أنا فتاة حفظت القراءن من عمري 15 سنة وكنت طائعة لربنا و لا أتعامل مع أي شاب الا في حدود الشرع,,تعرفت على زميلي في العمل ورفضت جميع الخاطبين من أجله ثم صارحته بأني أحبه وتقدم لخطبتي من تسعة أشهر ولكن أهلي لم يوافقو إلى الآن. لكني واقعة في ذنب كبير فقد وصلت العلاقة بيننا إلى حد التقبيل والمعانقة وملامسة . وبعد كل تجاوز لحدود الله بتوب وبستغفر وبقرر إني ما عاد إرجع لهالذنب وما في غير إسبوع وبرجع لمعصية…أفيدوني بحل وانشالله ما توقع بنت مسلمة بهالمعصية يلي أنا وقعت فيها
اتمنى انك تقري رد الاخت -ابتسامة امل – على المشكلة بتاعتك وتعمل به لانه هو الراي الصحيح والصايب وربنا يتقبل توبتك ويغفرلك ويصلح لك الحال ويكرمك بابن الحلال الصالح اللي يستاهلك ويسعدك في هذة الحياة
الحل انتي خليكي حازمة مع نفسك انتي بتهلكي نفسك بتوديها للهاوية والله اعلم الموضوع ممكن يوصل لإيه ابعدي عنه وسيبي عملك ما دام مختلط ، وانتي ما قلتيش هو صاحب دين وخلق ولا لأ لو راجل صاحب دين واخلاق واهلك رافضينه لاسباب شخصية لازم تعرفيهم ان حرام شرعا يمنعوكي من الجواز من واحد كفؤ اتقدملك وان ده بيأذيكي اكتر من ما هو في مصلحتك (ابحثي في موقع اسلام ويب عن حكم عضل النساء عن الزواج او جيبي كلام شيوخ اهلك بيتأثرو بيهم) وردي على اهلك بيهم ووريهم يعرفو الحكم وحاولي توسطي طرف ليه تأثير على اهلك من اهل الصلاح والخير وبعدها لو قررتي ان ما فيش حل لموافقة اهلك عليكي انك تغيري رقمك واقطعي فترة عن وسائل التواصل اللي يعرفها واول حاجة سيبي الشغل المختلط ده لانه حرام الاختلاط ده واديكي شفتي عواقبه وبأكد عليكي تاني هتندمي وقت ما ينفع فيه الندم في الدنيا قبل الاخرة ابعدي عنه كل البعد عشان هو ده اللي بيضعفك ، البعد عن مواطن الفتن مطلوب وهو مش هيقبل غالبا بواحدة غلط معاها يتجوزها لان مش هيعرف يثق فيها غالبا
واقتربي من ربنا صلي الصلوات في وقتها وتسنني بردو وقوي ايمانك ؛ قوة الايمان هو اللي يمنعك عن كده وواظبي على مراجعة القرآن والتحقي بدار او حلقة تحفيظ صدقيني الرفقة الصالحة هتعينك على الخير وهتشغلك عنه ان شاء الله وهتشد على ايدك وبأكد عليكي بدون تدرج فورا اقطعي العلاقة قوليله انا هحاول بجدية مع اهلي لكن علاقتي بيك هقطعها لغاية ما ربنا يجمعنا في الحلال او يفرقنا بدون ما نرتكب حرام نتلوث بيه تفضلي عالقة فيها تفتكريها طول حياتك…واتأكدي ان في اي وقت ومهما تكرر الذنب ربنا غفور رحيم للصادق في توبته اللي يعزم وينوي انه مش هيرجع تاني ولو رجع ما ييئسش ويعاود التوبة
واخيرا اجعلى هذا الكلام امام عينك دائما .
•قال رسول الله صلى الله عليه وسلم:(…واعلم أنَّ الأُمَّةَ لو اجتمعت على أنْ ينفعوك بشيءٍ ، لم ينفعوك إلاَّ بشيءٍ قد كَتَبَهُ الله لكَ ، وإنِ اجتمعوا على أنْ يَضرُّوكَ بشيءٍ ، لم يضرُّوك إلاَّ بشيءٍ قد كتبهُ الله عليكَ ، رُفِعَتِ الأقلامُ وجَفَّتِ الصُّحُفُ)
•قال تعالى :(وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ (216) البقرة)
•وورد في الحديث الصحيح أن النبي صلى الله عليه وسلم قال : ( إنك لن تدع شيئاً لله عز وجل إلا بدلك الله به ما هو خير لك منه ) رواه أحمد(21996) .حفظك الله ودمتي بود اختي العزيزة احبك في الله
بعدين تيجي تعيطي وتقولي سابك وقال عليكي مش كويسة وهو يقول انه مادام رضيتي بكده قبل الجواز يمكن ممكن تخدعيه في اي وقت زي ما كله بيقول الحقي نفسك وابعدي عنه احسن
اللي وصلك للحاله دي هو الاختلاط في العمل وده سبب مشاكل كتيره انا انصحك بالابتعاد عنه قبل فوات الاوان وترك عملك وربنا هيرزقك من باب تاني والله اعلم