انا مخطوبة من اربع سنين هو قريبى وانا بحبه جدا انا بطبعى بحب اللمة والهزار والضحك يعنى زى ما بيقولو مفرفشة بس فى نفس الوقت رومانسية خطيبى بقى خجول جدا حتى معايا كل حاجة انا اللى بدات بيها انا اللى حبيته الاول وانا اللى بعتله اول رسالة اعرفه فيها انى بحبه وانا كمان اللى قولتله بحبك الاول بمعنى اصح مدلوقة عليه وهو راسى جدا وهادى اوقات كتير بحس انه بيحبنى واوقات بحس انى ولا فارقة معاه انا اتعودت منه على حاجات كتير هو بيعملها وبحاول اتاقلم عليها بس فى حاجات كتير جدا مش عارفة اعديها فى حاجات بسيطة اوى بتفرحنى وهو مبيعملهاش وانا قولتله كده بس هو مبيهتمش هو مسافر دلوقتى وهنتجوز ان شاء الله بعد سنة ونص انا تعبت من اهماله ليا مبيغرش الا لما اتكلم معاه عن حد انا اعرفه اوقات كتير بحس انه مبيخافش عليا احنا الحمد لله التلت سنين اللى قضاهم معايا عمره ماحاول يمسك ايدى ولا يعمل حاجة مش مظبوطة انا مش زعلانة من ده بس اكيد لازم يكون عنده مشاعر ناحيتى لو بيحبنى زى ما بيقول انا زعلت منه كتير جدا بسبب الموضوع ده وكنت كل مرة اقوله ولا فى فايدة لما نتكلم انا اللى اتكلم واقوله انا عملت ايه طول النهار وايه اللى حصل معايا فى اليوم ده على اساس انه يقولى هو كمان ايه اللى حصل فى يومه لكن لا مبيحصلش هو غامض جدا جدا احيانا بحس انى فهماه غلط او مش فهماه خالص انا بحبه جدا جدا جدا وبعمل كل حاجة تريحه بس هو مش عايز يريحنى عايزنى اكبر دماغى من كل حاجة وابقى بارده وانا مينفعش ابقى كده معاه انا مبحاولش ازعله ولما بزعل منه انا اللى بصالحه احنا دلوقتى متخاصمين لسبب تافه جدا الحقيقة انا اللى زعلت لانه كنا بنتكلم مع بعض وسابنى وقعد يتفرج على التليفزيون فسبت السماعة لاخويا يسمع اللى كان بيسمعه وقومت ولنا اخويه كلمه رد عليه وقالى قومى كلميه وانا قولتله لا وقوله انى مش عايزة اكلمه انا مش عارفة هو عارف انى زعلت ولا لا بس هو قال لاخويا ماشى خلاص سلام وقفل ومسالش عليا ولا اى حاجة هو سبب تافه بس والله يا جماعة محدش حاسس بيا دلوقتى لانه انا تعبت نفسى يحبنى ويبين مشاعره ناحيتى ويقولى بحبك ووحشتينى والكلام ده اللى انا مبسمعهوش انا عارفة انى غلط من الاول علشان رخصت نفسى ومتقلتش عليه بس انا كده مبعرفش اخبى ياريت حد يقولى اعمل معاه ايه علشان اخليه يبقى ملهوف عليا ويبقى عايز يكلمنى ويحسسنى انه بيحبنى وخايف عليا ويا ترى لما نتجوز هيبقى كده برضو ولا هيتغير ؟؟ انا اسفه انى طولت عليكم بس ارجوكم ساعدونى وقولولى حل لانى تعبت
والله خطيبك هذا جدع وابن حلال وخسارةفيك ولواحدتافه وحقير يبقى انتي ماتزعليش مني اناانسان صريح واحب اقول الحقيقةلكل الناس ولوكانت مرة واقول لجناب حضرتك ان البنت مش بجمالهاولااناقتهاولا بشهاداتهاولابحسبهاونسبهاالبنت باخلاقهاالعاليةوادبهاالرفيع وتربيتهاالحسنة والصالحة والخجل والحياءمن الايمان ياليتك تبطل الهزارالبايخ بتاعك وكثرةالضحك من قلةالادب وتهتمي بنفسك وبخطيبك وتعرفي تحافظي عليه وتحافظي على تعاملك معه واخلاقك وادبك واحترامك لنفسك اولا ومن ثم للاخرين وربي يهديك ويسترعليك
شكرا يا جماعة على كل الردود دى اللى كان معايا واللى كان مش معايا بس احنا اتصالحنا والحمد لله بس فى حاجة انا عايزه اقولهالكم اللى بيحب حد مبيفكرش يسيبه ولو جت عليه اللحظه دى بيندم عليها ويا رب تكونوا لاحظتو اننا مع بعض من 4 سنين يعنى انا مش بحبه بس انا بموت فيه وهو كمان بيتهيألى كده برضو بيموت فيا يعنى انا يستحيل اسيبه انا بس كنت عايزه اعرف ازاى اخليه يعترفلى بحبه مش كل ده يا جماعة دا انا لو عملت بنصيحة واحدة بس من النصايح دى كنت سيبته من زماااااااااان ولا انتو جايين تهدو النفوس ههههههههههههههه على فكرة ده
هزار اوعى حد يزعل انا بحبه بجد وهو كمان بيحبنى والله بس يمكن زى ما حد قال مش عارف يعبر انا بقى اخليه يعرف ازاى ؟؟؟؟؟؟؟
وميرسى مرة تانيه لكل الناس اللى كتبت وربنا يخليكو لو حد عنده حل لسؤالى يرد معندوش يرد برضو بس ميسخنش والنبى ههههههههههههههه
أختي العزيز تعرفي اني أنا كمان بعاني من نفس المشكل خطيبي أعصاب باردة جدا جدا قبل الخطوبة كان بيتصل بيا ليل نهار وبنبعت ميساجات لبعضنا…ولما خطبني مباش يهتم في زي الأول أنا ما عجبني الوضع بالمرة ودايما بقولو ايه ده انت مكنتش كده معايا بيسكتني ويقولي الكلام ده تافه لما كنت بتصل بيكي كنا لسى بنتعارف على بعض…وانا متعوتش على عدم اهتمتم بيا وكتير بزعلا منو.انتي يا اختي صارحيه وقولي الي فقلبك وبشكل مباشر علشان لما ايرد عليكي تشوفي ملامحو برد الي حيقولو وسعتها انتي اتصرفي ازا كان رد ايجابي متكمليش وازا سلبي االله يوفق
أولا أحب أقولك إنك مرخصتيش نفسك ولا حاجة.
مش معنى إنك صرحتيله بمشاعرك إنك رخصتي نفسك
لأن من حق المرأة إنها تصارح الشخص اللي تتمناه، بس بشرط يكون شخص محترم ومتدين علشان ميستغلش مشاعرها ولا يهينها بتصريحها..
المهم، أنا شايف إنه شخص بارد شوية، من كلامك..
لكن الموقف الأخير، أنا شايف إنه موقف بايخ جدا منه، وأنا شايف إنك تبعتيله رسالة على الموبايل، وتقولي له إنك زعلتي منه بسبب إهماله لك الدائم وخاصة الموقف الأخير..
وانتظري منه الرد، ولو مردش، فأنا آسف هقولك إنه مش بيحبك، لأنه لو بيحبك مش هيضحي بيكي، فتصرفي نظري لغاية ما يتحرك هو، صحيح إنتي اللي بدأتي، لكن هو مايستاهلش..
واضح طبعا انه مش مهتم بيكي ومش فارق معاه الخطوبة للاسف في ناس كدة بتكون باردة ومش بيقدرو اللي بيحبوهم اهم حاجة دلوقتي انك متكلميهوش ولا تتصلي بيه لحد ما هو يكلمك الموقف اللي هو عمله ده بيدل ان هو مش مهتم بزعلك ازاي ينشغل عنك ويتفرج على التلفزيون حتى كان لازم يكلمك علاطول لما يخلص و الموقف ده فرصة ليكي انك تختبري حبه ليكي خليكي تقيلةوازعلي منه شوية هو بيعمل كدة عشان متاكد انك بتحبيه اصبري ومتكلميهوش وان شاء الله هيكلمك ولو كلمك وعرف غلطه يبقى هو بيحبك بجد
هوغامض امممم حاولي تستفزية عشان يقول الي بداخله يعني ساليه عن نفسه طفولتة, ليش هو خجول ؟؟؟ يعني عرفي عن ماضية تكلمي انتي بعدين ابدي وهو بيكملل عليك وكذا هذا راي ؟
انابقول ان هو ممكن يحبك او لا لان هذه التصرفات لا يمكن ان تاتى من شخص يحب فعلا وبصدق وانا بقولك ان انتى ولا تتصلى ولا تكلميه لغاية مايتصل بيكى لان هو لو ماتصلش بيكى فان هو مابيحبكيش وكلمه من بنت لبنت ان مافيش راجل فى الدنيا مابيغرش على حبيبته ولو فعلا بيحبها بجد انا بس بقولك علشان تحازرى منه لو كان بيحبك بجد وبصدقك ولا لا واعرفى السبب هتلقيه فيه او فيكى اكيد بس اكيد تاكدى من حبك الاول قبل ماتتاكدى من حبه لان ممكن يكون حب من طرف واحد ويارب يسعدك
اتكلمى معاه مرة واتنين وتلاته وممكن يكون هو بيحبك بس مش عارف يعبرلك عن مشاعرة طب هيعمل ايه طبعه كدة فحرام نظلمة ونقول انه مش بيحبك الله اعلم باللي في قلبه من ناحيتك قوليله اهتمامك بيا هيسعدنى كتير واكيد انت يهمك سعادتى دة لو بتحبنى وشوفي ردة هيبقي ايه
انتو بتقولو ايه
هو النسيان سهل كده عندكم حرام بئه حرااااااااام
شوفى يا بنت الحلال
انتى بتحبيه صارحيه كلميه
قوليله انت ليه مش بتحبنى زى ما بحبك وبلاش ترخصى نفسك اكتر من كده شوفى هوه عاوز ايه وهيتجوزك ليه
اذا طان هيتجوز عشان ( مزاجه )
قوليله لألألألألألألألألأ انا عاوز احس انى عايشه حد يحبنى واحبه ونحب بعض اكتر من بعض ؟
ايه فى ايه
انا حاليا شعارى . لا داعى للحب لأنى اكتر واحد حبيت واتعذبت كتير ( خيانه – وكذب مشاعر – وحب من طرف تانى ) حبيت كتير وخلاص انتهت المسيره لحد كده وأدينى عايش – وبمعنى اصح
مبقتش عايش Out Of Love
بجد بجد نصيحة وحاولي تجربيها أنت اللي تكبري دماغك خالص خالص خالص ولا كأنة أصلاً موجود في حياتك وابقي شوفي اية اللي هيحصل بجد لو مهتمش ولا مش عبرك يبقي معلش يعني ما تزعليش مني يبقي دة عمرة ما حبك بجد ولا فكر فيكي لو رجع ليكي مدهول على عينة اعرفي انة بيحبك ومايقدرش يستغني عنك بس كان بيتقل عليكي يعني كدة او كدة انت اللي كسبانة هتعرفي اذا كان بيحبك بجد ولا عمرة ما حبك وفي الأخر انت اللي كسبانة وهتعرفي تاخدي القرار الصحيح وربنا يوفقك ويسعدك يارب آمين.
بوصى يااختى انتى اللى غلطانه من الاول انك سيبتيه يعرف ويحس انك انتى اللى عاوزاه ومحتجاله اكتر ماهوا محتاجلك ودى غلطتك انا عاوزك تسيبيه لحد متشوفى هيعمل ايه من غيرك وتشوفيه هيصالحك ولالاء لو صالحك وقلك اسف على تجاهله مشاعرك يبقى بيحبك بجد لو لسه مستنى انه انتى اللى تروحى تتأسفيله يبقى اعزرينى هتوصلوا لطريق مسدود ربنا يوفقكم وتلاقى حل ان شاء الله………………
بصي يا حبيبتي متصريش عليه اكتر من كده وليه تحطي مستقبلك كلو في احتمالات احتمال يكون بعد الجواز كويس واحتمال يكون ذي ما هو بارد المشاعر انا من رايي انك متضيعيش وقتك وعمرك مع حد كده بصي اصل ممكن اقولك هو بيحبك وحافظي عليه والكلام ده كلو بس واحد بالمنظر ده في الخطوبه امال في الجواز هيعمل ايه نصيحه مني لازم توصلي لحل في الموضوع ده واتكلمي معاه ووضحيلو اسبابك كلها واقوليلو نظرا لانك مش بتهتم بيا واني مش حاسه انك عارف تحتويني وتخلي بالك مني انا مش مضطره اكمل معاك حتى لو بحبك انا مش مضطره اعيش حياتي بالمنظر ده وشوفيه هيقولك ايه لو لاقيتي متمسك بيكي وابتدى يتغير خلي تحت النظر وحاولي تكلمي بجديه اكتر لغاه ما تتاكدي انو اتغير فعلا وانو متمسك بيكي ولو غير كده انصحك تسبيه وربنا يوفقك