايها لان تفكرها بيكملنى.
عيوبها انها حساسة اوى مع اى موقف يحصل مشكلة و لما بتزعل بتتجنن قلعت ليا الدبلة 4 مرات فى الخطوبة و كنت بحس انى مهما اعمل عشانها تقولى انت عملت اية عشانى
الموضوع انتهى قبل الفرح ب 3 ايام انا و هى اتخانقنا راحب مكلمة بابا قالت له مش عايزة ابنكو و بعديها رجعت و عمالة تتاسف بس انا مش عارف اخد قرار
محتار بين انى بحبها و غلط معاها و حاسس بالذنب و بقول كل حاجة تتصلح و بين ان اهلى بيقولولى انت هتبقى عايش فى البيت من غير كرامة و هتركبك
بس يا جماعة انا غلط معاها و حاسس بالذنب لانها كانت محترمة اوى و انا اللى عملت كدة فيها فحاسس انى انانى انى اسيبها بس كل اصحابى و اهلى كانو شايفين انى تعيس و مش مبسوط فى فترة الخطوبة
بفكر اعف البنت دى و ارجع و احاول اغير الطباع اللى فيها و احط لنفسى شخصية معاها لانى كنت شخصية ضعيفة اوى معاها
ارجو المساعدة لانى فى حالة انهيار
بعد كل كلامك ده واضح جدا انك هترجع لها وتعتذر لها وتبوس الايادي و تتجوزها وتقول لنفسك باصلح الغلط يا واد يا شهم وكلها كام يوم او كام شهر وترمي لك الدبلة في وش ابوك او وش امك او وش اختك وتقول لكم مش عايزة ابنكم او اخوكم او فلان ده ونروح الشرطه و كل واحد ياخد حقة وسلومة الاقرع بيرحمش