انا متجوزة بقالي سنه ونص.. جوزي مش مقصر ف اي حاجه معايا وبيحبني جدااا وبينفذ كل طلباتي… بس عندو مشكله اللي هي الشك وبيشتم جااامد لما يكون معصب.. علما بإني قعدت معاه شهر العسل بس وحملت وم اتقابلناش تاني انا عند اهلي وهو ف بلد تانية عشان ظروف الشغل….. لما يتصل ويلقى الخط مشغول بيقولي انتي بتتكلمي مع راجل اكيييد وبيقولي لو لقيت تلفونك مشغول هطلقك لو ابوكي م ترديش عليه… قبل شهر قالي انا اصلا شاكك انك م كنتيش عذراء وسكت ع كده وبقى يشتم فيا جااامد وانا صراحه مش قادرة اتحمل خلااااص لانو مش بيحترمني خاااالص… كلمت بابا وقالي تطلقي لانو بيشك ف شرفك…. عايزة أسألكم اوافق ع الطلاق ولا اديه فرصه تانيه؟؟؟؟
يااختي دام انه يشك فيك ويطعن في شرفك فهو شخص سافل وقذر ولايستاهل ان تبقي معه كلام ابوك صحيح لازم تطلقي منه اياك ان ترجعي له وربنا بيكرمك بحسن منه ان شاء الله تعالى
شوفي يابنتي دام انكما في بداية حياتكم الزوجية وهو يشك فيك ولا واثق منك فتاكدي انه مش هيبطل الشك دا اللي فيه وصلت به الوقاحة والسفالة انه يطعن في شرفك فده امر لاينبغي السكوت عليه او تجاهله وابوكي معاه كل الحق فلازم تطلقي منه فورا فالشخص ده مريض بمرض الشك ولن يقلع عنه ابدا الافضل لك طلب الطلاق منه وربنا بيكرمك ويعوضك خير منه ان شاء الله
فورا تسمعي كلام بابا واوعي ترجعيله.ده إنسان تخطي حدود الأدب المتعارف عليها وممكن يوصل بيه الحال إنه يضربك ويكسرك ويخليكي ما تنفعيش بعد كده…واكيد هو راجل عكاك كل يوم مع واحده عشان ده الطبيعي وقدامك الشريف العفيف..بابا يطلقك ويغور في داهيه وربنا ما بيسيبش..ولو عمل إيه اوعي ترجعيله واقفلي كل وسائل الاتصال اللي ممكن يوصلك عن طريقها.وخلي بالك عمره ما هيتغير.وربنا يوفقك يارب.
شخصية الرجل الشكاك هكذا طبيعتها غيرته زائدة ، تصرفاته معك ليست دليل على عدم احترامه لك ،هو لو تزوج اجمل امرأة تعجبه سوف يتبع معها نفس الاسلوب ، الحل معه ان يرى منك ما يعرف به انك محترمه وحريصة على سمعتك ،لا تسمحي له بانتقادك دائما استغلي انقاداته لتوظيح مبادئك واحترامك لنفسك لكي يطمئن ويقتنع ، اجعلي ردودك عليه استنكار لما يخطر على باله ،عندها يشعر بالحرج ، تصرفاته تدل على انه معجب بمواصفاتك كأمرأة ،لا تفكري في الطلاق منه هو ليس سيء وتصرفاته لا تدل على انه لا يحترمك ،الغيور هذا اسلوبه لن يغيره ، حل المشكلة ان تتعلمي منه كيف تتعاملي معه