اعانى من مشكله مع زوجى لما اتخطبنا مكنش عنده شقه ووالدى اعطاه شقه فى البيت عندنا وهو وضبها ومدفعناش اى ايجار وبعدين سافرنا انا وزوجى خارج مصر ولما رجعنا لقيت فى بعض الحاجات والدتى ووالدى بيجبوها من الشقه ويستخدموها مثل المكواه او الخلاط او حلل وده ضايقه جدا وعلق عليه بس بدا التعليقات تزيد ويقولى خليهم يجيبوا مكواه باباكى معاه فلوس ويقدر يجيب اللى ناقصكم وبدات المشاكل لانى عارفه لو قولت حاجه ليهم هيضايقوا ونزلت استقريت ف الشقه وهو لسه موجود خارج مصر فامى ساعات تنادى على وتطلب منى اشياء وطبعا مقدرش اقول لا عشان هتزعل منى وهو شايف انهم مينفعش ياخدوا الحاجات دى وانا حاسه ان ليهم فضل علينا وكمان لما بنحتاج حاجه عمرهم مابيتاخروا علينا ولما بينزل مصر والدى ووالدتى يملوا الشقه فاكهه والتلاجه حاجات كتير ووالدتى تعمله الاكل كله اللى بيحبه لكن هو شايف دى حاجه ودى حاجه تانيه ولو اتكلمت هيضايقوا حتى لما اشترينا شقه كان هو مسافر وكان والدى دايما واقف مع العمال يعنى اهلى كويسين جدا وانا بدات اضايق جدا وبحس ان كرمتى بتنجرح اعمل ايه
و برضو مش شرط تقوليلو علي كل حاجة زي دي واهلك كويسين وزوجك هيزعل لازم يكون عندك ذكاء اجتماعي اكتر لو مقلتيش لزوجك انه ماما اخذت المكواه اعتقد انها مش عيب ولا حرام وخاصتا في مثل هذه الاجواء
ماتزعليش مني جوزك ده اناني وزبالة مايحبش الا نفسه دول اهلك يابنتي ولهم فضل كبير عليك ايه يعني استخدموا مكواه او خلاط من عندكم فيها ايه دا الجيران الغرب يعملوا كدا مع بعض ودول اهلك اياك ان تزعليهم ابدا او تمنعي عنهم شيء طلبوه منكي الزوج يتعوض ياينت الناس لكن الاهل عمرهم مايتعوضوا ابدا