اهلا بكم يا جماعة احب اشكر كل العاملين في الموقع وكل اللي بيحلوا مشاكل الآخرين. انا بقي مشكلتي صعبة جدا وهي ان انا بنت في المدرسة بحب اكون محبوبة فبتصاحب علي بنات كتير وبساعدهم في مشاكلهم فبيستغلوني وللأسف بضطر ألبي ليهم طلباتهم ومش كدة وبس لأ دول ابتدوا يضربوني لو دايقتهم في حاجة وانا بقولهم يبطلوا ضرب لكن بيعندوا دة حتي اختي اتعلمت منهم انا دلوقتي اتعلمت اني لما اجي اصاحب حد لازم اصاحبه عن خبرة لكن المشكلة مش كدة المشكلة هي اني مش عارفة اصلح غلتطي الأولي لسة البنات دول بيستخفوا بيا فعلا بدأت احس إن العالم دة كله ندل هو يعني عشان كنت بساعدهم بكل محبة يبقي يحصل فيا كدة. للدرجة دي انا شخصيتي ضعيفة اوي دة انا حتي لو قولتلهم يبطلوا اللي بيعملوه يقوموا يقولوا:
”ايه دة ؟بقي عندك شخصية يعني! هاهاها” ساعتها بقول لهم “شكرا” فبيقولولي “فيه ايه !” ويروحوا مخاصمني واصلا كل البنات اللي عندي نفس شخصية صحباتي دول. قولولي اعمل ايه عشان انا قرفت وبليز اللي فيكم يفتح مشكلتي دي يكتب رده او تعليقه مش مجرد يقراها بس. وانا اسفة عشان المشكلة طويلة جدا لكن انا بدأت أيأس من الحياة بسببها. ساعدوني بليز. وارجو من العملاء في الموقع دة انهم ينشروا مشكلتي بسرعة. وشكرا ليكم جميعا.
البنات المراهقات
شخصيتي ضعيفة اوي وصديقاتي يستغلوني
اضيف بتاريخ: Wednesday, October 17th, 2012 في 13:19
بصى انا كان عندى نفس مشكلتك ديه بس انا قطعتهم كلهم ومبقيتش اعبرهم لما بقاا سفرت عن قرايبى قعت شهر كامل بقوو يحسوا بقمتى كويس اوى وبيسألى عليا كتير ده بعد ما مشيت بس انا بقاا مش بعبرهم لدرجه انو مام بقيت تقولى شخصيتك بقيت قويله اليومين دول انا تعرفت على بنات جدد بس مش بخليهم يخدوا عليا ومحدش يقدر يمد يده عليا خالص بس انا عندى صحاب بنات كتير بس اغز صديقه ليا هيا وحده بس
السلام عليكم انا مش هبدا معكى بالوم لانك ارسلتى قصتك لكى نعطيكى النصيحة والحل. اولا لازم تختارى الصديق الى يستاهل صداقتك ولازم يكون عندك قوة ملاحظه لتصرفاته مع زملائة لو يستاهل انك تصحبيها اوك الاصدقاء مش بعددهم
بصي ياحبيبتي انا عندي نفس مشكلتك اقطعي علاقتك بين البنات ديه وابدئي حياه جديده نقيه مفهاش نداله واهانه لا خليكي مستقله بنفسك واتعرفي ع صحاب جداد بس قبل ما يخدوا عليكي خليكي انتي تخدي عليهم ويكون ليكي كلمه الكل يخترمك ♥ ♥ اتمني فديتك قلبي ^_
^
انتي نفسي بضبط
لاتعاملين معهم بعنف الناس السلبيين الي يقولون اضربيهم كفخيم…….الخ. هاذولي ناس يحيلون المشكلة بطريقه سلبيه تعاملي مع صديقاتك بالعقل مؤ بالطلبات أو باستغلال الخ..
بإمكانك أن تجعليهم كالرمال بكلمه بعد ماتفكرين تفكير عميق جداً انتي الآن اذا طلبو منك طلب قولي 🙁 أهلكم عايشين ليه عشان يصرفون عليكم مش انا اللي اصرف عليكم )
ولو قالو صار عندك شخصيه قولي انا عندي شخصيه من زمان بس يقولون اتق شر الحليم اذا غضب —رح تسمعين ضحك بس امشي بكل ثقه وخير عنهم رح تلاقيت ناس أحسن منهم
يلا مع السلامه
انت اذا اعتى وحدك وفكرتى هتحليها
انا بصراحة كان عندى نفس المشكلة بس دلوقتى الحمد لله بقى عد شخصية وبصى انت غلطى فى البداية لانك مخترتيش اصحابك كويس وانت مش لازم تميلى ليهم كده وربنا يعينك على البنات دى
بصى يا حبيبتى انا كان عندى نفس المشكلة بس مع الوقت ومع التجربة ومعاملة الناس اتعلمت انى مش اى حد يستاهل طيبتى وبعتبرها ميزة على فكرة الطيبة مش عيب بس خسارة فى ناس كتير اوى واكيد فى ناس كويسة حواليكى حاولى تقربى منهم وسيبك من اى حد يستغلك واعرفى قيمة نفسك عشان الناس تعرف قيمتك وصدقينى هيحفو وراكى وانا واحدة مجربة على فكرة 🙂
بصي يا اختي انا تقريبا كنت بعاني من نفس المشكلة دي وانا فالاعدادي اني ممكن اعامل زملائي كويس واكون طيب معاهم وهما كانوا بيستغلوا الطيبة دي استغلال مش حلو عرفت ان العيب كان فشخصيتي اني كنت مش واثق فتصرفاتي يعني بخاف ازعل حد حتي لو هو غلطان حتي كنت بخاف اشتكيهم مع اني معايا الحق انا فاكر اني كنت بعمل خناقات كتير كمان فاولي ثانوي وتانية ثانوي بسبب اني مش بعرف اتعامل
بس هما اكيد غيرانين منك وشايفين انك احسن منهم فحاجات كتير بس بصراحة الناس عموما بدأت تحبني من ساعة ملتزمت بالصلا وبدأت اقرب من ربنا اكتر يعني نصيحتي ليكي قربي من ربنا وهو سبحانه هيظبطلك كل حاجة ( القلوب بين اصبعين من اصابع الرحمن يقلبها كيفما شاء ) ربنا يرزقك الالتزام والاحتشام
بسم الله الرحمن الرحيم
شوفي يا جميل انا رغم اني مش كبيرة اوي بس اتعلمت حاجات كتير من الدنيا دي واسمعي ناصحتي وان شاء الله هتستفيدي 🙂
شوفي اول شئ لازم تثقي بنفسك مش يهمك كلام الناس او غيرو او او او ..
الطيبة مشكلة كبيرة في الزمن ده والمفروض تتعملي بطيبة بس تخلي حرصك وجدك اكتر
الزمن ده في كتير بيستغلو مش اكتر
حتى البنات اللي بتتكلمي عليهم دول بيستغلوكي عشان شيفينك ضعيفة {مش في حد ضعيف بس في حد بيتصنع الضعف } شوفي يا قمر الحل الوحيد انك توقفي معاهم وتسيبك منهم ولا تساعديهم ولا شئ ولو زعلوا منك مش يهمك يولعوا بالف جاز ومع السلامة عندهم 1234 اربع جدران لو مش عاجبهم انتي تعمليهم بطريقة جدية وانتي في طريق وهما في طريق وحتى مش تقوليلهم مش تعملوا كدا لا انتي لو عملو شئ ترديه لهم بأي طريقة (والاذية سهلة ) مش مهم يبقى عندك اصحاب او لا المهم تكون صحبتك دي بتحبك ما انا مش عندي صحاب وبرة بلدي واييه يعني ياستي يولعوا المهم ترضي ربك ومشكلتم هتتحل اكتر لو اتجهتي لربنا اكتر صدقني لما بتقربي من ربنا بتكتشفي حاجات كتير اوي ودي تجربة مني وان شاء الله اصبري وهتلاقي صحابك اللي انتي بتحلمي بيهم ولو صحابك حاولو يأذوكي اعرضي المشكلة في الموقع ده وانا ان شاء الله هحاول اساعدك :*
لازم كل واحديواجةمشاكلو وميخفش منهاحتيلوكانت كبيرة وجهوهاومتخافوش لان الي بيخاف انو يواجة مشاكلو الزمن هيقول علية جبان.
كل واحد عندو مشكلة يحاول انو يصلحة بنافسو و بشخصيتو حتي لو كانت شخصيتو ضعيفة وميستسلمش ويحاول مرة واثنين وثلاثة لان لو استسلم عمرو ما هيعرف يعيش .(وارجوانكوتستغلونصحتي)……
اسمعى نصيحتي يا اختي *
طريقتك ب الطيبه لا تغيريها علشانهم بس يحتاج لها شوي ثقه
مثلاً جو يضروبك اضربيهم بالمثل مثل ما قال نبينا محمد صلى اللع عليه وسلم ( العين بالعين والسن بالسن )
و اذا قالو لك كلام بذيئ قولي واذا ضايقوك لا تردي عليهم ف بلعكس اذا رديتي بيستانسون لأنهم يبون يتمشكلو باأي طريقه
و اقري ايات الكرسي كل يوم ف انتي ما تدرين وش مخططين لك
حبيبتي انا عمري 15 سنة من الجزائر وبدرس في ثانوية و كان عندي نفس مشكلتك اني طيوبة وضعيفة شخصية ومابعرف واجه الناس وبحب ساعد ناس بس رفقاتي البنات كانو يغارو مني لاني جميلة جدا وفاتنة الجمال بس انا ابدا ماكنت متكبرة وكانو كل مرة يظلموني ويعملولي مشاكل صحيح بس مرة واجهتهم كلهم بالوحدة و حطيت ثقتي بنفسي ومن هداك نهار ما رجعوا يدايقوني
يا جماعة انا اسفة … وانا اسفة يا استاذ خالد مجدى … اظاهر انى غلطت … انا لما قريت اجابته كذا مرة اكتشفت انه قصده بالبنات الوحشة على صحباتى دول … مش عالبنات عامةً فأنا اسفة عشان ظلمتك كدة !!!
متحطيش فى دماغك وال يعاملك عامليه زى مبيعاملك سؤاء بالادب او بقله الادب مفيش حد بقى يخاف على حد دلوتقى كله بيجى ع الطيب والكويس وال بيحب الخير
يا اخ ( خالد مجدى )>>> صراحة مب من عادتي إني اتكلم مع الرجال …
معليش كلامك إن البنات جبناء و ما لهم شخصية , اسمح لي اقولك انت غلطااان !
حنا يا البنات لنا شخصية و حنا مب جبناء الا للبعض .. فلا تتأخذ ان كل النساء جبناء
و للمعلومية النساء ااكثر الناس إفادة .. لماذا ؟ لاننا من ينجب الابناء , و من ناحيتي
ما اقصد إننا اكثر إفادة بأني اقصد ان النساء افضل من الرجال , انا فقط ادافع عن انفسنا
و ما اقصد الرجال اجمع طبعا !
فيا ليتك لو تعيد كلامك و تفكر بإيجابية ^^
والسلام عليكم
بصى يا اختى اللى يعملك كويس حوطى على راسيك واللى يبصليك بصه متعجبكيش دوسى على رقبتو اكسريهالو مهما يكون هو دا الصح وربنا يوفقيك
بصي متفكريش فيهم و طنشي ولما يكلموكي ولاااااااااااااا كانك سامعه ولو غصبوا عليكي انك تكلمي قوللهم سور مكنتش واخده بالي ان في بنادمين بتتكلم
بصى انتى من البداية كنتى طيبة معاهم زياده عن اللزوم وواضح من كلامك سنك وسن صحابك دول لسة فى مرحلة الطفولة لان لو صحابك اكبر من كده مكنش ده بقى طبيعة الهزار بتعهم لو ولاد اقولك ماشى انما بنات لاء
عموما مش عايزك تزعلى من كلامى ومشكلتك بسيطة بعون الله
1_سبيهم فترة ومتكلميش اى واحدة فيه لو انتى فعلا صحبتهم حيحولو يعرفو ايه الى مضايقك
2_متخلكيش سلبية معاهم وعمليهم بنفس طرقيتهم الى يضربك سورى فى اللفظ اقلعى الى فى رجلك واديلو بيه
3_الصاحب بيتصاحب على عيوبة ومميزاته وانتى عيبك طيبة زياده عن اللزوم وهما عيبهم مش مقدرين ده
حل مشكلتك معا الوقت مشكلتك حتحل نفسها اتمنالك التوفيق
اذا تبين تصيرين محبوبة لازم تصير شخصيتك قوية !
الي يسبك سنعية !
و الي يضربك اضربية ! >>الناس ما يتعلمون الا بالكف والجزمة !
واذا طلبوا طلب قولي لهم ( تعاملوا مع مشكلتكم بنفسكم ) >>بس البنات الي يستغلونك اما
المحاتجة صدق ..ساعديها
الي تضايقك ردي عليها قولي لها (إن ما وقفتي من هالحركات والله ما تشوفين خير مني !! )
خليهم يخافون منك !
و الباقي بيصيرون صديقاتك اكيد!
فى حاجه غلط فى الكلام
يعنى هما لو صحابك فعلا المفروض بيبقو عارفين ايه اللى بيضايقك ومش يعملوه يعنى المفروض يبقو فاهمين انك مش بتحبى الهزار بالايد ولا التريقه على شخصيتك
هما لو مش فاهمين كده يبقو مش صحابك اصلا
+
مينفعش الكلام اللى انتى بتقوليه ازاى حد يضربنى و اسيبه و اسامحه ما لو الواحد عمل كده هيلاقى الكل بيضربه 😀
و كمان الهزار بين الولاد بالايد عادى هزار خفيف مش زى ما بتقولى كده بترجعى البيت وشك احمر و وارم كده هزار بوابين :S
حاولى تراجعى علاقتك مع صحابك دول تانى و تعملو خطوط حمرا فى حياتك محدش يتعدى عليها لان الطيب اللى زيك و شخصيته ضعيفه كده مش هيعرف يعيش اليومين دول خدى موقف على طول من اى حد يعمل حاجه متعجبكيش زى ما رورو بتقولك هتلاقى بعد كده كله عارف حدوده و كمان لما تيجى تصاحبى اى حد جديد برضه متخليهوش ياخد عليكى زى صحابك دول ………….. ربنا يوفقك
اولا شكرا يا استاذ “خالد مجدى” على ردك لكن انا عندى تعليق عليه: 1- انت مش ملاحظ ان انا بنت وحضرتك بتقول “ان البنات دول عديمى الشخصية وجبناء” على فكرة مش كل البنات كدة والبنات مش عار على البلد زى ما ناس كتير بتقول ولو كان الكلام دة صح مكنش ربنا خلقنا احنا البنات وبعدين انا مش بضرب صحباتى عشان خايفة منهم لأ انا مش بضربهم عشان خايفة ازعل ربنا منى وبحاول اتعامل بمحبة مع كل الناس. 2- انتوا ليه الأولاد يعنى بتحبوا تضربوا بعض؟ ليه متتعاملوش مع بعض بتفاهم؟ ليه بتسيبوا البنات تتعلم الضرب منكم؟ ليه لما حد يضربكم تضربوه بدل ما تسامحوه او تحطوا ليه حد فى تعامله معاكم؟ ارجو الرد منك يا استاذ “خالد مجدى” وانا اسفة على طريقة كلامى بس انا منفعلة. شكرا لك.
السلام عليكم أنا من رأى أن البنات دول عديمى الشخصية وجبناء يعنى مثال لو هم من سن 10:15 يبقى دول عقلهم خفيف أوى لو دو من سن 16:20 يبقى حد مربيهم على كدا حاولى تشوفى مين الراس الكبيرة أنا كنت بغانى من كدا بس دلوقتى وللأسف الشديد أول مرة أعرف أن أنا متخلف فى الضرب ضربت فصلى كلة وشكرا ويا رب أكون أفدتك
اولا شكرا بجد على النصائح الرائعة دى لكن انتوا فهمتونى غلط البنات دول كويسين عشان كدة انا كاتبة فى مشكلتى انهم صحباتى وإلا كنت زمانى سبتهم وخلاص انا فعلا بحبهم عشان هم بيساعدونى فى مشاكلى وانا كمان بساعدهم ونقعد نرغى فى اسرارنا وكدة وبنبقى مبسوطين مع بعض يعنى انا من الاخر كدة مقدرش اسيبهم وهم نفس الكلام المشكلة بقى ان انا مش قادرة اقنعهم ان هزارهم اللى بالضرب دة هزار بايخ دة بالعكس لما اقولهم كدة بيزودوا اكتر وللأسف كل بنات المدرسة بيحبوا الهزار دة اللى انا بكرهه من كل قلبى. حاولت ابلكدة انى ابعد عنهم وحاولت برضو انى اعاملهم معاملة سطحية لكن بجد كانت محاولات فاشلة لأن متبسطش بكدة وهم نفسهم لحظوا كدة وزعلوا عشان احنا بنحب بعض اوى فإنتوا ايه رأيكم اقولهم ازاى يبطلوا ضرب لأن انا فعلا مبحبش الهزار اللى بالضرب لأنى ساعتها ببقى راجعة البيت وشى وارم واحمر جدا فياريت تردوا عليا. وشكرا للموقع لأنه نشر المشكلة دى بسرعة وشكرا لكل اللى ردوا واللى لسة هيردوا.
بصى يا حبيبتى الموضوع مش مستاهل خالص انك تيأسى من الحياه بيقولوا دايما (اعرف صاحبك وعلم عليه) فخلاص بقى متسمحلهمش تانى يلمسوكى ولا يتكلمو بالطريقه دى ولو قالو الكلمه ال بيقولوها دى قوللهم اه بقى عندى شخصيه ويخاصموكى مع السلامه…يأما علاقتك بيهم تبقى سطحيه واى حد تانى تتصاحبى عليه متعاملهوش بنفس الطريقه ال كنتى بتعامليها بيهم ولو كل البنات من نوعيتهم دى فانا شايفه ان الاختصار هو الحل لان الوحده فى حالات كتيير بتبقى احسن من الناس دى بس برضه بلاش تبقى وحيده وخلى علاقتك بيهم سطحيه لحد ما فى يوم ومع الوقت هتلاقى الصاحبه ال بجد..بس ومتضايقيش ولا تندمى على معاملتك ليهم اولا كل ده عند ربنا ثانيا خليه درس ليكى تستفيدى منه,,,,,واوعى تيأسى خالص واتفائلى الحياه حلوه وجميله :))
انتى صعبتى عليا اوى اوى بصى يا حببتى دلوقتى خلاص مبئاش ينفع تتعملى مع الناس بالطيبة الى انتى فيها دى عشان الناس كدة بيستهبلوكى وبيستضعفوكى لان الناس دلوقتى بيقولوا على الطيبة ضعف وهبل والطيب بيئولوا علية ضعيف وبيعترفوش انها طيبة لان خلاص الطيبة انتهت من الزمن دة ولاخلاق كمان الحل لموضوعك دة هو انك توقفى كل حد يتعدى حدودة معاكى عند حدة يعنى مثلا لو وحدة فيهم مدت اديها عليكى انتى كمان تمدى ايدك عليها والبادى اظلم سعتها كل وحدة حتعملك الف حساب و مفيش وحدة حطول لسنها عليكى ولا اديها ولو وصلت لانك تقطعى معاهم اقعطى ودورى على بنات تنيين مؤدبين ومحترمين ويئدروكى بجد انا كمان كونت ذيك كدة بس موصلتش لانهم يمدوا اديهم عليا عشان كونت حئطعهلهم بس كنوا بيطولوا لسنهم عليا فأطعتلهم لسنهم دة خالص عملت ذى ما اؤلتلك بعدها احترمونى ومحدش بئى يئدر يطول لسانة عليا سدئينى الناس بئت وحشة اوى ولسة كل ما تدوسى فى الدنيا بتعرفى حقيقت الناس اكتر لو مخلتهمش يحترموكى من دلوقتى حتتعبى اوى و محدش حيحترمك
السلام عليكم شوفى اولا قبل متطلبى منهم انهم يبطلو يستخفو بيكى لازم تبطلى انتى الاول تستخفى بنفسك خلى عندك اعتزاز بنفسى انا زمان كنت بعمل كل طلبات اصحابى لكن مرة اتخنقت من واحد كان بيستغلى وطلعت فيه جامد وسكت والله ساعتها حسيت براحة لانى اخدت حقى جمدى قلبك واعرفى ان الناس دى مش هيبطلو الا لو عاندتيهم لحد اخر لحظة وصوتك يبقى اعلى من صوتهم لا على صوتك وخليه يسمع كل الناس الصوت بيدى قوة ذاتية وبيضعف الخصم والكلام دا حقيقى جمدى قلبك دى مش نهاية العالم اكيد جواكى شخصية مميزة جدا لكن مستنياكى تخرجيها وتتفننى باتخدامها ومتضعفيشش
السلام عليكم بصراحه حاجتين اللى خلونى اكتب رد
1_وبليز اللي فيكم يفتح مشكلتي دي يكتب رده او تعليقه مش مجرد يقراها بس
هو اجبارى يعنى افرضى حد دخل طيب وكتبلك رد مش مناسب
والحاجه التانيه انك بدأت أيأس من الحياة بسببها
المشكله مس مستاهله للدرجه دى يعنى
ومشكلتك حلها بسيط
اولا حاولى تبعدى عن البنات دى اللى بتعاملك كده وانت بتقولى كل البنات اللى عند كده مش لازم من اللى عند مش لازم تصاحبى ولا انك تتهانى وتتبهدلى والعبره فى الصداقه انه يكون ليكى صديقه تقف جنبك فى محنك وفى شدتك مش يكون ليكى اصدقاء كتيير
وفى فرق بين الزماله وبين الصداقه
ابعدى عن البنات دى مش بعد اوى حاولى متحتكيش بيهم كتير معلش الا لو انت متتطفله شويه وبتفرضى نفسك عليهم وبتتجبريهم انهم يعاملوكى بالاسلوب ده
الحاجه التانيه انك لما تتعرفى على حد جديد حاولى تحطى حدود فى علاقتك من اولها ومتقربيش اوى لاى حد
وحاولى متكتريش كلام فى اى حاجه وخلاص ومتفرضيش نفسك على حد وخليكى دايما رزيله وتقيله واتسمى بالابتسامه الخفيفه
ابتسمى فى كل الظروف حتى يحتار من حولك فى فهمك
لاتكثرى الكلام فالسمكه المغلقه فمها يصعب صيدها