انا مخطوبة لواحد من 4سنين وبنحب بعض اوي وكان دايما بيحصل مشاكل بينا بس ال غلطان بيعتذر للتاني ومرة بعد مرور 3سنين قالي انا جهزت الشقة وخلاص نجوز وطلب مني اسيب الكلية وخيرني بين الكلية او هو طبعا اهلي قالولي الكلية اضريت اقولة الكلية وهو عصبي جدا وعندي جدا وزعل مني وكن داخلة على امتحانات اخر سنة مر شهر الامتحانات بدون مااكلمة ولا اعرف عنة حاجة وفي اخر يوم لقيتة جاي يعتذر على ال قالة في موضوع ترك الكلية وقال لبابا هي حر في كليتها بابا رفض وقال لا بعد ماتخلص الكلية نهائا تعالى اخطبها من جديد كلمني وقالي ان والدك قال كدة وقالي انت عوزاني قلتلة اة وهو قال انة ندمان انة سبني ورجعتلة في علم اهلي معداء بابا وكنت بكلمة عادي تلفونات وبشوفة من بعيد وهو بيحبني جدا وبيعملي كل حاجة بتفرحني مشكلتة ان عيبة الوحيد انة مابيحبش خطيبته تطلع مع برة البيت لوحدها او مع اهلها مش عاوزني اطلع مع حد خالص ولا اخواتي اطلع معاة بس يحبني اعد في البيت اقارءا قران وادعي ربنا ولا يحبني اروح منسبات خالص وفي مرة كان عندي مناسبة وقلتلة ان رايحة لاني مابحبش الكذب وانا رايحة مع اهلي قالي لا لو رحتي هيكون اخر يوم بيني وبينك عشان انتي عرفة اني مابحبكيش تروحي الاماكن دة وكل المشاكل بسبب الطلعة مع اهلي مش عارفة اعمل اية وقفل الخط وبع 5 ايام بعتلة رسالة واعتذرتلة فيها وقلتلة انا مقدرش استغنى عنك ورنيت علية كتير مرضش وباليل رنيت علية وقالي عاوزة اية وبعدين قالي كلمتين اسمعي كلام بباكي وماماتك ولما تخلصي 3سنين بتوع الكلية نشوف اذا كان لينا نصيب في بعض ولا لا وقفل وزعلت ومش عارفة اعمل اية انا مضايقة جدا وببكي لانة في تفكيري على طول
مشاكل الخطوبة
خطيبي عصبي يمنعني من الخروج مع اهلي
اضيف بتاريخ: Sunday, February 19th, 2012 في 03:39
كلمات مشاكل وحلول: الخطوبة, مخطوبة, مشاكل البنات
انت وحدة عبيطة وساذجة جدا اذا كنت تظني ان هذاالشخص هو العريس المناسب لك في هذة الدنيا خلاص ماظلش فيك عقل ولاكرامة ولااحساس ابدا يابنت الناس ده شخص مريض ومتخلف عاوز يتحكم فيك والسلام ولن تكوني سعيدة في حياتك معو بيجعل حياتك الى جحيم لايطاق ارفضيه تماما وابتعدي عنه وربك بيكرمك بابن الحلال اللي يستاهلك ويقدرمشاعرك وكرامتك ويصونها ويسعدك طوال عمرك
ديكتاتور
مغرور
مش بيثق فيكي
مذكر مش راجل
عنده احساس بضعف الشخصيه مع اقوياء الشخصيه
بيعوض ضعف شخصيته في انه يامرك
بيعمل كدا في الخطوبه اومال في الجواز هيعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟
فكك منه
ربنا يكرمك
كل واحد لما بيخطب بيكون عايز يحس برجولته اوي مع الانسانه اللي خطبها بس مش للدرجه دي يعني.
لو هو انسان محترم وانتي بتحبيه بلاش تخسريه لانك صدقيني مش هتقدري تنسيه والانسان المحترم اصبح عمله نادره والله وحولي تتكلمي معاه وتكسبيه وبعدين 4سنين خطوبه كتير اوى واللي اعرفه ان كلما ذادت فترة الخطوبه المشاكل بتزيد فحاولوا تقدمو معاد الزواج بس ميكونش علي حساب دراستك
اسمعي كلامه وعدي الثلات سنين الأول
وبعدين مش من حقه يجبرك على حاجة قبل الزواج..
شكله شخص أناني وممكن يبيعك مع أول اختلاف..
والله شيى كويس جدا بيزعل انك بتخرجى مع اهلك ليه هما اغراب عنك يعنى يزعل لما تخرجى مع اخوكى بره امال هتخرجى مع مين هتخرجى معاه واضح ان الشخص اللى بتحبيهمعنوش ثقه فى نفسه علشان كده معندوش ثقه فى حد لزم يفرق دول اهلك يعنى هيخفو عليكى اكتر منه مهما حبك ومش كل حاجه يا ما تعملى كده ياما خلاص لا تعالى هو بيسومك يا ما تخضعيله فى الصح وفى الغلط يا ما بلاش لا عرفيه انه لو اتعامل معاكى مره تانيه بالاسلوب ده يبقى شكرا كل واحد فى حالهلان اللى بيعمله ده مش حب خالص وبلاش نرمى نفسنا قوى كده اعملى بمثل (خف حبه تذيد محبه)انتى اعتزرتيله مش عارف على ايه بس اوكى شوفيه هيتصرف معاكى ازاى لانه هو حاسس انك فى ايده كده كده رجعلو بس لو حس انك ممكن تروحى منه هيرجع من تفكيره ده
استنتج من كلامك ان خطيبك مريض وانك انسانة ساذجة وعبيطة
فهو مريض لانه يريد ان يتحكم فيكى عمال على بطال.
كما انه شخص سطحى ومتخلف لانه لا يريد ان تكملى تعليمك
وانت انسانة ساذجة وعبيطة لانك تبكى على شخص يحمل كل هذا الجهل والتخلف
وانا انصحك بفسخ الخطوبة والابتعاد عن هذا الشاب المريض الجاهل
واذا تزوجتى منه سوفى يجعل حياتك جحيم .
وسوف تندمى على عدم سماعك للنصيحة.