انا بجد محتاجه نصايح مش عايزه حد يلومنى باى شئ الحكايه ومافيها انى مخطوبه لحد كويس اوى وانا بحبه اوى وبتمناه بس الظروف والقدر خلتنى اغلط وارتكب زنب كبير اوى وانا كتير اتالمت والله وتعبت ..اثناء وانا مخطوبه نزلت شغل وف الشغل اتعرفت ع انسان ف مجال شغلى والله العظيم كل حاجه كانت غصب عنى وده قدر بس مايمنعشى انى غلطت وغلط كبير بس ربنا بيسامح لان جوايا خير والله ومش راضيه خالص ع نفسى ف كل اللى انا عملته انى قربت منه اوى واتعلقت بيه وحاولت اسيب خطيبى عشانه بس النصيب كان غالب وفضلت مع خطيبى ومقدرتش ابعد عن التانى وكنت ف حيره كبيره اوى ان اسيب الشغل وابعد عنه ومايكونشى ف اتصالات مابنا او ان افضل واسيبها للنصيب وافضل معاه لغايط مااتزوج وتعبت اوى من كتر ماكنت ف حيره وندمت ع اللى حصل انا غلطت والغلط من عندى لان انا لوكنت كويسه ماكنتش اعدت ف الشغل واستمريت بس انا كنت وحشه وانا اللى وصلت نفسى لكل ده بس هو كمان كان وحش لانه هو لو كان كويس ماكنشى خلانه نغضب ربنا وكان خلانى اقوى والمهم انى بعدت خالص عنه وحسيت براحه كبيره اوى ان عملت حاجه كويسه لربنا ومش غضبته ومع خطيبى الان وبئول يارب سامحنى هل اللى انا عملته ده صح وهل ربنا هيسامحنى ؟؟!!ولا اللى انا عملته هيتعمل فيا وخطيبى هيحب عليا يعمل اللى انا عملته فيه وساعتها اقول ده ذنب ده انا خايفه اوى ياريت تريحونى ومن غير اساءه انا غلطت وعرفت غلطتى بس بجد انا خايفه بعد كل اللى عملته ابعد عن خطيبى انا مش عارفه اعمل ايه .يارب سامحنى ع كل ذنب عملته
