انا ام لولد و بنت وعندي 45 سنة مشكلتي ان الكل بيتعامل معايا من اول ما وصلت 40 على اني واحدة عجوزة مع اني ساعات بحس اني جوايا لسه في العشرينات وبحب اعيش حياتي بس اول ما جبت 40 وفي حظر ورقابة عليا حتى من ولادي وبيعلقو على كل حاجة بعملها البسي ده بلاش الوان فاتحة في اللبس ده مش هيليق على سنك وممنوع تضحكي بصوت عالي انتي كبرتي بصراحة قرفوني من عيشتتي وزهقت واتأثرت جدا بكل كلامهم لدرجة اني بقيت بقعد في السرير طول الوقت زي ميتة من غير روح ومستنية الموت لكن الغريب لما عرفت ان هيفاء وهبي مثلا عندها 46 سنة وليها بنت جامعية وكبيرة ومع ذلك كله مبهور بيها وحتى اولالادي لما قولتلهم كده قالولي لان دي هيفاء وهبي وانا اصلا جميلة جدا ورشيقة جدا كمان وشكلي مش كبير بس ليه بيعملو كده معرفش حتى بدأت فعلا احس اني وصلت سن اليأس مع اني كارهة سن اليأس ومش بحب حد يجيب سيرة سن اليأس قدامي لكن هما بيتعمدو استفزازي وكل شوية يقولو عمري انا حاسة ان كل الطرق مسدودة في وشي واني هموت من الاكتئاب والجو والضغط من حواليا
مشاكل عائلية
هل انا عجوزة في سن اليأس
اضيف بتاريخ: Friday, September 24th, 2010 في 13:38
كلمات مشاكل وحلول: ام, سن اليأس, سن اليأس المبكر
عزيزتي المراة في سن الاربعين تكون في قمة نضوجها الانوثي وتشعر بانها بنت في العشرين من العمر لاتجعلي اولادك يحبطون من معنوياتك ورغباتك كاانثى من حقها تعيش حياتها وتلبس وتتزين وتهتم بنفسها وخصوصا انها لاتخالف الدين اوالعادات والتقاليد من حقك الاعتناء بروحك وشكلك وهندامك مثل بقية الستات اللي في سنك وصدقينى ان المراة التي تهمل نفسها ولاتعتني بروحها معرضة للسخرية والاشمزاز من اقرب الناس لها زوجها اوولادها واقاربها وصديقاتها وربما تصاب بامراض الاكتئاب والوحدة والانطواءعن الاخرين عيشي حياتك اختي الفاضلة ولاتبالي بمايقوله لك اولادك اوالناس صدقينى دي هي الحقيقة عندي اختي الكبرى عمرها تجاوز 48سنة والله العظيم اللي يشوفها يقول ان عندها عشرين سنة مهتمة بحالها وباناقتها وجمالها ودائم تعمل عمليات تجميلية في شكلها وجسمها حتى ان بناتهافي سنين المراهقة ويغاروا منها ولومشيت مع بناتها في الشارع الناس تفتكر انها اخت للبنات مش امهم واتمنى لك السعادةوالتوفيق في حياتك
بالعكس معة زوجتى سن الاربعين معتبرها سن العشرين
والدلع كلة بادلعها
وعودت اولادى اضحك واهزر معاها قدامهم وعودت اولادى من الاول انة لى غرفة وحدى
حين تقفل ممنوع الدخول
والعيال كبرت وتمام
وزوجت بنت وولد
عيشى حياتك انتى بريعان شبابك لاتياسى
بس— بس انتى ماقلتيش هل زوجك معك ام ارمله ام مطلقه اذا كنتى من الحالتين اعذرى اولادك هم يخافون ان تتزوجى او نمارسى الجنس ولذلك لاشعوريا منهم يحسسونك بأ نكى اصبحت عجوز لاتصلحى لاى شيئ اعذريهم لانهم يحبونك ويخافون ان تضيعى منهم , اما اذا كان زوجك معك اعتقد انه يجي عليه ان يحسسك بأنك مازلت شابه
انا بحكم عملى كفنان تشكيلى اتعرف على كثير من الاجانب ليس لديهم هذه النظره بل بالعكس بعد ما يزوجو ابنائهم تبدا حياتهم ورحلاتهم وممارسة هواياتهم ولذلك تجدهم اصغر سن من اعمارهم الحقيقيه لان ذلك ينعكس على معنوياتهم وصحتهم ولا اجد فى ذلك غضاضه فانت قادره على اقنع اولادك بما تتمنى وان لكل سن متعته وان جهاز المناعه يقوى عندما يشعر الانسان بالرضى والسعاده وسعا دة من حوله وما تزعلوش منى احنا شعب يحب الدراما ويحب يعطى مفهوم لاشياء وهى خطا الوقار مش معناه انى كبير فى السن الوقار له مفهوم اخر هو الاحترام التدين الاخلاق ممكن يكون صغير الانسان جدا وله وقاره والعكس انت قدوه لابنائك علميهم ان الشباب دائم للانسان طالما يعطى طالما يربى ويعلم وقلبه ينبض بالحياه احنا متاسرين بالغرب فى كل حاجه حتى الهيافه اشمعنى دى عمرهم ما اهتمو بسن ولا غيره ربنا يسعدك انت واولادك
انتي في نفس عمر امي ربي ايطول في عمرها وعمرك والله العظيم انتم في عز الشباب واحلا مرحلة في العمر حبيبتي البسي وعيشي حياتك كما تريدينها ولا تتمني الموت واخرجي من اوهام انك عجوز والاولاد بيقولوا كدا عشان اي طفل او شاب عاوز امو تكون كبيرة ومتكونش صغيرة وبتلبس عشان بيغاروا عليها.
السلام عليكم
حضرتك بس هم ولادك بيحبزكى بس شويه زياده وبيخافوا عليكى . هم دلوقتى كبروا فبتبدا العمليه تتعكس بدل ما كنتى انتى بتاخدى بالك منهم وتراعيهم هم اللى هيداو ياخدوا بالهم منك ويراعوكى ، خليكى سعيده بانهم كبروا وبيحاولو يحتوكى ويحافظوا عليكى ، بس عيشى حياتك بشكل طبيعى والبسى اللى انتى عاوزاه بما يحفظ لك وقارك كامراه مسلمه وليس كعجوز لانك مش عاوزة على الاطلااااااااااااااق وطول ما انتى حاسه جواكى شباب وصغيرة تبقى شباب وصغيرة الموضوع ملوش علاقه بالسن خالص . ربنا يديكى الصحه وطول العمر .
د.عمرو
عشان سن الحياه ثلاث فترات من السنة الى 20 طفل ومن ال20 الى 40 شاب ومن 40 الى 60عجوز سامحينى
الولاد بيحاولوا يحافظوا عليكى بالكلام ده…لكن انتى خدى بالك من نفسك واهتمى بشئونك بالشكل اللى انتى شيفاه صح…انتى لسة فى اجمل سن ..عيشى حياتك
انتى بتقولى انا عايزا اعيش حياتى حياتك هى اية غير تشوفى السعادة فعيون ولادك اللى بيحبوكى انا بقولش ان سنك كبير بالعكس سن الاربعين مش سن كبير ولاحاجة خصوصا انك حطمتى هذا السن بالسعادة الفرحةلانك قدرتى تسيطرى مرحلة التعجيز الشيخوخة هادا فى حد زاته كويس لانك انتى عارفة كتير من الناس بيحترموا هذا السن كل اللى بيعاملوكى على احترام مش كبر فالسن 0 طالما انتى عايذاتعيشى حياتك عيشيها بس بما يرضى ربنا 0
عيشي حياتك .. ولا تياسي ، فلا حياة مع اليأس
سن اليأس الفرق بينه وبين ما قبله ،هو عدم القدرة على الإنجاب ، لكن باقي جوانب الحياة حتى الجنسية منها تبقى كما هي ، فتمتعي في حياتك والبسي وعيشي الحب بحلاوته ,, واتركي ما لله لله وما لقيصر لقيصر
تحياتي
عيشى حياتك بس بما يرضى الله
اجعليهم يسمعوا اكثر عن العطاء والبذل والتضحية والديمقراطيةوان اللةيعطيك اضعاف العمر.وانهم لابد ان يفتخرواان امهم جميلةو ليست بشعة.ويتذكروا انهم سوف يصلوا الي هذا السن يوما ما .الحكمة
انتي الي بتحبطي نفسك خلي الأمر عادي وإلبسي وإتنططي ولا تأخذي تصرفات الناس وأقوالهم على محمل الجد تعرفي أنا اشوف ان احسن الأعمارعمرك كمان اتمنى اتجوز وحده بعمرك الله يعينك
مش عارف انا شايف انها مش بالسن انتى بتقولى انك حلوه و رشيقه يبقى انتى مش فى سن الياس و على فكره علم النفس لما حدد سن الياس قال من 60 لى 70 يعنى انتى لسه صغيره مش كبيره اوى للدرجادى مفهاش حاجه ابنك كبير بس انتى جميله و حلوه يبقى انتى مش سن الياس اثبتلهم عكس كدا اخرجى و اتفسحى و اتحركى كتير يعنى اكسرى حاجز السن الى اولادك معتقدين بيه
انا عارفه ان انتي زعلانه من كلام ولادك بس يعني مادام هما بتعمدوا يستفزوكي زي مابتقولي مفيش مانع انتي كمان تاخدي الموضوع هزار لان دول ولادك مش اعداءك وفالاخر بيحبوكي مهما عملوا عشان كده متاخديش الموضوع على انه استفزاز اعتبري عيالك بيدلعوا عليكي شويه وبيهزروا معاكي وانتي ممكن لو قالولك متلبسيش ده قوليلهم ليه يا عيال مانا لسه صغننه اهو .. او مثلا جرا ايه هو انا عجزت .. او احسن حاجه قوليلهم اللي مش عاجبه ميبصش بس بنبره هزار عشان مياخدوهاش جد وانتي مع الوقت هتتعودي انك تهزري معاهم في حاجات زي كده وعيشي حياتك انتي لسه صغيره والبسي كل اللي نفسك فيه انا اعرف واحده عندها 54 سنه وماشاء الله بتشتغل وبتحط ميكب ومنوكير وبتلبس كل اللي فنفسها ومحدش بيقدر يقولها حاجه ولعلمك عندها بنت وولد على وش جواز وولد متجوز .. ومحدش يقدر يقولها حاجه مادام مبتعملش حاجه غلط.. فانتي عوديهم على كده وعرفيهم ان اللي بتعمليه حاجه عاديه .. الا اذا كانوا متضايقين منك عشان كده بيستفزوكي فانا شايفه بقى ان في الحاله دي المفروض تقعدي معاهم وكل واحد يقول اللي فنفسه .. ربنا معاكي يا قمر
يعنى اللي بيوصل لسن الخمسه وخمسين يموت يعني. لا طبعا….. كل مرحله ليها ظروفها بس السن بيجري والواحد لازم يعيش حياته طالما ما بيعملش حاجه غلط… وهيفاء 46 سنه ولسه شباب وهل تدري ان كانت سعيده ولا لاء..دي واحده سرقاها السكينه وبتكبر وفاكره نفسها صغيره لان اللي زيها ربنا عميها واخرتهم بتبقى وحشه الا اللي يتوب….. زي نااس كتير كانوا اجمل النساء والرجال ايه اللي حصلهم…..الفراغ وحش والهروب من الحقيقه كارثه لللي بيفهم … الانسان لازم يعيش حياته لاخر يوم بعمره طالما في طاعه الله لان الطاعه اجمل..واللي بعيد ع ربنا ناسي نفسه ومش ممكن يبقى سعيد
مين قال ان انتى بقيتى فى سن الياس دة مش صح انتى فى احلى ايام عمرك بس مافيش حد حاسس بيكى وانتى مش تدى لنفسك الفرصة فى التفكير بهذا المنطق لانة خطأوانتى بتقولى ان انتى لسة حاسة بمشاعر العشرين من عمرك يا ريت ما تستمعى لاى احد من حوليكى لانهم نويين يحطموكى
ياختى انت فى ريعان شبابك عيشى حياتك البسى احسن الثياب وعيشى حياتك زى ماانتى عايزة واوعى تستسلمى انا قدك فى السن وبعمل كل الى انا عوزاةولى شخصيتى اهم شىء مااعملش حاجة تغضب ربنا