انا صارلي مخطوبة 3 شهور تقريبا , واكتشفت خصال وصفات كتير في … وفي صفات ايجابية كتير بس بنفس الوقت في تناقضات بيناتنا في الشخصية يعني انا اجتماعية وهو مش اجتماعي فاسؤالي هل الاختلافات اللي بيناتنا حتأدي لتفاهم او اختلاف زياده وهل هدا سبب كافي اني اتركو حتى لو كان كويس…! … انا محتارة وبتجي فترات بكون مقتنعة وفترة بتردد..
في فوارق جوهرية ممكن تسبب مشاكل وفي فوارق فرعية وشكلية مش بتفرق كتير
ومع الوقت هتقدري تعرفي إن كان هينفع تكملي معاه ولا لأ
صلى صلاة استخارة قبل ماتنامى كل يوم وان شاء الله هتحلمى أحلام هتبينلك اذا كان الأفضل ليكى تسيبيه ولا تكملى معاه ولو محلمتيش بأى حاجة هتلاقى الأمور هتمشى لوحديها وهيكون ربنا اختارلك الطريق ده سواء سبتيه أو كملتى معاه وهيكون ده خير ليكى صدقينى أنا كل حاجة صليت عشانها صلاة استخارة كانت خير لى ومندمتش عليها خالص هكررهالك تانى صلى صلاة استخارة والله ومش هتندمى ابدا
اختى الفاضله
انتى بتقولي انى شخص كويس وبعدين ف 3 شهور مالحقتيش تحكمى عليه صح , بلاش تستعجلي وتضيعى انسان كويس من اديك عشان متندميش بعد كدة
يا أختي العزيزة
بعبارة واحدة …
الانسان يبحث عن شخص يكمله ، ولا يبحث عن شخص يشبهه
اهم حاجه ان يكون فى تفاهم بينكم مع اختلاف الشخصيات وكمان ان عيوبه متكونش كبيره حاجات تقدرى تتحمليها يعنى والفتره لسه صغيره لسه هتعرفى حاجات اكتر الوقت ده مبينش كل حاجه اصبرى شوبه وهتقدرى تاخدى قرار
بسي يااختى لو الخلاف ده مش بيئثر عليكى او مش واخد مكان كبير في حياتك ياريت متفكريش فيه ومن ناحيه انه مش اجتماعى فادى ميزه لما تتجوزوا هيبقي ليكى لوحدك ولا هيقولك صحاب ولا قرايب هتبقي انتى حياته وبس ولا مش عجبك فيه دلوقت لما تتجوزوا هتبقي ميزه وربنا يهديكوا لبعض
بصى يا اختى انا هقوليك على كلمتين وانتى فكرى فيهم كويس وشوفى اللى ينسبيك هل انتى قادره على انيك تغيرى شخصيتو وبرضو بصلها باعكس هل انتى قادره على انيك انتى اللى تتغير يعنى شوفى هو ممكن يتغير علشانيك ولا انتى تتغيرى علشانو فكرى فى اللى ممكن يناسبيك وانا عن نفسى يوم مارتبط لازم الانسانه اللى ارتبط بيها تكون بتفكر نفس تفكيرى يعنى لو انا تفكيرى تافه تكون تفكرها هى كمان تافه علشان منكونش عيشين تحت ساقف بيت واحد وانا فى ناحيه وهى فى ناحيه تانيه وربنا يسعديك ويوفقيك ويسترها معكى
الأخت العزيزة….أهم شئ في الزواج هو التفاهم المتبادل…بمعني انه يفهمك و تفهميه و طبعا تحبوا بعض…التناقض في الطباع قد يكون سببا لتكملوا بعض..فالطبيعي ان يكون في اختلافات خاصة في الطباع و العادات فلا تنس انكم من منزلين مختلفين…. نصيحتي اعطي نفسك فرصة لتقييم العلاقة مع وضع بعض الأشياء كخط احمر مثل عدم انسجام العائلتين مثلا أو مشاكل قد تحدث من خلال التعامل… و اسأل الله ان يهديك للقرار الصحيح…و التزمي بالتقرب من الله
ادى لنفسك فرصة اكبر انك تتعرفى غليه كويس وتشوفى مميزاته وعيوبه .. وتعرفى هل عيوبه بالنسبة ليكى عيوب صعب انك تتأقلمى معاها ولا هتقدرى .. مفيش اتنين بيبقوا شبه بعض بالظبط لازم يكون فيه اختلاف لانك اتربيتى فى بيئة غير البيئة اللى اتربى فيها وطبيعة الشخصية بتختلف حتى بين الاخوات اللى اتربوا مع بعض .. ولا انتى هتلاقى واحد تفصيل زى ما انتى عايزة .. انتى بتقبلى الانسان اللى ادامك كله على بعضه بمميزاته وبعيوبه .. المهم يكون فيه قدر كافى من التفاهم والمودة والقبول وقدرة على تحمل العيوب .. ومن اخطر العيوب اللى بينصح كل متخصصين علم النفس والعلاقات الزوجية بعدم الارتباط بشخص فيه العيوب دى ( الانانية – الشك ) لان فعلا الحياة معاه بتبقى جحيم واهم صفة هى الالتزام الدينى ودى لو موجودة هتعادل عيوب كتير .. ومع الوقت هتقربوا من بعض وهتفهموا بعض اكتر وهتلاقى بتحصل بعض التطورات فى الشخصية للاحسن والتأقلم بيزيد … بس مهم انك تصبرى و تاخدى وقتك و تقيمى الشخص ككل كويس وتكونى مقتنعة بيه تمااااااما من غير تردد عشان ما تندميش بعد كده وما تظلميهوش ولا تظلمى نفسك