انا انسة وخطيبى كان متجوز قبلى وانا قبلت بده لانه انسان محترم ومتدين وفى البداية سالته عن جوازه وجاوبنى انا بس عايزة اخد رايكو فى حاجة هل مع الوقت خطيبى هينسى مراته السابقة تقريبا هما كانو متجوزين عن حب لكن انا وهو مخطوبين صالونات فهل مع العشرة والوقت هينساها هو من معاملته معايا هو كويس جدا وعنده استعداد انه يبدا من جديد معايا ومتقبلنى وده مطمنى مبدايا يعنى وانا بصراحة اتعلقت بيه جدا وحبيته فى فترة قصيرة وبحاول انى ابين مشاعرى ليه فانتوا ايه رايكو واعمل ايه اكتر عشان انسيه الى فات ؟ بجد محتاجة رايكو فى كل كلمة كتبتها ضرورى جدااااا
كل شئ قسمة ونصيب وهو الان خطبك انت واختارك لتكوني شريكة حياته فانسي موضوع خطيبته السابقة فدا شئ راح وانتهى واهتمي بخطيبك وحافظي على مشاعره وارتباطه بك وربنا يتمم لكم بالخير ويهنيكم ويسعدكم في حياتكم الجاية
ينساها او لا ينساها لا يعنيك الا حقوقك انتي ، لا تقلقي نفسك بموظوع لم تكوني موجودة فيه ، ولا تتدخلي في ماضي غيرك ، مستقبلك معه له واجبات وحقوق اذا قام بها ابتعدي عن شئون غيرك وحقوقهم ، بعض النساء اذا تزوجو يريدو ينسو الزوج اهله ويقطعو نسبه ، اهتمي فقط بما يعنيك ويجب عليه لك
اوعي تسمع كلام الأخ اللي قالك اسحبي نفسك والغي الخطوبة دي فده كلام فارغ ولامقبول اطلاقا دام انو خطبك على سنة ورسوله وهو شاب محترم ومتدين فدي نعمة كبرى ولايمنع كونه كان متزوج وطلق مراته فكل شيء قسمة ونصيب ودي سنة الحياة ولوعلى كدا كل وحدة ترفض الزواج من شخص سبق له الزواج ماتزوجنا اغلب البنات وتقدري تخليه ينساها ولايفكر في احد غيرك انت وأتمنى لكم الخير والسعادة في حياتكم القادمة
أنا شايف إنك تسحبي نفسك وتلغي الخطوبة بهدوء وهقولك ليه.. الإنسان عموماً بينسي حاجات كتير حصلت في حياته إلا الحب ولو كان اكتمل بالزواج..هتحطي نفسك في مقارنة دائما وهو عمره ما هيبينلك ولكن في تفكيره…وعمرك ما هتعرفي السبب الحقيقي لطلاقه مهما حكالك في حاجات داخلية لا يمكن يقولك عليها والحاجات دي هتكتشفيها لو تم الزواج وفي الحالة دي هتعتبر صدمة ليكي..سيبك من إنه كويس وطيب ووعدك طيب ماهو كان واعدها قبل الجواز وفي النهاية طلقها… أنا ما اعرفش ظروفك إيه بس لو مش مجبره انصحك تصبري لحد ما يجيلك الإنسان اللي مالوش تجارب فاضي يعني وتكوني أول زواج له.وربتا يوفقك يارب وتكوني أسعد واحدة في الدنيا.