شاكة إن حبيبي بيخوني مع أختي

أنا شاكة إن أختي بتكلم حبيبي. احنا عايشين برا مصر، و هي كانت بتحكي لي كل حاجة في حياتها، لحد ما اتخرجت من ثانوي و نزلت مصر لوحدها عشان الدراسة، و اتقابلنا بعدها بسنة و نص. فهمت من تصرفاتها إن في واحد في حياتها، فسألتها، قالت لي ما ينفعش أقول لك، عشان هما الإثنين متفقين ما يقولوش لحد عشان ما يبقاش في حرج بعد كدا في التعامل. و قالت إنه حد نعرفه أنا و هي. ضغطت عليها كثير و سألتها كثير إذا كان الحد ده هو حبيبي، فبتقول لأ.بس في إشاراات كثييييير أوي بتقول إنهم ممكن يكونوا بيتكلموا. و في مرة زمان كانت قالت لي إنها معجبة بيه و سألتني إذا عادي تكلمه (أنا و هو كنا سايبيني بعض). و عرّفته إن أنا شاكة فيهم هما الإثنين و قعد يقول لي دي أختي و مفيش كلام من ده. أنا اللي يهمني إن مش عايزة أخسرها عشان أي حد. و لو جات حصل كذا كذا، هسمع لها و هيكون في فرصة لصلح. و لو قالوا لي هما الإثنين إنهم عايزين بعض، أنا مش هعمل حاجة، و ربنا يهني سعيد بسعيدة لكن لو عرفت أنا لوحدي، يبقى كانوا بيستغفلوني، و أنا ما أستهلش ده.
إزاي أتأكد إن فعلًا مفيش بينهم حاجة؟؟

مشاكل وحلول ذات صلة

• ازاي اصارح زميلتي في الدرس بحبي
• بيحبنى لكن هيضيع مستقبلى
• لسه بحبها وهي مؤدبة جدا
• اتخنقت من اهل حبيبتي الاستغلالين
• بنت خالتي تتحرش بي
• احن اليه وهو طلب مني أن أمسحه من تفكيري
• جرحنى ولعب بمشاعرى وخدعنى