خطيبتي عصبية جدا وتسخر من مشاعري

تمت الخطوبة بشكل تقليدي ( صالونات ) وفي مدة لا تتجاوز الشهر كانت الأمور تسير بشكل سهل وبسيط جدا صارحتها بحبي ليلة الخطوبة وإحنا في الكوشة وكان ردها اللي بيجي بسرعة بيروح بسرعة مرت الشهور بشكل سريع جدا كانت دائما ما تنفعل وتسخر من مشاعري بشكل غير لائق كل ما أقولها بحبك كانت ترد عليا بكلمة ماشي بمنتهى البرود حدثت خلافات بيننا لكنها لم تكن كثيرة وفي كل مرة كانت تنفعل وتصرخ ( مش عايزاه مش طايقاه ) ووصل الأمر إنها خلعت الدبلة أكتر من مرة وأنا كنت بآجي على نفسي وأصالح حاولت أغير كتير منها وهي مصممة ( أنا كده ومش هتغير ) حتى لو اتصلت بيها وكانت نايمة كانت تصحى تزعق وتنفعل عليا بمنتهى الشدة وأخيرا في يوم كانت مخنوقة جدا بقولها ( مالك ) انفعلت عليا بشكل غريب جدا وفضلت كده 3 أيام وأنا مستحمل لحد ما انفعلت عليها برضه اشتكيت لوالدها خد الأمر بشكل تهريج وما اهتمش بيه وماماتها طبعا في الطراوة وفي عز الزعل ده كانت خارجة مع صحبتها تتفسح وهي عارفة إن أنا تعبان ويشاء ربنا إن أنا أقابلها صدفة في اليوم ده قابلتني بكل لهفة وبحب عمري في حياتي ما شفته منها قبل كده وفجأة بدون أسباب بدأت تهين فيا وتعلي صوتها قدام صاحبتها روحتها البيت واشتكيت لمامتها منها راحت منفعلة أكتر فانسحبت بهدوء وبقالي على كده 5 أيام حتى ما بردش على تليفوناتها علشان ما نتخانقش والله بحبها بس مش عارف أعمل إيه ، ياريت تفيدوني بسرعة …

مشاكل وحلول ذات صلة

• بحب واحد متجند في الجيش وامي عايزاه يتقدم
• لسه بحبها وبتكلم معاها بعد جوازها
• فسخت خطوبتي قبل الفرح باسبوعين و نفسيتي مدمره
• بحب خطيبي ومش قادره ابعد ولا قادرة اكمل
• قلبي وجعني بعد اعتراف خطيبتي
• كيف انساه انا احبه افكر به دائما
• انهاء علاقتي مع خطيبي المؤذي